14–BOB
1 Samariya aholisi oʻz Xudosiga qarshi bosh koʻtardi,
Endi ular gunohining jazosini tortadi.
Ular qilichdan halok boʻladi,
Goʻdaklarini dushmanlar yerga urib oʻldiradi,
Homilador ayollarning qorinlarini yoradi.
Xoʻsheya Isroil xalqiga xitob qiladi
2 Ey Isroil, Egang Xudoga qaytgin!
Axir, gunoh tufayli sen qulading.
3 Gapingni tayyorlab, Egamizga qayt.
Sen Unga shunday deb ayt:
“Gunohlarimizdan kechib yuborgin,
Ibodatimizni qabul qilgin.
Qurbongohingda buqalarni qurbonlik qilganday,
Biz Senga madhiyamizni nazr qilamiz.
4 Ossuriya bizga najot bermaydi,
Biz jangovar otlarga minmaymiz.
Qoʻl bilan yasalgan butlarni
Endi biz «xudolarimiz» deb atamaymiz.
Ey Egamiz, biz — yetimlarga
Faqat Sen rahm–shafqat qilasan.”
Isroilga Egamiz yangi hayot vaʼda qiladi
5 Egamiz shunday deydi:
“Men xalqimga shifo berib,
Ularni bevafolikdan qaytaraman,
Ularga qayta koʻngil qoʻyaman,
Men jahldan tushdim.
6 Men Isroil uchun shudringday boʻlaman,
Shunda Isroil nilufarday ochiladi,
Lubnon oʻrmoniday tomir otadi.
7 Ularning novdalari oʻsib chiqadi,
Zaytun daraxtidek koʻrkam boʻladi,
Lubnon sadriday muattar hid taratadi.
8 Ularning soyasida xalqlar yashaydi.
Isroil moʻl bugʻdoy yetishtiradi,
Ular uzumzorday koʻp hosil berishadi,
Lubnon sharobiday mashhur boʻlishadi.
9 Ey Efrayim , Men butlaringga aslo oʻxshamayman!
Sening ibodatlaringga javob beraman,
Senga gʻamxoʻrlik qilaman.
Men doim yashil sarv daraxti kabidirman ,
Olgan moʻl hosilingning manbaidirman.”
Xotima
10 Kim dono boʻlsa,
Bu yerda yozilgan soʻzlarni tushunadi,
Kim fahm–farosatli boʻlsa,
Bularning hammasini anglab oladi.
Egamizning yoʻllari toʻgʻridir.
Solihlar Uning yoʻllaridan yuradi,
Isyonchilar esa qoqilib tushadi.
14–BOB
1 Samariya aholisi oʻz Xudosiga qarshi bosh koʻtardi,
Endi ular gunohining jazosini tortadi.
Ular qilichdan halok boʻladi,
Goʻdaklarini dushmanlar yerga urib oʻldiradi,
Homilador ayollarning qorinlarini yoradi.
Xoʻsheya Isroil xalqiga xitob qiladi
2 Ey Isroil, Egang Xudoga qaytgin!
Axir, gunoh tufayli sen qulading.
3 Gapingni tayyorlab, Egamizga qayt.
Sen Unga shunday deb ayt:
“Gunohlarimizdan kechib yuborgin,
Ibodatimizni qabul qilgin.
Qurbongohingda buqalarni qurbonlik qilganday,
Biz Senga madhiyamizni nazr qilamiz.
4 Ossuriya bizga najot bermaydi,
Biz jangovar otlarga minmaymiz.
Qoʻl bilan yasalgan butlarni
Endi biz «xudolarimiz» deb atamaymiz.
Ey Egamiz, biz — yetimlarga
Faqat Sen rahm–shafqat qilasan.”
Isroilga Egamiz yangi hayot vaʼda qiladi
5 Egamiz shunday deydi:
“Men xalqimga shifo berib,
Ularni bevafolikdan qaytaraman,
Ularga qayta koʻngil qoʻyaman,
Men jahldan tushdim.
6 Men Isroil uchun shudringday boʻlaman,
Shunda Isroil nilufarday ochiladi,
Lubnon oʻrmoniday tomir otadi.
7 Ularning novdalari oʻsib chiqadi,
Zaytun daraxtidek koʻrkam boʻladi,
Lubnon sadriday muattar hid taratadi.
8 Ularning soyasida xalqlar yashaydi.
Isroil moʻl bugʻdoy yetishtiradi,
Ular uzumzorday koʻp hosil berishadi,
Lubnon sharobiday mashhur boʻlishadi.
9 Ey Efrayim , Men butlaringga aslo oʻxshamayman!
Sening ibodatlaringga javob beraman,
Senga gʻamxoʻrlik qilaman.
Men doim yashil sarv daraxti kabidirman ,
Olgan moʻl hosilingning manbaidirman.”
Xotima
10 Kim dono boʻlsa,
Bu yerda yozilgan soʻzlarni tushunadi,
Kim fahm–farosatli boʻlsa,
Bularning hammasini anglab oladi.
Egamizning yoʻllari toʻgʻridir.
Solihlar Uning yoʻllaridan yuradi,
Isyonchilar esa qoqilib tushadi.
