75–SANO
1 Ijrochilar rahbariga. Torli asboblar joʻrligida aytiladigan Osif sanosi. Qoʻshiq.
2 Yahudo yurtida Xudo mashhurdir,
Isroilda Uning nomi buyukdir.
3 Uning chodiri Quddusdadir ,
Makoni Siondadir.
4 Oʻsha yerda sindirdi otashday oʻqlarni,
Qalqonu qilichni, jang qurollarini.
5 Ey Xudo, naqadar buyuksan!
Oʻljaga boy togʻlardan Sen ulugʻvorsan!
6 Jasur askarlar oʻlja boʻlib yotibdi,
Ular oʻlim uyqusiga ketgan.
Bironta jangchining
Qoʻl koʻtarishga kuchi qolmadi.
7 Ey Yoqubning Xudosi! Sening hayqirigʻingdan,
Otlaru chavandozlar karaxt boʻlib yotibdi.
8 Chindan ham Sen qoʻrqinchlisan,
Kim bardosh bera olar Sening qarshingda,
Gʻazabing qoʻzgʻalgan paytda?!
9-10 Samolardan hukmingni eʼlon qilding!
Ey Xudo! Sen hukm qilay deb,
Olamdagi mazlumlarni qutqaray deb, qoʻzgʻalding.
Shunda yer yuzi qoʻrqib sukutda qoldi.
11 Insonga boʻlgan gʻazabing Oʻzingga hamdu sano keltirar,
Gʻazabingdan qutulganlarni atrofingga toʻplaysan .
12 Egangiz Xudoga ontingizni ado qilinglar,
Qoʻrqinchli Xudoga atrofidagilari
Hadyalar olib kelsinlar!
13 Xudo takabbur shahzodalarni boʻysundirib oladi,
Yer yuzi shohlarini qoʻrquvga soladi.
75–САНО
1 Ижрочилар раҳбарига. Торли асбоблар жўрлигида айтиладиган Осиф саноси. Қўшиқ.
2 Яҳудо юртида Худо машҳурдир,
Исроилда Унинг номи буюкдир.
3 Унинг чодири Қуддусдадир ,
Макони Сиондадир.
4 Ўша ерда синдирди оташдай ўқларни,
Қалқону қилични, жанг қуролларини.
5 Эй Худо, нақадар буюксан!
Ўлжага бой тоғлардан Сен улуғворсан!
6 Жасур аскарлар ўлжа бўлиб ётибди,
Улар ўлим уйқусига кетган.
Биронта жангчининг
Қўл кўтаришга кучи қолмади.
7 Эй Ёқубнинг Худоси! Сенинг ҳайқириғингдан,
Отлару чавандозлар карахт бўлиб ётибди.
8 Чиндан ҳам Сен қўрқинчлисан,
Ким бардош бера олар Сенинг қаршингда,
Ғазабинг қўзғалган пайтда?!
9-10 Самолардан ҳукмингни эълон қилдинг!
Эй Худо! Сен ҳукм қилай деб,
Оламдаги мазлумларни қутқарай деб, қўзғалдинг.
Шунда ер юзи қўрқиб сукутда қолди.
11 Инсонга бўлган ғазабинг Ўзингга ҳамду сано келтирар,
Ғазабингдан қутулганларни атрофингга тўплайсан .
12 Эгангиз Худога онтингизни адо қилинглар,
Қўрқинчли Худога атрофидагилари
Ҳадялар олиб келсинлар!
13 Худо такаббур шаҳзодаларни бўйсундириб олади,
Ер юзи шоҳларини қўрқувга солади.
