14–BOB
Teri kasalligidan forigʻ boʻlgan odamning poklanishi
1 Egamiz Musoga 2 xasta odamning poklanish marosimiga oid quyidagi qoidalarni berdi: teri kasalligidan forigʻ boʻlgan odamni ruhoniyning oldiga olib keling. 3 Ruhoniy uni qarorgohdan tashqarida koʻrsin. Agar oʻsha odam haqiqatan ham kasalligidan forigʻ boʻlgan boʻlsa, 4 ruhoniy uni poklash uchun ikkita halol tirik qushni, sadr yogʻochini, qirmizi ipni va bir tutam issop oʻtini keltirsin. 5 Ruhoniyning amriga binoan qushlarning bittasi yangi buloq suvi solingan sopol idish ustida boʻgʻizlansin. 6 Soʻng ruhoniy tirik qushni, sadr yogʻochini, qirmizi ipni va issopni olib, buloq suvi ustida boʻgʻizlangan qushning qoniga botirsin. 7 Keyin qonni teri kasalligidan poklanadigan odamning ustiga yetti marta sepsin. Ruhoniy oʻsha odamni pok deb eʼlon qilsin va tirik qushni dalaga qoʻyib yuborsin. 8 Poklanadigan odam kiyimlarini yuvsin. Hamma sochini qirib tashlab, yuvinsin, shunda u pok boʻladi. Shundan keyin u qarorgohga kirsin, lekin yetti kun davomida chodirining tashqarisida yashasin. 9 Yettinchi kuni u yana sochini, soqolini, qoshlarini va hamma tuklarini qirsin. Soʻng kiyimlarini yuvib, oʻzi ham yuvinsin, shunda u pok boʻladi.
10 Sakkizinchi kuni u ikkita nuqsonsiz qoʻchqor qoʻzini va bitta bir yoshli nuqsonsiz urgʻochi qoʻzini, don nazri sifatida zaytun moyi qoʻshilgan oʻn ikki kosa sifatli unni va bir kosa zaytun moyini olib kelsin. 11 Poklanish marosimini olib borayotgan ruhoniy poklanadigan odamni va uning olib kelgan qurbonligu nazrlarini Egamizning huzuriga, Uchrashuv chodiri kiraverishiga qoʻysin. 12 Soʻng qoʻzining bittasini bir kosa zaytun moyi bilan birga ayb qurbonligi sifatida keltirsin. Oʻsha narsalarni Egamizga bagʻishlaganini koʻrsatib, yuqoriga koʻtarsin. 13 U qoʻzini muqaddas joyda, gunoh qurbonligi va kuydiriladigan qurbonlik boʻgʻizlanadigan joyda soʻysin. Ayb qurbonligi gunoh qurbonligi singari, ruhoniyga tegishlidir. Bu qurbonlik nihoyatda muqaddasdir. 14 Ruhoniy ayb qurbonligining qonidan olib, poklanayotgan odamning oʻng qulogʻi solinchagiga , oʻng qoʻlining bosh barmogʻiga va oʻng oyogʻining bosh barmogʻiga surtsin. 15 Soʻng kosadagi zaytun moyidan olib, oʻz qoʻlining chap kaftiga quysin. 16 Oʻng qoʻlining barmogʻini chap kaftidagi zaytun moyiga botirib, yetti marta Egamizning huzurida sachratsin. 17 Chap kaftida qolgan zaytun moyidan poklanayotgan odamning oʻng qulogʻi solinchagiga, oʻng qoʻli bosh barmogʻiga va oʻng oyogʻi bosh barmogʻiga — ayb qurbonligining qoni surtilgan joyga surtsin. 18 Ortib qolgan moyni esa poklanayotgan odamning boshiga surtsin. Shu yoʻsin, ruhoniy Egamizning huzurida poklanish marosimini oʻtkazsin.
19 Keyin ruhoniy gunoh qurbonligini keltirib, poklanish marosimini oʻtkazsin. U kuydiriladigan qurbonlikni soʻyib, 20 don nazri bilan birga qurbongoh ustida kuydirsin. Ruhoniy shu yoʻsin poklanish marosimini oʻtkazsin, shunda kasallikdan forigʻ boʻlgan odam pok boʻladi.
21 Bordi–yu, u odam kambagʻal boʻlib, bularni qurbonlik qilishga qurbi yetmasa, u poklanishi uchun yuqoriga koʻtariladigan ayb qurbonligi sifatida bitta qoʻchqor qoʻzini, don nazri uchun zaytun moyi qoʻshilgan toʻrt kosa sifatli unni va bir kosa zaytun moyini olib kelsin. 22 Bulardan tashqari, imkoniyatiga koʻra, ikkita kaptarni yoki ikkita musichani olib kelsin. Biri gunoh qurbonligi, ikkinchisi kuydiriladigan qurbonlik uchundir. 23 U shu narsalarni sakkizinchi kuni poklanish uchun Uchrashuv chodiri kiraverishiga, Egamizning oldiga olib kelib, ruhoniyga bersin. 24 Ruhoniy ayb qurbonligi uchun keltirilgan qoʻzini va bir kosa zaytun moyini olib, Egamizga bagʻishlaganini koʻrsatish uchun Egamizning huzurida yuqoriga koʻtarsin. 25 Soʻng qoʻzini soʻysin, qonidan olib, poklanayotgan odamning oʻng qulogʻi solinchagiga, oʻng qoʻlining bosh barmogʻiga va oʻng oyogʻining bosh barmogʻiga surtsin. 26 Keyin ruhoniy chap qoʻlining kaftiga zaytun moyidan quysin. 27 Oʻng qoʻlining barmogʻi bilan oʻsha moyni yetti marta Egamizning huzurida sachratsin. 28 Soʻng qoʻlidagi moydan poklanayotgan odamning oʻng qulogʻi solinchagiga, oʻng qoʻlining bosh barmogʻiga va oʻng oyogʻining bosh barmogʻiga — ayb qurbonligining qoni surtilgan joyga surtsin. 29 Qoʻlidagi ortib qolgan moyni poklanayotgan odamning boshiga surtsin. Shu yoʻl bilan ruhoniy poklanish marosimini oʻtkazsin. 30 Soʻng ruhoniy kaptarlarni yoki musichalarni qurbon qilsin. 31 Bittasini gunoh qurbonligi, ikkinchisini kuydiriladigan qurbonlik qilib, don nazri bilan birga keltirsin. Shu yoʻsin, ruhoniy Egamizning huzurida poklanish marosimini oʻtkazsin. 32 Bu qoidalar teri kasalligidan forigʻ boʻlgan, lekin poklanish marosimi uchun kerakli qurbonliklarni keltirishga qurbi yetmagan odam uchundir.
Uylardagi mogʻor
33 Egamiz Muso va Horunga 34 mogʻor bosgan uylarga oid quyidagi qonunlarni berdi: Egamiz sizlarga mulk qilib beradigan Kanʼon yurtiga borganingizdan keyin sizlarga qarashli yurtdagi uyni mogʻor bostirishi mumkin. 35 Shunda xonadon sohibi ruhoniyning oldiga borib: “Uyimni mogʻor bosganga oʻxshaydi”, — deb aytsin. 36 Uydagi narsalar harom deb eʼlon qilinmasligi uchun, ruhoniy mogʻorni koʻrishga kirishdan oldin, uydagi hamma narsalarni chiqartirishni buyursin. Shundan soʻng uyni koʻzdan kechirish uchun ichkariga kirib, 37 mogʻor bosgan devorlarni koʻrsin. Agar mogʻorning koʻkimtir yoki qizgʻish dogʻlari boʻlib, devorga chuqur botib kirgan boʻlsa, 38 ruhoniy tashqariga chiqib, uyni yetti kunga berkitib qoʻysin. 39 Yettinchi kuni ruhoniy qaytib kelib, uyni yana koʻrsin. Agar mogʻor devorga yoyilib ketgan boʻlsa, 40 ruhoniy mogʻor yoyilgan devordagi toshlarni koʻchirtirib, shahar tashqarisidagi harom joyga olib borib tashlashni buyursin. 41 Soʻng uy ichkarisidagi devorlarning suvogʻini koʻchirtirib, shahar tashqarisidagi harom joyga chiqartirib tashlatsin. 42 Koʻchirib olingan toshlar oʻrniga boshqa toshlar qoʻydirib, uyning ichini yangidan suvoq qildirsin. 43 Agar shundan keyin ham uyni mogʻor bossa, 44 ruhoniy kelib uyni koʻrsin. Mogʻor devorlarga yoyilgan boʻlsa, bu yoyiladigan zamburugʻdir. Uy harom hisoblanadi. 45 Uy buzib tashlansin, uning tosh, yogʻoch va suvogʻini shahar tashqarisidagi harom joyga olib chiqib tashlashsin. 46 Uy yopiq paytida u yerga kirgan har qanday odam kechgacha harom hisoblanadi. 47 Oʻsha uyda uxlagan yoki u yerda ovqatlangan har qanday odam kiyimlarini yuvsin.
48 Bordi–yu, uy yangidan suvoq qilingandan keyin ruhoniy kelib, uyni koʻrganda devorlarni mogʻor bosmagan boʻlsa, ruhoniy uyni pok deb eʼlon qilsin. Mogʻor yoʻq boʻlgan boʻladi. 49 Uyni poklash uchun ruhoniy ikkita qushni, sadr yogʻochini, qirmizi ipni va bir tutam issop oʻtini olsin. 50 Qushning birini sopol idishdagi yangi buloq suvi ustida soʻysin. 51 Soʻng sadr yogʻochini, issop tutamini, qirmizi ipni va tirik qushni olib, ularni buloq suvi ustida boʻgʻizlangan qushning qoniga botirsin–da, uyga yetti marta sepsin. 52 Shu yoʻl bilan uyni poklagandan keyin, 53 tirik qushni shahar chekkasiga olib chiqib, dalaga qoʻyib yuborsin. Shu tariqa ruhoniy uy uchun poklash marosimini oʻtkazsin, shunda uy pok boʻladi.
54 Teri kasalligiga va yoyiladigan zamburugʻlarga oid qoidalar shulardir. Bu qoidalar teridagi qichitmaning, 55 uy va kiyimlardagi mogʻorlarning, teridagi shish, toshma yoki dogʻlarning 56 halol yoki harom ekanligini bilish uchun xizmat qiladi.
Xullas, teri kasalligi va yoyiladigan zamburugʻlarga oid qoidalar shulardan iborat.
14–BOB
Teri kasalligidan forigʻ boʻlgan odamning poklanishi
1 Egamiz Musoga 2 xasta odamning poklanish marosimiga oid quyidagi qoidalarni berdi: teri kasalligidan forigʻ boʻlgan odamni ruhoniyning oldiga olib keling. 3 Ruhoniy uni qarorgohdan tashqarida koʻrsin. Agar oʻsha odam haqiqatan ham kasalligidan forigʻ boʻlgan boʻlsa, 4 ruhoniy uni poklash uchun ikkita halol tirik qushni, sadr yogʻochini, qirmizi ipni va bir tutam issop oʻtini keltirsin. 5 Ruhoniyning amriga binoan qushlarning bittasi yangi buloq suvi solingan sopol idish ustida boʻgʻizlansin. 6 Soʻng ruhoniy tirik qushni, sadr yogʻochini, qirmizi ipni va issopni olib, buloq suvi ustida boʻgʻizlangan qushning qoniga botirsin. 7 Keyin qonni teri kasalligidan poklanadigan odamning ustiga yetti marta sepsin. Ruhoniy oʻsha odamni pok deb eʼlon qilsin va tirik qushni dalaga qoʻyib yuborsin. 8 Poklanadigan odam kiyimlarini yuvsin. Hamma sochini qirib tashlab, yuvinsin, shunda u pok boʻladi. Shundan keyin u qarorgohga kirsin, lekin yetti kun davomida chodirining tashqarisida yashasin. 9 Yettinchi kuni u yana sochini, soqolini, qoshlarini va hamma tuklarini qirsin. Soʻng kiyimlarini yuvib, oʻzi ham yuvinsin, shunda u pok boʻladi.
10 Sakkizinchi kuni u ikkita nuqsonsiz qoʻchqor qoʻzini va bitta bir yoshli nuqsonsiz urgʻochi qoʻzini, don nazri sifatida zaytun moyi qoʻshilgan oʻn ikki kosa sifatli unni va bir kosa zaytun moyini olib kelsin. 11 Poklanish marosimini olib borayotgan ruhoniy poklanadigan odamni va uning olib kelgan qurbonligu nazrlarini Egamizning huzuriga, Uchrashuv chodiri kiraverishiga qoʻysin. 12 Soʻng qoʻzining bittasini bir kosa zaytun moyi bilan birga ayb qurbonligi sifatida keltirsin. Oʻsha narsalarni Egamizga bagʻishlaganini koʻrsatib, yuqoriga koʻtarsin. 13 U qoʻzini muqaddas joyda, gunoh qurbonligi va kuydiriladigan qurbonlik boʻgʻizlanadigan joyda soʻysin. Ayb qurbonligi gunoh qurbonligi singari, ruhoniyga tegishlidir. Bu qurbonlik nihoyatda muqaddasdir. 14 Ruhoniy ayb qurbonligining qonidan olib, poklanayotgan odamning oʻng qulogʻi solinchagiga , oʻng qoʻlining bosh barmogʻiga va oʻng oyogʻining bosh barmogʻiga surtsin. 15 Soʻng kosadagi zaytun moyidan olib, oʻz qoʻlining chap kaftiga quysin. 16 Oʻng qoʻlining barmogʻini chap kaftidagi zaytun moyiga botirib, yetti marta Egamizning huzurida sachratsin. 17 Chap kaftida qolgan zaytun moyidan poklanayotgan odamning oʻng qulogʻi solinchagiga, oʻng qoʻli bosh barmogʻiga va oʻng oyogʻi bosh barmogʻiga — ayb qurbonligining qoni surtilgan joyga surtsin. 18 Ortib qolgan moyni esa poklanayotgan odamning boshiga surtsin. Shu yoʻsin, ruhoniy Egamizning huzurida poklanish marosimini oʻtkazsin.
19 Keyin ruhoniy gunoh qurbonligini keltirib, poklanish marosimini oʻtkazsin. U kuydiriladigan qurbonlikni soʻyib, 20 don nazri bilan birga qurbongoh ustida kuydirsin. Ruhoniy shu yoʻsin poklanish marosimini oʻtkazsin, shunda kasallikdan forigʻ boʻlgan odam pok boʻladi.
21 Bordi–yu, u odam kambagʻal boʻlib, bularni qurbonlik qilishga qurbi yetmasa, u poklanishi uchun yuqoriga koʻtariladigan ayb qurbonligi sifatida bitta qoʻchqor qoʻzini, don nazri uchun zaytun moyi qoʻshilgan toʻrt kosa sifatli unni va bir kosa zaytun moyini olib kelsin. 22 Bulardan tashqari, imkoniyatiga koʻra, ikkita kaptarni yoki ikkita musichani olib kelsin. Biri gunoh qurbonligi, ikkinchisi kuydiriladigan qurbonlik uchundir. 23 U shu narsalarni sakkizinchi kuni poklanish uchun Uchrashuv chodiri kiraverishiga, Egamizning oldiga olib kelib, ruhoniyga bersin. 24 Ruhoniy ayb qurbonligi uchun keltirilgan qoʻzini va bir kosa zaytun moyini olib, Egamizga bagʻishlaganini koʻrsatish uchun Egamizning huzurida yuqoriga koʻtarsin. 25 Soʻng qoʻzini soʻysin, qonidan olib, poklanayotgan odamning oʻng qulogʻi solinchagiga, oʻng qoʻlining bosh barmogʻiga va oʻng oyogʻining bosh barmogʻiga surtsin. 26 Keyin ruhoniy chap qoʻlining kaftiga zaytun moyidan quysin. 27 Oʻng qoʻlining barmogʻi bilan oʻsha moyni yetti marta Egamizning huzurida sachratsin. 28 Soʻng qoʻlidagi moydan poklanayotgan odamning oʻng qulogʻi solinchagiga, oʻng qoʻlining bosh barmogʻiga va oʻng oyogʻining bosh barmogʻiga — ayb qurbonligining qoni surtilgan joyga surtsin. 29 Qoʻlidagi ortib qolgan moyni poklanayotgan odamning boshiga surtsin. Shu yoʻl bilan ruhoniy poklanish marosimini oʻtkazsin. 30 Soʻng ruhoniy kaptarlarni yoki musichalarni qurbon qilsin. 31 Bittasini gunoh qurbonligi, ikkinchisini kuydiriladigan qurbonlik qilib, don nazri bilan birga keltirsin. Shu yoʻsin, ruhoniy Egamizning huzurida poklanish marosimini oʻtkazsin. 32 Bu qoidalar teri kasalligidan forigʻ boʻlgan, lekin poklanish marosimi uchun kerakli qurbonliklarni keltirishga qurbi yetmagan odam uchundir.
Uylardagi mogʻor
33 Egamiz Muso va Horunga 34 mogʻor bosgan uylarga oid quyidagi qonunlarni berdi: Egamiz sizlarga mulk qilib beradigan Kanʼon yurtiga borganingizdan keyin sizlarga qarashli yurtdagi uyni mogʻor bostirishi mumkin. 35 Shunda xonadon sohibi ruhoniyning oldiga borib: “Uyimni mogʻor bosganga oʻxshaydi”, — deb aytsin. 36 Uydagi narsalar harom deb eʼlon qilinmasligi uchun, ruhoniy mogʻorni koʻrishga kirishdan oldin, uydagi hamma narsalarni chiqartirishni buyursin. Shundan soʻng uyni koʻzdan kechirish uchun ichkariga kirib, 37 mogʻor bosgan devorlarni koʻrsin. Agar mogʻorning koʻkimtir yoki qizgʻish dogʻlari boʻlib, devorga chuqur botib kirgan boʻlsa, 38 ruhoniy tashqariga chiqib, uyni yetti kunga berkitib qoʻysin. 39 Yettinchi kuni ruhoniy qaytib kelib, uyni yana koʻrsin. Agar mogʻor devorga yoyilib ketgan boʻlsa, 40 ruhoniy mogʻor yoyilgan devordagi toshlarni koʻchirtirib, shahar tashqarisidagi harom joyga olib borib tashlashni buyursin. 41 Soʻng uy ichkarisidagi devorlarning suvogʻini koʻchirtirib, shahar tashqarisidagi harom joyga chiqartirib tashlatsin. 42 Koʻchirib olingan toshlar oʻrniga boshqa toshlar qoʻydirib, uyning ichini yangidan suvoq qildirsin. 43 Agar shundan keyin ham uyni mogʻor bossa, 44 ruhoniy kelib uyni koʻrsin. Mogʻor devorlarga yoyilgan boʻlsa, bu yoyiladigan zamburugʻdir. Uy harom hisoblanadi. 45 Uy buzib tashlansin, uning tosh, yogʻoch va suvogʻini shahar tashqarisidagi harom joyga olib chiqib tashlashsin. 46 Uy yopiq paytida u yerga kirgan har qanday odam kechgacha harom hisoblanadi. 47 Oʻsha uyda uxlagan yoki u yerda ovqatlangan har qanday odam kiyimlarini yuvsin.
48 Bordi–yu, uy yangidan suvoq qilingandan keyin ruhoniy kelib, uyni koʻrganda devorlarni mogʻor bosmagan boʻlsa, ruhoniy uyni pok deb eʼlon qilsin. Mogʻor yoʻq boʻlgan boʻladi. 49 Uyni poklash uchun ruhoniy ikkita qushni, sadr yogʻochini, qirmizi ipni va bir tutam issop oʻtini olsin. 50 Qushning birini sopol idishdagi yangi buloq suvi ustida soʻysin. 51 Soʻng sadr yogʻochini, issop tutamini, qirmizi ipni va tirik qushni olib, ularni buloq suvi ustida boʻgʻizlangan qushning qoniga botirsin–da, uyga yetti marta sepsin. 52 Shu yoʻl bilan uyni poklagandan keyin, 53 tirik qushni shahar chekkasiga olib chiqib, dalaga qoʻyib yuborsin. Shu tariqa ruhoniy uy uchun poklash marosimini oʻtkazsin, shunda uy pok boʻladi.
54 Teri kasalligiga va yoyiladigan zamburugʻlarga oid qoidalar shulardir. Bu qoidalar teridagi qichitmaning, 55 uy va kiyimlardagi mogʻorlarning, teridagi shish, toshma yoki dogʻlarning 56 halol yoki harom ekanligini bilish uchun xizmat qiladi.
Xullas, teri kasalligi va yoyiladigan zamburugʻlarga oid qoidalar shulardan iborat.
