2–BOB
Yoqubning nasli
1 Yoqubning oʻgʻillari quyidagilardir: Ruben, Shimoʻn, Levi, Yahudo, Issaxor, Zabulun, 2 Dan, Yusuf, Benyamin, Naftali, Gad va Osher.
Yahudoning nasli
3 Yahudoning Gʻur, Oʻnan va Shelo degan oʻgʻillari bor edi. Bu uchala oʻgʻilni unga Kanʼonlik Botshuva tugʻib bergandi. Yahudoning toʻngʻich oʻgʻli Gʻur Egamizning oldida qabih ishlar qilgani uchun, Egamiz uning jonini oldi. 4 Yahudoning kelini Tamara ham Yahudoga Paraz va Zerax degan oʻgʻillarni tugʻib berdi. Yahudoning hammasi boʻlib besh oʻgʻli bor edi.
5 Parazdan Xazron va Xomul ismli ikki oʻgʻil tugʻildi.
6 Zeraxning beshta oʻgʻli boʻlib, ularning ismlari Zimri, Etxan, Xaman, Qolkoʻl va Dardax edi. 7 Zerax avlodidan boʻlgan Karmi ismli bir odamning Oxun degan oʻgʻli bor edi. Oxun Egamizga bagʻishlangan narsalarning bir nechtasini olib, Isroil xalqiga kulfat keltirgandi.
8 Etxanning oʻgʻli Ozariyo edi.
Yahudoning nabirasi Xazrondan Dovudgacha boʻlgan nasllar
9 Xazronning uchta oʻgʻli boʻlib, ismlari Yaraxmal, Ram va Xolib edi.
10 Ramdan Ominadav tugʻildi, Ominadav Yahudo yoʻlboshchisi Naxshoʻnning otasi edi. 11 Naxshoʻndan Salmoʻn tugʻildi, Salmoʻndan Boʻaz tugʻildi, 12 Boʻazdan Obid tugʻildi va Obiddan Essay tugʻildi.
13 Essayning yetti oʻgʻli boʻlib, toʻngʻichi — Eliyob, ikkinchisi — Abunadav, uchinchisi — Shimo, 14 toʻrtinchisi — Natanil, beshinchisi — Radday, 15 oltinchisi — Ozim, yettinchisi Dovud edi . 16 Ularning Zeruya va Obigayl degan singillari bor edi. Zeruyaning uchta oʻgʻli boʻlib, ularning ismlari Abushay, Yoʻab va Osoyil edi. 17 Obigayl Ismoil qavmidan boʻlgan Eter bilan turmush qurib, Emosani tugʻdi.
Xazronning nasli
18 Xazron oʻgʻli Xolibning Oziba va Yariyoʻt degan xotinlari bor edi. Oziba Xolibga uch oʻgʻil: Yesher, Shoʻvav va Ardunni tugʻib berdi. 19 Oziba olamdan oʻtgach, Xolib Efrataga uylandi. Efrata unga Xurni tugʻib berdi. 20 Xurdan Uri tugʻildi, Uridan Bazalil tugʻildi.
21 Xazron oltmish yoshga kirganda Moxirning qizi — Giladning singlisiga uylandi. U Xazronga Saxuv ismli oʻgʻil tugʻib berdi. 22 Saxuvdan Yovir tugʻildi. U Giladdagi yigirma uchta shahar ustidan hukmronlik qilardi. 23 Keyinchalik Gashur va Oram xalqlari Yovir shaharlarini , shuningdek, Qanot shahri va atrofidagi oltmishta qishloqni qoʻlga kiritishdi. Bu yerlarda yashayotgan xalq Giladning otasi Moxirning urugʻidan edi.
24 Xazron vafot etgandan keyin, oʻgʻli Xolib otasining beva qolgan Efrata ismli xotiniga uylangan edi. Ular Ashxur ismli oʻgʻil koʻrdilar . Ashxur Taxuva shahriga asos soldi .
Xazron oʻgʻli Yaraxmalning nasli
25 Xazronning toʻngʻich oʻgʻli Yaraxmaldan bino boʻlgan oʻgʻillar quyidagilardir: toʻngʻich oʻgʻli Ram, soʻngra Bunax, Oren, Ozim va Oxiyodir. 26 Yaraxmalning Otara ismli boshqa xotini ham bor edi. Otara Oʻnamni tugʻdi.
27 Yaraxmalning toʻngʻich oʻgʻli Ramdan Maz, Yomin va Exer bino boʻldi.
28 Oʻnamning Shammay va Yodo degan oʻgʻillari bor edi.
Shammay Nadov va Abushur ismli oʻgʻillar koʻrdi.
29 Abushurning Abuhayil degan xotini boʻlib, ular Axbon va Moʻlid degan oʻgʻillar koʻrdi.
30 Nadovdan Saled va Opayim degan oʻgʻillar bino boʻldi. Saled befarzand oʻtib ketdi.
31 Opayim — Yishining otasi, Yishi — Shashonning otasi, Shashon Oxlayning otasi edi.
32 Shammayning ukasi Yodoning Eter va Yoʻnatan ismli ikkita oʻgʻli bor edi. Eter befarzand oʻtib ketdi.
33 Yoʻnatanning Palaf va Zozo ismli ikkita oʻgʻli bor edi.
Mana shularning hammasi Yaraxmalning nasli edi.
34 Shashonning oʻgʻli boʻlmay, faqat qizlari bor edi, xolos. Shashonning Yarxo ismli bir Misrlik quli ham bor edi. 35 Shashon qizini oʻzining quli Yarxoga uzatdi. Ular oʻgʻil koʻrishdi va ismini Attay qoʻyishdi.
36 Attaydan Natan tugʻildi, Natandan Zabad tugʻildi, 37 Zabaddan Eflol tugʻildi, Efloldan Obid tugʻildi, 38 Obiddan Yohu tugʻildi, Yohudan Ozariyo tugʻildi, 39 Ozariyodan Xalez tugʻildi, Xalezdan Elasax tugʻildi, 40 Elasaxdan Sismay tugʻildi, Sismaydan Shallum tugʻildi, 41 Shallumdan Yoxamiyo tugʻildi, Yoxamiyodan Elishama tugʻildi.
Xazron oʻgʻli Xolibning nasli
42 Yaraxmalning ukasi Xolib ikki oʻgʻil koʻrdi, toʻngʻichining ismi Mesho va kenjasining ismi Morisho edi. Meshodan Zif tugʻildi, Morishodan Xevron tugʻildi.
43 Xevron Koʻrax, Tappux, Rahem va Shema ismli oʻgʻillar koʻrdi. 44 Shemadan Raxam tugʻildi, Raxamdan Yorixim tugʻildi. Shemaning akasi Rahem Shammay ismli oʻgʻil koʻrdi. 45 Shammaydan Moyun tugʻildi. Moyundan Baytzur tugʻildi.
46 Xolibning Efax ismli choʻrisi unga Xoronni, Moʻzoni va Gazezni tugʻib berdi. Xoron ham Gazez ismli bir oʻgʻil koʻrdi. 47 Efaxning otasi Yohdoyning Raxem, Yoʻtom, Geshon, Palat va Shaf degan oʻgʻillari ham bor edi.
48 Xolibning Maxo ismli boshqa bir choʻrisi unga Shabar va Tirxano ismli oʻgʻillar tugʻib berdi. 49 Keyinroq ular Shaf va Shavo ismli yana ikki oʻgʻil koʻrishdi. Shaf Madmanno shahriga, Shavo esa Maxbinax va Giviyo shaharlariga asos soldi . Xolibning Axsa ismli bir qizi ham bor edi.
50 Mana shularning hammasi Xolibning nasli edi.
Xolib oʻgʻli Xurning nasli
Efrataning Xolibdan tugʻilgan toʻngʻich oʻgʻli Xur uch oʻgʻil koʻrdi. Birinchisining ismi Shoʻval boʻlib, u Xirat–Yoʻrim shahriga asos soldi. 51 Ikkinchisining ismi Salmo boʻlib, u Baytlahm shahriga asos soldi. Uchinchisining ismi Xoref boʻlib, u Bayt–Gader shahriga asos soldi.
52 Xirat–Yoʻrimning asoschisi Shoʻvaldan Horu xalqi va Monaxat shahrining yarim aholisi bino boʻldi. 53 Xirat–Yoʻrim aholisi Yitar urugʻi, Fut urugʻi, Shumot urugʻi va Mishroy urugʻlaridan tashkil topgan edi. Zorox va Eshtoyoʻl shaharlarining aholisi ham shu urugʻlardan kelib chiqqan.
54 Natufo, Otroʻt–Bayt–Yoʻab va Zorox shaharlarining aholisi hamda Monaxat shahrining yarim aholisi Baytlahmning asoschisi Salmo naslidan tashkil topgan edi. 55 Yabiz shahrida istiqomat qilgan kotiblarning urugʻlari ham Salmo naslidan kelib chiqqan boʻlib, ular Tirotliklar, Shimatliklar va Suxotliklar degan nom bilan yuritilardi. Bular Xayin xalqidan boʻlgan Xammat ismli bir odamning avlodlari edilar. Xammat Raxav urugʻining bobokaloni edi .
2–БОБ
Ёқубнинг насли
1 Ёқубнинг ўғиллари қуйидагилардир: Рубен, Шимўн, Леви, Яҳудо, Иссахор, Забулун, 2 Дан, Юсуф, Бенямин, Нафтали, Гад ва Ошер.
Яҳудонинг насли
3 Яҳудонинг Ғур, Ўнан ва Шело деган ўғиллари бор эди. Бу учала ўғилни унга Канъонлик Ботшува туғиб берганди. Яҳудонинг тўнғич ўғли Ғур Эгамизнинг олдида қабиҳ ишлар қилгани учун, Эгамиз унинг жонини олди. 4 Яҳудонинг келини Тамара ҳам Яҳудога Параз ва Зерах деган ўғилларни туғиб берди. Яҳудонинг ҳаммаси бўлиб беш ўғли бор эди.
5 Параздан Хазрон ва Хомул исмли икки ўғил туғилди.
6 Зерахнинг бешта ўғли бўлиб, уларнинг исмлари Зимри, Этхан, Хаман, Қолкўл ва Дардах эди. 7 Зерах авлодидан бўлган Карми исмли бир одамнинг Охун деган ўғли бор эди. Охун Эгамизга бағишланган нарсаларнинг бир нечтасини олиб, Исроил халқига кулфат келтирганди.
8 Этханнинг ўғли Озариё эди.
Яҳудонинг набираси Хазрондан Довудгача бўлган насллар
9 Хазроннинг учта ўғли бўлиб, исмлари Ярахмал, Рам ва Холиб эди.
10 Рамдан Оминадав туғилди, Оминадав Яҳудо йўлбошчиси Нахшўннинг отаси эди. 11 Нахшўндан Салмўн туғилди, Салмўндан Бўаз туғилди, 12 Бўаздан Обид туғилди ва Обиддан Эссай туғилди.
13 Эссайнинг етти ўғли бўлиб, тўнғичи — Элиёб, иккинчиси — Абунадав, учинчиси — Шимо, 14 тўртинчиси — Натанил, бешинчиси — Раддай, 15 олтинчиси — Озим, еттинчиси Довуд эди . 16 Уларнинг Зеруя ва Обигайл деган сингиллари бор эди. Зеруянинг учта ўғли бўлиб, уларнинг исмлари Абушай, Йўаб ва Осойил эди. 17 Обигайл Исмоил қавмидан бўлган Этер билан турмуш қуриб, Эмосани туғди.
Хазроннинг насли
18 Хазрон ўғли Холибнинг Озиба ва Ярийўт деган хотинлари бор эди. Озиба Холибга уч ўғил: Ешер, Шўвав ва Ардунни туғиб берди. 19 Озиба оламдан ўтгач, Холиб Эфратага уйланди. Эфрата унга Хурни туғиб берди. 20 Хурдан Ури туғилди, Уридан Базалил туғилди.
21 Хазрон олтмиш ёшга кирганда Мохирнинг қизи — Гиладнинг синглисига уйланди. У Хазронга Сахув исмли ўғил туғиб берди. 22 Сахувдан Ёвир туғилди. У Гиладдаги йигирма учта шаҳар устидан ҳукмронлик қиларди. 23 Кейинчалик Гашур ва Орам халқлари Ёвир шаҳарларини , шунингдек, Қанот шаҳри ва атрофидаги олтмишта қишлоқни қўлга киритишди. Бу ерларда яшаётган халқ Гиладнинг отаси Мохирнинг уруғидан эди.
24 Хазрон вафот этгандан кейин, ўғли Холиб отасининг бева қолган Эфрата исмли хотинига уйланган эди. Улар Ашхур исмли ўғил кўрдилар . Ашхур Тахува шаҳрига асос солди .
Хазрон ўғли Ярахмалнинг насли
25 Хазроннинг тўнғич ўғли Ярахмалдан бино бўлган ўғиллар қуйидагилардир: тўнғич ўғли Рам, сўнгра Бунах, Орен, Озим ва Охиёдир. 26 Ярахмалнинг Отара исмли бошқа хотини ҳам бор эди. Отара Ўнамни туғди.
27 Ярахмалнинг тўнғич ўғли Рамдан Маз, Ёмин ва Эхер бино бўлди.
28 Ўнамнинг Шаммай ва Ёдо деган ўғиллари бор эди.
Шаммай Надов ва Абушур исмли ўғиллар кўрди.
29 Абушурнинг Абуҳайил деган хотини бўлиб, улар Ахбон ва Мўлид деган ўғиллар кўрди.
30 Надовдан Салед ва Опайим деган ўғиллар бино бўлди. Салед бефарзанд ўтиб кетди.
31 Опайим — Йишининг отаси, Йиши — Шашоннинг отаси, Шашон Охлайнинг отаси эди.
32 Шаммайнинг укаси Ёдонинг Этер ва Йўнатан исмли иккита ўғли бор эди. Этер бефарзанд ўтиб кетди.
33 Йўнатаннинг Палаф ва Зозо исмли иккита ўғли бор эди.
Мана шуларнинг ҳаммаси Ярахмалнинг насли эди.
34 Шашоннинг ўғли бўлмай, фақат қизлари бор эди, холос. Шашоннинг Ярхо исмли бир Мисрлик қули ҳам бор эди. 35 Шашон қизини ўзининг қули Ярхога узатди. Улар ўғил кўришди ва исмини Аттай қўйишди.
36 Аттайдан Натан туғилди, Натандан Забад туғилди, 37 Забаддан Эфлол туғилди, Эфлолдан Обид туғилди, 38 Обиддан Ёҳу туғилди, Ёҳудан Озариё туғилди, 39 Озариёдан Халез туғилди, Халездан Эласах туғилди, 40 Эласахдан Сисмай туғилди, Сисмайдан Шаллум туғилди, 41 Шаллумдан Ёхамиё туғилди, Ёхамиёдан Элишама туғилди.
Хазрон ўғли Холибнинг насли
42 Ярахмалнинг укаси Холиб икки ўғил кўрди, тўнғичининг исми Мешо ва кенжасининг исми Моришо эди. Мешодан Зиф туғилди, Моришодан Хеврон туғилди.
43 Хеврон Кўрах, Таппух, Раҳем ва Шема исмли ўғиллар кўрди. 44 Шемадан Рахам туғилди, Рахамдан Ёрихим туғилди. Шеманинг акаси Раҳем Шаммай исмли ўғил кўрди. 45 Шаммайдан Моюн туғилди. Моюндан Байтзур туғилди.
46 Холибнинг Эфах исмли чўриси унга Хоронни, Мўзони ва Газезни туғиб берди. Хорон ҳам Газез исмли бир ўғил кўрди. 47 Эфахнинг отаси Ёҳдойнинг Рахем, Йўтом, Гешон, Палат ва Шаф деган ўғиллари ҳам бор эди.
48 Холибнинг Махо исмли бошқа бир чўриси унга Шабар ва Тирхано исмли ўғиллар туғиб берди. 49 Кейинроқ улар Шаф ва Шаво исмли яна икки ўғил кўришди. Шаф Мадманно шаҳрига, Шаво эса Махбинах ва Гивиё шаҳарларига асос солди . Холибнинг Ахса исмли бир қизи ҳам бор эди.
50 Мана шуларнинг ҳаммаси Холибнинг насли эди.
Холиб ўғли Хурнинг насли
Эфратанинг Холибдан туғилган тўнғич ўғли Хур уч ўғил кўрди. Биринчисининг исми Шўвал бўлиб, у Хират–Йўрим шаҳрига асос солди. 51 Иккинчисининг исми Салмо бўлиб, у Байтлаҳм шаҳрига асос солди. Учинчисининг исми Хореф бўлиб, у Байт–Гадер шаҳрига асос солди.
52 Хират–Йўримнинг асосчиси Шўвалдан Ҳору халқи ва Монахат шаҳрининг ярим аҳолиси бино бўлди. 53 Хират–Йўрим аҳолиси Йитар уруғи, Фут уруғи, Шумот уруғи ва Мишрой уруғларидан ташкил топган эди. Зорох ва Эштойўл шаҳарларининг аҳолиси ҳам шу уруғлардан келиб чиққан.
54 Натуфо, Отрўт–Байт–Йўаб ва Зорох шаҳарларининг аҳолиси ҳамда Монахат шаҳрининг ярим аҳолиси Байтлаҳмнинг асосчиси Салмо наслидан ташкил топган эди. 55 Ябиз шаҳрида истиқомат қилган котибларнинг уруғлари ҳам Салмо наслидан келиб чиққан бўлиб, улар Тиротликлар, Шиматликлар ва Сухотликлар деган ном билан юритиларди. Булар Хайин халқидан бўлган Хаммат исмли бир одамнинг авлодлари эдилар. Хаммат Рахав уруғининг бобокалони эди .
