31–BOB
Egamiz Muqaddas chodirni yasash uchun mohir ustalarni tanlaydi
1 Egamiz Musoga yana gapirdi: 2 “Ana, Men Yahudo qabilasidan Urining oʻgʻli, Xurning nabirasi Bazalilni tanladim. 3 Men uni Ruhim bilan toʻldirib, hunarmandchilikning hamma turi boʻyicha mohir va idrokli qildim, qobiliyat ato etdim. 4 U ajoyib badiiy bezaklar qilishga, bezaklarga oltin, kumush va bronza bilan ishlov berishga, 5 qimmatbaho toshlarni oʻyishga, ularga ishlov berib jihozlashga, yogʻoch oʻymakorligiga, badiiy hunarmandchilikka layoqatlidir. 6 Dan qabilasidan Oxisamax oʻgʻli Oxoliyovni unga yordamchi qilib tanladim. Men hamma hunarmandlarga lozim darajada qobiliyat ato qilganman. Men senga amr bergan quyidagi ashyolarni ular yasaydilar va tikadilar:
7 Uchrashuv chodirini,
Ahd sandigʻi va Sandiqning qopqogʻini,
Chodirning boshqa hamma jihozlari 8 — xontaxta, xontaxtaning buyumlari, toza oltindan chiroqpoya va chiroqpoyaning hamma buyumlarini, tutatqi qurbongohini, 9 qurbonlik kuydiriladigan qurbongoh va qurbongohning hamma buyumlarini, qoʻlyuvgich va qoʻlyuvgichning tagligini,
10 ruhoniy Horun uchun ajoyib qilib tikilgan muqaddas liboslarni, uning oʻgʻillari ruhoniy boʻlib xizmat qilganlarida kiyadigan liboslarni,
11 muqaddas qiladigan moy va Muqaddas xona uchun xushboʻy tutatqini.
Men senga qanday amr etgan boʻlsam, ular xuddi shunday qilib bajarishsin.”
Shabbat kuni toʻgʻrisidagi amr
12 Soʻngra Egamiz Musoga aytdi:
13 — Isroil xalqiga Mening shu gapimni yetkaz: “Menga bagʻishlangan Shabbat kuniga rioya qilib yuringlar. Avlodlaringiz osha Shabbat kuni Men bilan sizlarning orangizda alomat boʻlib xizmat qiladi. Shu orqali Egangiz Men ekanligimni bilib olasizlar. Sizlarni Men muqaddas qilib boshqalardan ajrataman. 14 Shabbat kuniga rioya qilib yuringlar, bu kunni muqaddas deb bilinglar. Kimki bu kunni izzat qilmasa, oʻsha odamning jazosi oʻlimdir. Kimki oʻsha kuni ishlasa, u Isroil xalqi orasidan yoʻq qilinadi. 15 Hamma ishlaringizni bajarishingiz uchun olti kun bor. Yettinchi kun — Shabbat kuni esa hamma ishlardan tinib, Men, Egangizga atab ajratilgan kundir. Kim Shabbat kuni ishlasa, oʻshaning jazosi oʻlimdir. 16 Isroil xalqi avlodlar osha Shabbat qonun–qoidalariga itoat etish orqali bu kunga rioya qilib yurishlari lozim. 17 Bu sen bilan Mening oʻrtamizdagi ahdning doimiy alomatidir, Men, Egangiz, olti kun davomida yer va osmonni yaratib, yettinchi kuni tinib, orom olganimni doimo eslatib turadi.”
18 Shunday qilib, Xudo Sinay togʻida Muso bilan gapini tugatib , unga ikkita tosh lavhani berdi. Lavhalarga bitilgan ahdning amr va qonunlarini Xudoning Oʻzi yozgan edi.
31–BOB
Egamiz Muqaddas chodirni yasash uchun mohir ustalarni tanlaydi
1 Egamiz Musoga yana gapirdi: 2 “Ana, Men Yahudo qabilasidan Urining oʻgʻli, Xurning nabirasi Bazalilni tanladim. 3 Men uni Ruhim bilan toʻldirib, hunarmandchilikning hamma turi boʻyicha mohir va idrokli qildim, qobiliyat ato etdim. 4 U ajoyib badiiy bezaklar qilishga, bezaklarga oltin, kumush va bronza bilan ishlov berishga, 5 qimmatbaho toshlarni oʻyishga, ularga ishlov berib jihozlashga, yogʻoch oʻymakorligiga, badiiy hunarmandchilikka layoqatlidir. 6 Dan qabilasidan Oxisamax oʻgʻli Oxoliyovni unga yordamchi qilib tanladim. Men hamma hunarmandlarga lozim darajada qobiliyat ato qilganman. Men senga amr bergan quyidagi ashyolarni ular yasaydilar va tikadilar:
7 Uchrashuv chodirini,
Ahd sandigʻi va Sandiqning qopqogʻini,
Chodirning boshqa hamma jihozlari 8 — xontaxta, xontaxtaning buyumlari, toza oltindan chiroqpoya va chiroqpoyaning hamma buyumlarini, tutatqi qurbongohini, 9 qurbonlik kuydiriladigan qurbongoh va qurbongohning hamma buyumlarini, qoʻlyuvgich va qoʻlyuvgichning tagligini,
10 ruhoniy Horun uchun ajoyib qilib tikilgan muqaddas liboslarni, uning oʻgʻillari ruhoniy boʻlib xizmat qilganlarida kiyadigan liboslarni,
11 muqaddas qiladigan moy va Muqaddas xona uchun xushboʻy tutatqini.
Men senga qanday amr etgan boʻlsam, ular xuddi shunday qilib bajarishsin.”
Shabbat kuni toʻgʻrisidagi amr
12 Soʻngra Egamiz Musoga aytdi:
13 — Isroil xalqiga Mening shu gapimni yetkaz: “Menga bagʻishlangan Shabbat kuniga rioya qilib yuringlar. Avlodlaringiz osha Shabbat kuni Men bilan sizlarning orangizda alomat boʻlib xizmat qiladi. Shu orqali Egangiz Men ekanligimni bilib olasizlar. Sizlarni Men muqaddas qilib boshqalardan ajrataman. 14 Shabbat kuniga rioya qilib yuringlar, bu kunni muqaddas deb bilinglar. Kimki bu kunni izzat qilmasa, oʻsha odamning jazosi oʻlimdir. Kimki oʻsha kuni ishlasa, u Isroil xalqi orasidan yoʻq qilinadi. 15 Hamma ishlaringizni bajarishingiz uchun olti kun bor. Yettinchi kun — Shabbat kuni esa hamma ishlardan tinib, Men, Egangizga atab ajratilgan kundir. Kim Shabbat kuni ishlasa, oʻshaning jazosi oʻlimdir. 16 Isroil xalqi avlodlar osha Shabbat qonun–qoidalariga itoat etish orqali bu kunga rioya qilib yurishlari lozim. 17 Bu sen bilan Mening oʻrtamizdagi ahdning doimiy alomatidir, Men, Egangiz, olti kun davomida yer va osmonni yaratib, yettinchi kuni tinib, orom olganimni doimo eslatib turadi.”
18 Shunday qilib, Xudo Sinay togʻida Muso bilan gapini tugatib , unga ikkita tosh lavhani berdi. Lavhalarga bitilgan ahdning amr va qonunlarini Xudoning Oʻzi yozgan edi.
