20–BOB
Isroil xalqi urushga tayyorlanadi
1 Dan va Bersheba shaharlarining orasidagi keng hududda va Gilad oʻlkasida yashagan butun Isroil xalqi bir yoqadan bosh chiqarib, Egamiz huzurida Mispaxda toʻplandi. 2 Xudo ahlining yigʻinida jamiki Isroil qabilalarining yoʻlboshchilari va 400.000 qurollangan piyoda sipoh qatnashdi. 3 Mispaxdagi yigʻin haqidagi xabar tez orada Benyamin qabilasiga ham yetib bordi.
Isroil xalqi shunday dedi:
— Bu jinoyat qanday qilib yuz berganini bizga aytib ber.
4 Oʻldirilgan ayolning eri levi javob berdi:
— Men xotinim bilan tunamoq uchun Benyamin qabilasiga qarashli Givo shahriga bordim. 5 Kechasi Givoning baʼzi bir odamlari uyni oʻrab olishdi. Ular meni oʻldirmoqchi boʻlib, mening oʻrnimga xotinimni shu qadar zoʻrlashdiki, bechora jon berdi. 6 Aql bovar qilmaydigan bu razolat Isroilda sodir boʻldi! Shuning uchun men xotinimning jasadini boʻlak–boʻlak qilib, boʻlaklarni Isroil boʻylab joʻnatdim. 7 Endi esa birodarlarim, hammalaringiz shu haqda mulohaza qilib, biron–bir maslahat beringlar.
8 Yigʻinda ishtirok etganlar turib bir ovozdan:
— Birontamiz ham oʻz chodirimizga yoki uyimizga qaytib ketmaymiz, — dedi. 9 — Biz bunday qilamiz: Givoga qarshi jang qilishdan oldin, shaharga kim hujum qilishi kerakligini Xudodan soʻrab, qurʼa tashlaymiz . 10 Isroil xalqining oʻndan bir qismi jangchilarni oziq–ovqat bilan taʼminlab turadi. Qolganlar esa Benyamin yeridagi Givo aholisini Isroilda qilgan sharmandaligi uchun jazolaydi.
11 Shunday qilib, butun Isroil xalqi bir yoqadan bosh chiqarib, shaharga hujum qilish uchun toʻplandi.
12 Isroil qabilalari Benyamin qabilasi boʻylab odamlarni yuborib dedilar: “Ey xaloyiq, orangizdagi ayrim odamlar dahshatli bir jinoyatga qoʻl urdi. 13 Givodagi yaramaslarni hoziroq bu yerga chiqaringlar, biz ularni oʻldirib, Isroil xalqi orasidan yovuzlikni yoʻq qilamiz.” Ammo Benyamin qabilasi Isroil xalqining gaplariga quloq solmadi. 14 Ular shaharlaridan chiqib, Isroil xalqiga qarshi jang qilish uchun Givoga bordilar. 15 Oʻsha kuni Givo shahridan boʻlgan yetti yuzta saralangan jangchidan tashqari Benyamin qabilasining boshqa shaharlaridan kelgan qurollangan sipohlarning soni yigirma olti ming edi. 16 Bularning orasida yetti yuz nafar chapaqay askar bor edi. Ularning hammasi mohir mergan edi. Ularga bir tola sochni nishon qilib qoʻygan taqdirda ham palaxmondan tosh otib, moʻljalga bexato tekkizishardi. 17 Isroil xalqi esa Benyamin qabilasidan ajralgan holda 400.000 qurollangan mohir jangchini toʻpladi.
Benyamin qabilasiga qarshi jang
18 Isroil lashkari Baytil shahridagi sajdagohga chiqib: “Oramizdan kim birinchi boʻlib Benyamin qabilasiga hujum qilishi kerak?” — deya Xudoga iltijo qildi.
“Yahudo qabilasi hujum qilsin”, — deb javob berdi Egamiz.
19 Keyingi kuni ertalab Isroil lashkari borib, Givo shahrining yaqinida qarorgoh qurdi. 20 Soʻng ular Benyamin jangchilariga hujum qilish uchun Givo shahrining roʻparasida saf tortishdi. 21 Benyamin jangchilari Givodan chiqib, Isroil lashkari bilan jang qilishdi. Oʻsha kuni yigirma ikki ming Isroil sipohi halok boʻldi. 22-23 Isroil lashkari Egamizning huzuriga borib, kechgacha faryod qildi. Ular Egamizdan: “Benyamin qarindoshimizga qarshi yana jang qilaylikmi?” — deb soʻrashdi. “Ularga hujum qilinglar”, — deb javob berdi Egamiz. Isroil lashkari koʻtarinki ruhda ilgarigiday avvalgi joyda saf tortdi.
24 Ular ikkinchi kuni ham Benyamin jangchilariga qarshi jang qilishdi. 25 Oʻsha kuni Benyamin jangchilari Givodan chiqib, yana oʻn sakkiz ming mohir Isroil sipohini oʻldirishdi. 26 Shunda Isroil lashkari Baytilga qaytib, yigʻi–sigʻi qildi. Ular oʻsha kuni kechgacha Egamizning huzurida oʻtirib roʻza tutishdi. Egamiz huzurida kuydiriladigan qurbonliklar va tinchlik qurbonliklarini keltirishdi.
27-28 Xudoning Ahd sandigʻi oʻsha yerda — Baytilda turgan edi, Elazar oʻgʻli Finxaz esa Ahd sandigʻi yonida oʻz xizmatini ado etardi. Finxaz Horunning nabirasi edi.
Isroil lashkari Egamizdan: “Qarindoshimiz Benyamin qabilasiga qarshi jang qilaylikmi, yoʻqmi?” — deb soʻradi.
“Jang qilinglar, — deb javob berdi ularga Egamiz. — Ertaga Men ularni sizlarning qoʻlingizga beraman.” 29 Isroil lashkari Givoning tevarak–atrofidagi pistirmalarga odamlarni oʻtirgʻizib qoʻydi. 30 Oʻzlari esa uchinchi marta Benyamin jangchilariga qarshi jang qilish uchun Givo roʻparasida oldingiday saf tortishdi. 31 Benyamin jangchilari urushga chiqishdi. Isroil lashkari ilgarigidek chekina boshladi. Benyamin jangchilari Isroil lashkarini taʼqib qilib, shahardan uzoqlashib qolishdi. Ular Baytil va Givoga ketadigan katta yoʻllarda va ochiq maydonlarda oʻttiztacha Isroil sipohini oʻldirishdi. 32 Benyamin jangchilari: “Bular oldingiday tumtaraqay boʻlishyapti”, deb oʻylashgan edi. Aslida esa Isroil lashkari ularni shahardan uzoqlashtirish niyatida shunday qilayotgan edi.
33 Isroil lashkarining asosiy qismi jang maydonini orqaga — Baal–Tamar shahri tomon tortdi. Shunda birdaniga Gebo tekisligidagi pistirmada yotgan sipohlar chiqishdi. 34 Isroil lashkarining oʻn ming saralangan jangchisi Givoga hujum qildi va u yerda qattiq jang boshlandi. Benyamin jangchilari bunday falokat yuz berishini kutishmagan edi.
35 Egamiz ularni Isroil lashkari oldida magʻlub qildi. Oʻsha kuni Isroil lashkari qurollangan 25.100 Benyamin jangchisini oʻldirdi. 36 Shunda Benyamin jangchilari magʻlubiyatga uchraganlarini tushunishdi.
Isroil lashkarining asosiy qismi Benyamin jangchilari oldida chekingan edi. Shu orqali ular Givo atrofidagi pistirmalarda oʻtirgan Isroil sipohlariga shaharga hujum qilish uchun qulay vaziyat yaratib bergan edilar. 37 Pistirmadagi sipohlar Givo tomon otildilar. Ular shahardagi bor odamni qirib tashladilar. 38 Isroil lashkarining asosiy qismi bilan pistirmadagi sipohlar oʻzaro shunday kelishib olgandilar: shahardan quyuq tutun chiqishi bilanoq, 39 Isroil lashkarining asosiy qismi orqaga qaytib jang qilishi kerak edi.
Shu orada Benyamin jangchilari oʻttiztacha Isroil sipohini oʻldirgan edilar. Shu sababdan ular: “Isroil lashkari ilgarigiday chekinishi aniq”, deb oʻylagan edilar. 40 Biroq ortga qaraganlarida shahardan quyuq tutun bulut boʻlib koʻtarilganini va butun shahar yongʻin ostida qolganini koʻrdilar. 41 Shunda Isroil lashkarining asosiy qismi ortiga qaytdi. Benyamin jangchilari esa magʻlubiyatga uchraganlarini anglab, sarosimaga tushdilar. 42 Ular Isroil lashkaridan qochmoqchi boʻlib, sahro tomon yugurdilar, ammo qirgʻindan qochib qutula olmadilar. Chunki shahardan chiqib kelayotgan sipohlar bilan Isroil lashkarining asosiy qismi ularni ikki tomondan siqib kelayotgan edi. 43 Isroil lashkari Benyamin jangchilarini qurshovga olib, Givoning sharq tomonigacha ularni toʻxtamay taʼqib qilib, oʻldirdi. 44 Benyamin qabilasining oʻn sakkiz ming bahodir jangchisi halok boʻldi. 45 Boshqalari esa sahrodagi Rimmon qoyasiga qarab qochishdi. Isroil lashkari ulardan besh mingtasini katta yoʻllarda qirib tashladi, qolganlarini esa Gidoʻmgacha taʼqib qilib, yana ikki mingtasini oʻldirdi. 46 Oʻsha kuni Benyamin qabilasidan jami yigirma besh ming qurollangan dovyurak jangchi halok boʻldi. 47 Ammo olti yuzta sipoh sahrodagi Rimmon qoyasiga qochishga muvaffaq boʻldi. Ular toʻrt oy mobaynida u yerda yashab yurdilar. 48 Isroil lashkari Benyamin shaharlariga qaytib, u yerda qolgan–qutgan odamlarni, mollarni, barcha jonzotni qirib tashladi, atrofdagi shaharlarga oʻt qoʻydi.
20–BOB
Isroil xalqi urushga tayyorlanadi
1 Dan va Bersheba shaharlarining orasidagi keng hududda va Gilad oʻlkasida yashagan butun Isroil xalqi bir yoqadan bosh chiqarib, Egamiz huzurida Mispaxda toʻplandi. 2 Xudo ahlining yigʻinida jamiki Isroil qabilalarining yoʻlboshchilari va 400.000 qurollangan piyoda sipoh qatnashdi. 3 Mispaxdagi yigʻin haqidagi xabar tez orada Benyamin qabilasiga ham yetib bordi.
Isroil xalqi shunday dedi:
— Bu jinoyat qanday qilib yuz berganini bizga aytib ber.
4 Oʻldirilgan ayolning eri levi javob berdi:
— Men xotinim bilan tunamoq uchun Benyamin qabilasiga qarashli Givo shahriga bordim. 5 Kechasi Givoning baʼzi bir odamlari uyni oʻrab olishdi. Ular meni oʻldirmoqchi boʻlib, mening oʻrnimga xotinimni shu qadar zoʻrlashdiki, bechora jon berdi. 6 Aql bovar qilmaydigan bu razolat Isroilda sodir boʻldi! Shuning uchun men xotinimning jasadini boʻlak–boʻlak qilib, boʻlaklarni Isroil boʻylab joʻnatdim. 7 Endi esa birodarlarim, hammalaringiz shu haqda mulohaza qilib, biron–bir maslahat beringlar.
8 Yigʻinda ishtirok etganlar turib bir ovozdan:
— Birontamiz ham oʻz chodirimizga yoki uyimizga qaytib ketmaymiz, — dedi. 9 — Biz bunday qilamiz: Givoga qarshi jang qilishdan oldin, shaharga kim hujum qilishi kerakligini Xudodan soʻrab, qurʼa tashlaymiz . 10 Isroil xalqining oʻndan bir qismi jangchilarni oziq–ovqat bilan taʼminlab turadi. Qolganlar esa Benyamin yeridagi Givo aholisini Isroilda qilgan sharmandaligi uchun jazolaydi.
11 Shunday qilib, butun Isroil xalqi bir yoqadan bosh chiqarib, shaharga hujum qilish uchun toʻplandi.
12 Isroil qabilalari Benyamin qabilasi boʻylab odamlarni yuborib dedilar: “Ey xaloyiq, orangizdagi ayrim odamlar dahshatli bir jinoyatga qoʻl urdi. 13 Givodagi yaramaslarni hoziroq bu yerga chiqaringlar, biz ularni oʻldirib, Isroil xalqi orasidan yovuzlikni yoʻq qilamiz.” Ammo Benyamin qabilasi Isroil xalqining gaplariga quloq solmadi. 14 Ular shaharlaridan chiqib, Isroil xalqiga qarshi jang qilish uchun Givoga bordilar. 15 Oʻsha kuni Givo shahridan boʻlgan yetti yuzta saralangan jangchidan tashqari Benyamin qabilasining boshqa shaharlaridan kelgan qurollangan sipohlarning soni yigirma olti ming edi. 16 Bularning orasida yetti yuz nafar chapaqay askar bor edi. Ularning hammasi mohir mergan edi. Ularga bir tola sochni nishon qilib qoʻygan taqdirda ham palaxmondan tosh otib, moʻljalga bexato tekkizishardi. 17 Isroil xalqi esa Benyamin qabilasidan ajralgan holda 400.000 qurollangan mohir jangchini toʻpladi.
Benyamin qabilasiga qarshi jang
18 Isroil lashkari Baytil shahridagi sajdagohga chiqib: “Oramizdan kim birinchi boʻlib Benyamin qabilasiga hujum qilishi kerak?” — deya Xudoga iltijo qildi.
“Yahudo qabilasi hujum qilsin”, — deb javob berdi Egamiz.
19 Keyingi kuni ertalab Isroil lashkari borib, Givo shahrining yaqinida qarorgoh qurdi. 20 Soʻng ular Benyamin jangchilariga hujum qilish uchun Givo shahrining roʻparasida saf tortishdi. 21 Benyamin jangchilari Givodan chiqib, Isroil lashkari bilan jang qilishdi. Oʻsha kuni yigirma ikki ming Isroil sipohi halok boʻldi. 22-23 Isroil lashkari Egamizning huzuriga borib, kechgacha faryod qildi. Ular Egamizdan: “Benyamin qarindoshimizga qarshi yana jang qilaylikmi?” — deb soʻrashdi. “Ularga hujum qilinglar”, — deb javob berdi Egamiz. Isroil lashkari koʻtarinki ruhda ilgarigiday avvalgi joyda saf tortdi.
24 Ular ikkinchi kuni ham Benyamin jangchilariga qarshi jang qilishdi. 25 Oʻsha kuni Benyamin jangchilari Givodan chiqib, yana oʻn sakkiz ming mohir Isroil sipohini oʻldirishdi. 26 Shunda Isroil lashkari Baytilga qaytib, yigʻi–sigʻi qildi. Ular oʻsha kuni kechgacha Egamizning huzurida oʻtirib roʻza tutishdi. Egamiz huzurida kuydiriladigan qurbonliklar va tinchlik qurbonliklarini keltirishdi.
27-28 Xudoning Ahd sandigʻi oʻsha yerda — Baytilda turgan edi, Elazar oʻgʻli Finxaz esa Ahd sandigʻi yonida oʻz xizmatini ado etardi. Finxaz Horunning nabirasi edi.
Isroil lashkari Egamizdan: “Qarindoshimiz Benyamin qabilasiga qarshi jang qilaylikmi, yoʻqmi?” — deb soʻradi.
“Jang qilinglar, — deb javob berdi ularga Egamiz. — Ertaga Men ularni sizlarning qoʻlingizga beraman.” 29 Isroil lashkari Givoning tevarak–atrofidagi pistirmalarga odamlarni oʻtirgʻizib qoʻydi. 30 Oʻzlari esa uchinchi marta Benyamin jangchilariga qarshi jang qilish uchun Givo roʻparasida oldingiday saf tortishdi. 31 Benyamin jangchilari urushga chiqishdi. Isroil lashkari ilgarigidek chekina boshladi. Benyamin jangchilari Isroil lashkarini taʼqib qilib, shahardan uzoqlashib qolishdi. Ular Baytil va Givoga ketadigan katta yoʻllarda va ochiq maydonlarda oʻttiztacha Isroil sipohini oʻldirishdi. 32 Benyamin jangchilari: “Bular oldingiday tumtaraqay boʻlishyapti”, deb oʻylashgan edi. Aslida esa Isroil lashkari ularni shahardan uzoqlashtirish niyatida shunday qilayotgan edi.
33 Isroil lashkarining asosiy qismi jang maydonini orqaga — Baal–Tamar shahri tomon tortdi. Shunda birdaniga Gebo tekisligidagi pistirmada yotgan sipohlar chiqishdi. 34 Isroil lashkarining oʻn ming saralangan jangchisi Givoga hujum qildi va u yerda qattiq jang boshlandi. Benyamin jangchilari bunday falokat yuz berishini kutishmagan edi.
35 Egamiz ularni Isroil lashkari oldida magʻlub qildi. Oʻsha kuni Isroil lashkari qurollangan 25.100 Benyamin jangchisini oʻldirdi. 36 Shunda Benyamin jangchilari magʻlubiyatga uchraganlarini tushunishdi.
Isroil lashkarining asosiy qismi Benyamin jangchilari oldida chekingan edi. Shu orqali ular Givo atrofidagi pistirmalarda oʻtirgan Isroil sipohlariga shaharga hujum qilish uchun qulay vaziyat yaratib bergan edilar. 37 Pistirmadagi sipohlar Givo tomon otildilar. Ular shahardagi bor odamni qirib tashladilar. 38 Isroil lashkarining asosiy qismi bilan pistirmadagi sipohlar oʻzaro shunday kelishib olgandilar: shahardan quyuq tutun chiqishi bilanoq, 39 Isroil lashkarining asosiy qismi orqaga qaytib jang qilishi kerak edi.
Shu orada Benyamin jangchilari oʻttiztacha Isroil sipohini oʻldirgan edilar. Shu sababdan ular: “Isroil lashkari ilgarigiday chekinishi aniq”, deb oʻylagan edilar. 40 Biroq ortga qaraganlarida shahardan quyuq tutun bulut boʻlib koʻtarilganini va butun shahar yongʻin ostida qolganini koʻrdilar. 41 Shunda Isroil lashkarining asosiy qismi ortiga qaytdi. Benyamin jangchilari esa magʻlubiyatga uchraganlarini anglab, sarosimaga tushdilar. 42 Ular Isroil lashkaridan qochmoqchi boʻlib, sahro tomon yugurdilar, ammo qirgʻindan qochib qutula olmadilar. Chunki shahardan chiqib kelayotgan sipohlar bilan Isroil lashkarining asosiy qismi ularni ikki tomondan siqib kelayotgan edi. 43 Isroil lashkari Benyamin jangchilarini qurshovga olib, Givoning sharq tomonigacha ularni toʻxtamay taʼqib qilib, oʻldirdi. 44 Benyamin qabilasining oʻn sakkiz ming bahodir jangchisi halok boʻldi. 45 Boshqalari esa sahrodagi Rimmon qoyasiga qarab qochishdi. Isroil lashkari ulardan besh mingtasini katta yoʻllarda qirib tashladi, qolganlarini esa Gidoʻmgacha taʼqib qilib, yana ikki mingtasini oʻldirdi. 46 Oʻsha kuni Benyamin qabilasidan jami yigirma besh ming qurollangan dovyurak jangchi halok boʻldi. 47 Ammo olti yuzta sipoh sahrodagi Rimmon qoyasiga qochishga muvaffaq boʻldi. Ular toʻrt oy mobaynida u yerda yashab yurdilar. 48 Isroil lashkari Benyamin shaharlariga qaytib, u yerda qolgan–qutgan odamlarni, mollarni, barcha jonzotni qirib tashladi, atrofdagi shaharlarga oʻt qoʻydi.
