19–BOB
Shimoʻn qabilasining ulushi
1 Qurʼa boʻyicha ikkinchi boʻlib Shimoʻn qabilasi ulush oldi. Shimoʻn qabilasiga ulush qilib berilgan yerlarning atrofi Yahudo qabilasining hududi bilan oʻralgan edi. 2 Shimoʻn qabilasiga: Bersheba (yaʼni Sheba) , Moʻlodax, 3 Xazor–Shuvol, Bala, Ezam, 4 Eltoʻlad, Batul, Xoʻrmax, 5 Zixlax, Bayt–Markobot, Xazor–Susa, 6 Bayt–Laboyoʻt va Shoruxan — hammasi boʻlib oʻn uchta shahar va ularning atrofidagi qishloqlar berildi.
7 Quyidagi shaharlar ham Shimoʻn qabilasiga tegishli edi: Oyin, Rimmon, Eter va Oshon — toʻrtta shahar va ularning atrofidagi qishloqlar. 8 Shimoʻn qabilasining hududi yana janubdagi Baalat–Berni, yaʼni Nagav choʻlidagi Ramagacha boʻlgan yerlardagi barcha shaharlarni va ularning atrofidagi qishloqlarni oʻz ichiga olar edi. 9 Yoshua Yahudo qabilasiga bergan ulush ular uchun keragidan ham ortiq edi. Shuning uchun ularning hududidan bir boʻlagini olib, Shimoʻn qabilasiga ulush qilib berdi.
Zabulun qabilasining ulushi
10 Qurʼa boʻyicha uchinchi boʻlib Zabulun qabilasi ulush oldi. Ularga tekkan hududning chegarasi Sorid shahridan boshlanib, 11 gʻarb tomonga boradi va Maralo shahridan oʻtadi. Keyin Dabbeshet shahrining yonidan oʻtib, Yoxnayom shahrining sharqidagi soylikkacha yetadi. 12 Sorid shahrining sharq tomonidan chegara Xisloʻt–Tovur shahrining chegarasigacha choʻziladi. Keyin Dovarat shahrigacha borib, Yofiya shahrigacha davom etadi. 13 Chegara yana sharq tomonga davom etib, Gat–Xafer va Et–Kozin shaharlarigacha boradi. Keyin chegara Rimmon shahrigacha borib, u yerdan Niyox shahri tomon buriladi . 14 Hududning shimoliy chegarasi Xannaton shahridan oʻtib, Yiftox–El soyligida tugaydi. 15 Zabulun qabilasining hududida hammasi boʻlib oʻn ikkita shahar va ularning atrofidagi qishloqlar bor edi. Kattot, Nahalil, Shimron, Yidalo va Baytlahm oʻsha shaharlardan baʼzilari edi.
16 Mana shu shaharlar va ularning atrofidagi qishloqlarning hammasini Zabulun qabilasi ulush qilib oldi.
Issaxor qabilasining ulushi
17 Qurʼa boʻyicha toʻrtinchi boʻlib Issaxor qabilasi ulush oldi. 18 Bu qabilaga ulush qilib berilgan yerlarda quyidagi shaharlar bor edi: Yizril, Xasulloʻt, Shunam, 19 Xaforayim, Shiyon, Anaxarat, 20 Rabbit, Xishion, Avaz, 21 Remot, En–Xannim, En–Xaddax, Bayt–Pazez. 22 Shimoldagi bu hududning chegarasi Tovur togʻidan boshlanib, Iordan daryosida tugaydi. Tovur , Shaxazimo va Bayt–Shamash shaharlari ham mana shu hududga kirar edi — hammasi boʻlib oʻn oltita shahar va ularning atrofidagi qishloqlar.
23 Mana shu shaharlar va ularning atrofidagi qishloqlarni Issaxor qabilasi ulush qilib oldi.
Osher qabilasining ulushi
24 Qurʼa boʻyicha beshinchi boʻlib Osher qabilasi ulush oldi. 25 Ularning hududi quyidagi shaharlarni oʻz ichiga olar edi: Xalkat, Xaliy, Beten, Axshof, 26 Alammalek, Emod va Mishol. Hududning janubiy chegarasi Oʻrta yer dengizidan boshlanib, Karmil qirlarining etaklaridagi Shixor–Libnat soyligi boʻylab choʻziladi. 27 U yerdan chegara sharq tomonga burilib, Bayt–Doʻgʻon shahrigacha boradi va Yiftox–El vodiysidagi Zabulun qabilasi hududining chegarasi bilan tutashadi. Keyin sharqiy chegara shimol tomonga burilib, Bayt–Emix va Nabiyol shahrigacha boradi. Hududning chegarasi Kavul, 28 Abdoʻn , Rexob, Xammon, Kanax shaharlaridan oʻtib, Buyuk Sidon shahrigacha yetadi 29 va bu yerdan gʻarbga buriladi. Shu yerdan shimoliy chegara boshlanib, Ramaga boradi–da, mustahkam Tir shahrigacha yetadi. Keyin chegara Xoʻsax shahri tomon burilib, Oʻrta yer dengizining oldida tugaydi. Osher qabilasining hududi quyidagi shaharlarni ham oʻz ichiga olar edi: Maxalav, Axsib , 30 Ummo , Ofoq va Rexob — hammasi boʻlib yigirma ikkita shahar va ularning atrofidagi qishloqlar.
31 Mana shu yerlarning hammasini Osher qabilasi ulush qilib oldi.
Naftali qabilasining ulushi
32 Qurʼa boʻyicha oltinchi boʻlib Naftali qabilasi ulush oldi. 33 Naftali qabilasi hududining janubiy chegarasi Xalef shahridan Zananim shahri yonidagi eman daraxti yonigacha boradi. U yerdan chegara Adamiy–Naxab, Yobnail va Laxum shaharlarigacha davom etib, Iordan daryosida tugaydi. 34 Hududning gʻarbiy chegarasi Oznoʻt–Tovur shahridan oʻtib, Huqqoq shahrigacha boradi. Naftali qabilasining hududi janub tomonda Zabulun qabilasining hududi bilan chegaradosh, gʻarb tomonda Osher qabilasining hududi bilan chegaradosh. Sharqiy chegarasi esa Iordan daryosidir . 35 Naftali qabilasining hududidagi mustahkam shaharlar quyidagilardir: Ziddim, Zer, Xammat, Raxat, Keneret, 36 Adamax, Rama , Xazor, 37 Kedesh, Edrey, En–Xazor, 38 Iroʻn, Migdal–El, Xorem, Bayt–Onot va Bayt–Shamash — hammasi boʻlib oʻn toʻqqizta shahar va ularning atrofidagi qishloqlar.
39 Naftali qabilasi mana shu yerlarni ulush qilib oldi.
Dan qabilasining ulushi
40 Qurʼa boʻyicha yettinchi boʻlib Dan qabilasi ulush oldi. 41 Ularning hududi quyidagi shaharlardan iborat edi: Zorox, Eshtoyoʻl, Ir–Shamash, 42 Shalabbin, Oyjavlon, Yitla, 43 Eloʻn, Timnax, Exron, 44 Eltaxa, Gibiton, Baalat, 45 Yohud, Bani–Baraq, Gat–Rimmon, 46 Mejarkon, Raxxoʻn va Yaffaning qarshisidagi joylar.
47-48 Mana shu shaharlar va ularning atrofidagi qishloqlar Dan qabilasining ulushi edi. Ammo keyinchalik dushmanlar kelib, bu yerlarni bosib oldilar. Shunda Dan qabilasi shimol tomonga borib, Layish shahriga hujum qildi . Ular shaharni qoʻlga kiritib, butun shahar aholisini qirib tashladilar. Oʻzlari esa shu shaharda joylashib, uni oʻz bobosi Dan sharafiga Dan deb atadilar.
Yoshuaning ulushi
49 Barcha yerlar Isroil qabilalariga boʻlib berilgandan keyin, Isroil xalqi Yoshuaga ham ulush berdi. 50 Egamiz Isroil xalqiga, Yoshua xohlagan shaharni unga beringlar, deb amr qilgan edi. Yoshua Efrayim qirlaridagi Timnat–Serax shahrini soʻradi. Isroil xalqi oʻsha shaharni Yoshuaga berdi. Yoshua u shaharni qaytadan qurib, oʻsha yerda joylashdi.
51 Mana shu yerlarning hammasini ruhoniy Elazar , Nun oʻgʻli Yoshua va qabilalar boshliqlari Isroil qabilalariga ulush qilib berdilar. Ular bu ishlarni Shiloʻdagi Uchrashuv chodiriga kiraverishda, Egamizning huzurida qurʼa tashlab amalga oshirdilar. Xullas, butun yurtni boʻlib olish ham oʻz nihoyasiga yetdi.
19–БОБ
Шимўн қабиласининг улуши
1 Қуръа бўйича иккинчи бўлиб Шимўн қабиласи улуш олди. Шимўн қабиласига улуш қилиб берилган ерларнинг атрофи Яҳудо қабиласининг ҳудуди билан ўралган эди. 2 Шимўн қабиласига: Бершеба (яъни Шеба) , Мўлодах, 3 Хазор–Шувол, Бала, Эзам, 4 Элтўлад, Батул, Хўрмах, 5 Зихлах, Байт–Маркобот, Хазор–Суса, 6 Байт–Лабойўт ва Шорухан — ҳаммаси бўлиб ўн учта шаҳар ва уларнинг атрофидаги қишлоқлар берилди.
7 Қуйидаги шаҳарлар ҳам Шимўн қабиласига тегишли эди: Ойин, Риммон, Этер ва Ошон — тўртта шаҳар ва уларнинг атрофидаги қишлоқлар. 8 Шимўн қабиласининг ҳудуди яна жанубдаги Баалат–Бэрни, яъни Нагав чўлидаги Рамагача бўлган ерлардаги барча шаҳарларни ва уларнинг атрофидаги қишлоқларни ўз ичига олар эди. 9 Ёшуа Яҳудо қабиласига берган улуш улар учун керагидан ҳам ортиқ эди. Шунинг учун уларнинг ҳудудидан бир бўлагини олиб, Шимўн қабиласига улуш қилиб берди.
Забулун қабиласининг улуши
10 Қуръа бўйича учинчи бўлиб Забулун қабиласи улуш олди. Уларга теккан ҳудуднинг чегараси Сорид шаҳридан бошланиб, 11 ғарб томонга боради ва Марало шаҳридан ўтади. Кейин Даббешет шаҳрининг ёнидан ўтиб, Ёхнаём шаҳрининг шарқидаги сойликкача етади. 12 Сорид шаҳрининг шарқ томонидан чегара Хислўт–Товур шаҳрининг чегарасигача чўзилади. Кейин Доварат шаҳригача бориб, Ёфия шаҳригача давом этади. 13 Чегара яна шарқ томонга давом этиб, Гат–Хафер ва Эт–Козин шаҳарларигача боради. Кейин чегара Риммон шаҳригача бориб, у ердан Ниёх шаҳри томон бурилади . 14 Ҳудуднинг шимолий чегараси Ханнатон шаҳридан ўтиб, Йифтох–Эл сойлигида тугайди. 15 Забулун қабиласининг ҳудудида ҳаммаси бўлиб ўн иккита шаҳар ва уларнинг атрофидаги қишлоқлар бор эди. Каттот, Наҳалил, Шимрон, Йидало ва Байтлаҳм ўша шаҳарлардан баъзилари эди.
16 Мана шу шаҳарлар ва уларнинг атрофидаги қишлоқларнинг ҳаммасини Забулун қабиласи улуш қилиб олди.
Иссахор қабиласининг улуши
17 Қуръа бўйича тўртинчи бўлиб Иссахор қабиласи улуш олди. 18 Бу қабилага улуш қилиб берилган ерларда қуйидаги шаҳарлар бор эди: Йизрил, Хасуллўт, Шунам, 19 Хафорайим, Шиён, Анахарат, 20 Раббит, Хишион, Аваз, 21 Ремот, Эн–Ханним, Эн–Хаддах, Байт–Пазез. 22 Шимолдаги бу ҳудуднинг чегараси Товур тоғидан бошланиб, Иордан дарёсида тугайди. Товур , Шахазимо ва Байт–Шамаш шаҳарлари ҳам мана шу ҳудудга кирар эди — ҳаммаси бўлиб ўн олтита шаҳар ва уларнинг атрофидаги қишлоқлар.
23 Мана шу шаҳарлар ва уларнинг атрофидаги қишлоқларни Иссахор қабиласи улуш қилиб олди.
Ошер қабиласининг улуши
24 Қуръа бўйича бешинчи бўлиб Ошер қабиласи улуш олди. 25 Уларнинг ҳудуди қуйидаги шаҳарларни ўз ичига олар эди: Халкат, Халий, Бэтэн, Ахшоф, 26 Аламмалек, Эмод ва Мишол. Ҳудуднинг жанубий чегараси Ўрта ер денгизидан бошланиб, Кармил қирларининг этакларидаги Шихор–Либнат сойлиги бўйлаб чўзилади. 27 У ердан чегара шарқ томонга бурилиб, Байт–Дўғон шаҳригача боради ва Йифтох–Эл водийсидаги Забулун қабиласи ҳудудининг чегараси билан туташади. Кейин шарқий чегара шимол томонга бурилиб, Байт–Эмих ва Набиёл шаҳригача боради. Ҳудуднинг чегараси Кавул, 28 Абдўн , Рехоб, Хаммон, Канах шаҳарларидан ўтиб, Буюк Сидон шаҳригача етади 29 ва бу ердан ғарбга бурилади. Шу ердан шимолий чегара бошланиб, Рамага боради–да, мустаҳкам Тир шаҳригача етади. Кейин чегара Хўсах шаҳри томон бурилиб, Ўрта ер денгизининг олдида тугайди. Ошер қабиласининг ҳудуди қуйидаги шаҳарларни ҳам ўз ичига олар эди: Махалав, Ахсиб , 30 Уммо , Офоқ ва Рехоб — ҳаммаси бўлиб йигирма иккита шаҳар ва уларнинг атрофидаги қишлоқлар.
31 Мана шу ерларнинг ҳаммасини Ошер қабиласи улуш қилиб олди.
Нафтали қабиласининг улуши
32 Қуръа бўйича олтинчи бўлиб Нафтали қабиласи улуш олди. 33 Нафтали қабиласи ҳудудининг жанубий чегараси Халеф шаҳридан Зананим шаҳри ёнидаги эман дарахти ёнигача боради. У ердан чегара Адамий–Нахаб, Ёбнаил ва Лахум шаҳарларигача давом этиб, Иордан дарёсида тугайди. 34 Ҳудуднинг ғарбий чегараси Ознўт–Товур шаҳридан ўтиб, Ҳуққоқ шаҳригача боради. Нафтали қабиласининг ҳудуди жануб томонда Забулун қабиласининг ҳудуди билан чегарадош, ғарб томонда Ошер қабиласининг ҳудуди билан чегарадош. Шарқий чегараси эса Иордан дарёсидир . 35 Нафтали қабиласининг ҳудудидаги мустаҳкам шаҳарлар қуйидагилардир: Зиддим, Зер, Хаммат, Рахат, Кенерет, 36 Адамах, Рама , Хазор, 37 Кедеш, Эдрей, Эн–Хазор, 38 Ирўн, Мигдал–Эл, Хорем, Байт–Онот ва Байт–Шамаш — ҳаммаси бўлиб ўн тўққизта шаҳар ва уларнинг атрофидаги қишлоқлар.
39 Нафтали қабиласи мана шу ерларни улуш қилиб олди.
Дан қабиласининг улуши
40 Қуръа бўйича еттинчи бўлиб Дан қабиласи улуш олди. 41 Уларнинг ҳудуди қуйидаги шаҳарлардан иборат эди: Зорох, Эштойўл, Ир–Шамаш, 42 Шалаббин, Ойжавлон, Йитла, 43 Элўн, Тимнах, Эхрон, 44 Элтаха, Гибитон, Баалат, 45 Ёҳуд, Бани–Барақ, Гат–Риммон, 46 Межаркон, Раххўн ва Яффанинг қаршисидаги жойлар.
47-48 Мана шу шаҳарлар ва уларнинг атрофидаги қишлоқлар Дан қабиласининг улуши эди. Аммо кейинчалик душманлар келиб, бу ерларни босиб олдилар. Шунда Дан қабиласи шимол томонга бориб, Лайиш шаҳрига ҳужум қилди . Улар шаҳарни қўлга киритиб, бутун шаҳар аҳолисини қириб ташладилар. Ўзлари эса шу шаҳарда жойлашиб, уни ўз бобоси Дан шарафига Дан деб атадилар.
Ёшуанинг улуши
49 Барча ерлар Исроил қабилаларига бўлиб берилгандан кейин, Исроил халқи Ёшуага ҳам улуш берди. 50 Эгамиз Исроил халқига, Ёшуа хоҳлаган шаҳарни унга беринглар, деб амр қилган эди. Ёшуа Эфрайим қирларидаги Тимнат–Серах шаҳрини сўради. Исроил халқи ўша шаҳарни Ёшуага берди. Ёшуа у шаҳарни қайтадан қуриб, ўша ерда жойлашди.
51 Мана шу ерларнинг ҳаммасини руҳоний Элазар , Нун ўғли Ёшуа ва қабилалар бошлиқлари Исроил қабилаларига улуш қилиб бердилар. Улар бу ишларни Шилўдаги Учрашув чодирига кираверишда, Эгамизнинг ҳузурида қуръа ташлаб амалга оширдилар. Хуллас, бутун юртни бўлиб олиш ҳам ўз ниҳоясига етди.
