2–BOB
Qiz:
1 Men Sharon atirguliman ,
Vodiylar nilufariman.
Yigit:
2 Mening sevgilim qizlar orasida,
Tikanlar orasidagi nilufar gulidaydir!
Qiz:
3 Mening sevgilim yigitlar orasida,
Oʻrmon daraxtlari orasidagi olma daraxtiday ajralib turar.
Men uning soyasida oʻtirib zavq olaman,
Uning mevasi juda shirindir.
4 U meni oʻz mehmonxonasiga olib kirdi,
Meni oʻz sevgisi bilan qopladi.
5 Mayizlar yedirib, menga kuch bergin,
Olmalar bilan quvvatga toʻldirgin,
Axir, sevgilimning ishqi dardida yonmoqdaman.
6 Uning chap qoʻli boshim ostidadir,
Oʻng qoʻli bilan esa meni quchoqlaydi!
7 Ey Quddus qizlari,
Kiyigu yovvoyi ohular haqi ont iching.
Vaqt–soati kelmaguncha,
Sevgini qoʻzgʻatmang, uygʻotmang.
Ikkinchi qoʻshiq
Qiz:
8 Sevgilim ovozi eshitilyapti,
Ana qaranglar, u kelyapti.
Togʻlaru qirlar osha kelyapti.
9 Sevgilim ohuday, yosh kiyikdaydir.
Mana, u devor ortida turibdi.
Oynalardan moʻralab,
Panjaralar orasidan qarab turibdi.
10 Sevgilim menga shunday deydi:
“Tura qol, sevgilim, oppogʻim,
Men bilan yurgin.
11 Mana qish oʻtdi, yomgʻirlar toʻxtadi.
12 Yer yuzi gullar bilan qoplanmoqda,
Yurt boʻylab kabutarlar kuyi eshitilmoqda,
Qoʻshiq kuylash vaqti yetib keldi.
13 Anjir meva tugishni boshladi,
Toklar ham gulga kirdi.
Ular xushboʻy hidlarini taratmoqda.
Tura qol, sevgilim, oppogʻim,
Men bilan yurgin.”
Yigit:
14 Sevgilim, sen togʻlarda yashaydigan,
Qoyalarda yashirinadigan kabutardaysan.
Yuzingni koʻrsatgin, ovozingni eshitay.
Ovozing juda shirin, yuzing goʻzaldir.
15 Qarang, uzumzorimiz gullab yotibdi,
Kichkina tulkilarni ushlanglar.
Axir, ular uzumzorlarni vayron qiladi.
Qiz:
16 Sevgilim menikidir, men esa unikiman,
U nilufarlar terib, oʻz bogʻidan zavq oladi.
17 Tong otmay turib, bora qol, jonim.
Baland togʻlarda sakraydigan ohu, kiyikday boʻlib,
Qorongʻilik chekinmasdan oldin, qaytib keta qol.
2–BOB
Qiz:
1 Men Sharon atirguliman ,
Vodiylar nilufariman.
Yigit:
2 Mening sevgilim qizlar orasida,
Tikanlar orasidagi nilufar gulidaydir!
Qiz:
3 Mening sevgilim yigitlar orasida,
Oʻrmon daraxtlari orasidagi olma daraxtiday ajralib turar.
Men uning soyasida oʻtirib zavq olaman,
Uning mevasi juda shirindir.
4 U meni oʻz mehmonxonasiga olib kirdi,
Meni oʻz sevgisi bilan qopladi.
5 Mayizlar yedirib, menga kuch bergin,
Olmalar bilan quvvatga toʻldirgin,
Axir, sevgilimning ishqi dardida yonmoqdaman.
6 Uning chap qoʻli boshim ostidadir,
Oʻng qoʻli bilan esa meni quchoqlaydi!
7 Ey Quddus qizlari,
Kiyigu yovvoyi ohular haqi ont iching.
Vaqt–soati kelmaguncha,
Sevgini qoʻzgʻatmang, uygʻotmang.
Ikkinchi qoʻshiq
Qiz:
8 Sevgilim ovozi eshitilyapti,
Ana qaranglar, u kelyapti.
Togʻlaru qirlar osha kelyapti.
9 Sevgilim ohuday, yosh kiyikdaydir.
Mana, u devor ortida turibdi.
Oynalardan moʻralab,
Panjaralar orasidan qarab turibdi.
10 Sevgilim menga shunday deydi:
“Tura qol, sevgilim, oppogʻim,
Men bilan yurgin.
11 Mana qish oʻtdi, yomgʻirlar toʻxtadi.
12 Yer yuzi gullar bilan qoplanmoqda,
Yurt boʻylab kabutarlar kuyi eshitilmoqda,
Qoʻshiq kuylash vaqti yetib keldi.
13 Anjir meva tugishni boshladi,
Toklar ham gulga kirdi.
Ular xushboʻy hidlarini taratmoqda.
Tura qol, sevgilim, oppogʻim,
Men bilan yurgin.”
Yigit:
14 Sevgilim, sen togʻlarda yashaydigan,
Qoyalarda yashirinadigan kabutardaysan.
Yuzingni koʻrsatgin, ovozingni eshitay.
Ovozing juda shirin, yuzing goʻzaldir.
15 Qarang, uzumzorimiz gullab yotibdi,
Kichkina tulkilarni ushlanglar.
Axir, ular uzumzorlarni vayron qiladi.
Qiz:
16 Sevgilim menikidir, men esa unikiman,
U nilufarlar terib, oʻz bogʻidan zavq oladi.
17 Tong otmay turib, bora qol, jonim.
Baland togʻlarda sakraydigan ohu, kiyikday boʻlib,
Qorongʻilik chekinmasdan oldin, qaytib keta qol.
