4–BOB
Yahudoning nasli
1 Yahudoning Paraz, Xazron, Karmi, Xur va Shoʻval degan oʻgʻillari bor edi.
2 Shoʻval oʻgʻli Rayodan Yaxat tugʻildi. Yaxatdan Oximay va Loʻhad tugʻildilar. Bular Zorox shahri aholisining ajdodlari edilar.
3-4 Xolib oʻgʻli Xurning avlodlari Baytlahm shahriga asos soldilar . Xur onasi Efrataning toʻngʻich oʻgʻli edi. Xurning Etom, Panuval va Eyzar degan oʻgʻillari bor edi. Etomning Yizril, Yishmo va Yidbosh ismli uch oʻgʻli va Xazaleypoʻn ismli bir qizi bor edi. Panuval Gadoʻr shahriga, Eyzar esa Xusha shahriga asos soldi.
5 Taxuva shahriga asos solgan Ashxurning Xela va Naro ismli ikkita xotini bor edi. 6 Naro Ashxurga toʻrtta oʻgʻil tugʻib berdi. Ularning ismlari Oxizam, Xafer, Tamanax va Axashtori edi. 7 Xotini Xela esa Zaret, Izxor va Etnan ismli uch oʻgʻilni tugʻib berdi.
8 Kozning Onib va Zobeba degan oʻgʻillari bor edi. Koz Xarum oʻgʻli Oxarxel urugʻlarining bobokaloni edi.
9 Yabiz ismli bir odam bor edi. U birodarlariga qaraganda, baland obroʻga ega edi. Onasi: “Uni dard chekib tuqqanman”, deb ismini Yabiz qoʻygan edi. 10 Yabiz Isroil xalqining Xudosiga shunday deb yolvordi: “Koshkiydi, Sen meni muborak qilib, hududimni kengaytirsang. Yonimda boʻlsang, meni dardga yoʻliqtirmay, kulfatdan saqlasang.” Xudo uning iltijolarini bajo qildi.
11 Shuxoning akasi Xalubdan Maxir tugʻildi. Maxirdan Eshtun tugʻildi. 12 Eshtundan Baytrafa, Posiyox va Taxinno tugʻildilar. Taxinno Naxosh shahriga asos soldi . Bularning avlodlari Raxada istiqomat qilardilar.
13 Xanazning Oʻtniyol bilan Sarayo degan ikki oʻgʻli bor edi. Oʻtniyolning ham Xatat bilan Miyonoʻtay degan ikki oʻgʻli bor edi. 14 Miyonoʻtaydan Oʻfrax tugʻildi. Sarayodan Yoʻab tugʻildi. Yoʻab Gay–Xaroshim shahriga asos soldi. U yerda yashagan odamlarning hammasi hunarmand edi.
15 Yafunax oʻgʻli Xolib uch oʻgʻil koʻrdi. Ularning ismlari Iru, Elox va Nayam edi. Eloxdan Xanaz tugʻildi.
16 Yoxalilning Zif, Zifo, Tirayo va Osoriyol degan oʻgʻillari bor edi.
17-18 Ezraxning Eter, Mirod, Ifar va Yolun degan oʻgʻillari bor edi. Mirod firʼavnning qizi Bitiyoga uylandi, ular Maryam ismli bir qiz hamda Shammay va Yishbox ismli ikki oʻgʻil koʻrishdi. Yishbox Eshtamoʻva shahriga asos soldi. Mirod Yahudo qabilasidan oʻziga yana bir xotin oldi. Bu xotini unga Yored, Xaber va Yohutal ismli uch oʻgʻil tugʻib berdi. Yored Gadoʻr shahriga, Xaber Soʻxu shahriga va Yohutal Zonoʻvax shahriga asos soldilar.
19 Xoʻdiyo Naxamning singlisiga uylandi. Ulardan Keylaxda istiqomat qilgan Xarm urugʻi va Eshtamoʻvada istiqomat qilgan Maxo urugʻlari kelib chiqdi .
20 Shimonning Omnoʻn, Rina, Banxanon va Tiloʻn degan oʻgʻillari bor edi.
Yishining Zoʻxit va Banzoʻxit degan oʻgʻillari bor edi.
Sheloning nasli
21 Yahudoning Shelo ismli oʻgʻli ham bor edi. Sheloning nasli quyidagilardan tashkil topgan edi: Lexa shahrini qurgan Gʻur, Morisho shahrini qurgan Lado, Bayt–Ashbiya shahrida yashagan zigʻir toʻquvchilarning urugʻi, 22 Yoʻxim va Xozeba shahrining aholisi. Yoʻsh va Soraf ham Sheloning naslidan kelib chiqqan edilar. Ular Moʻablik ayollarga uylanib, Baytlahm shahriga oʻrnashib olgan edilar . Bu maʼlumotlar qadimgi yozuvlardan olingan. 23 Shu naslga tegishli odamlar shoh saroyida kulollar sifatida xizmat qilib, Natayim va Gadera shaharlarida yashashardi.
Shimoʻnning nasli
24 Shimoʻnning Yamuvol , Yomin, Yoriv, Zoʻxar va Shovul ismli oʻgʻillari bor edi.
25 Shovulning Shallum degan oʻgʻli, Mivsom degan nabirasi va Mishmo degan chevarasi bor edi.
26 Mishmoning Xammuvol degan oʻgʻli, Zakkur ismli nabirasi va Shimax degan chevarasi bor edi.
27 Shimax oʻn olti oʻgʻil va olti qiz koʻrdi. Lekin aka–ukalarining farzandlari kam boʻlgani uchun Shimoʻn qabilasi, Yahudo qabilasi kabi, koʻpaymadi.
28 Shimoʻn nasli Bersheba, Moʻlodax, Xazor–Shuvol, 29 Bilxax, Ezam, Toʻlad, 30 Batuval, Xoʻrmax, Zixlax, 31 Bayt–Markobot, Xazor–Susum, Bayt–Biriy va Sharayim shaharlarida istiqomat qilardilar. Dovud shoh boʻlgunga qadar, mana shu shaharlar Shimoʻn nasliga qarashli edi. 32 Ular yana Etom, Oyin, Rimmon, Toʻxan va Oshon nomli beshta shaharda ham istiqomat qilardilar. 33 Janubi–gʻarbdagi Baalat shahrigacha choʻzilgan bu shaharlar va ularning atrofidagi hamma qishloqlar Shimoʻn nasliga qarashli edi. Ular shu joylarda yashab, oʻz nasabnomalari haqidagi maʼlumotlarni yozib qoʻygan edilar.
34-38 Quyidagilar Shimoʻn naslining urugʻboshilari edi: Mashuvav, Yamlax, Emoziyo oʻgʻli Yoʻsha, Yoʻel va Yoʻshyiviyo oʻgʻli Yohu. Yohu Sarayoning nevarasi, Osiyolning evarasi edi. Eliyoʻnay, Yaqoʻvo, Yoshuxayo, Osoyoh, Odil, Yesimil, Binayo va Shifi oʻgʻli Zizo ham Shimoʻn naslining urugʻboshilari edi. Zizo Elonning nevarasi, Yodiyoning evarasi, Shamayo oʻgʻli Shimrining chevarasi edi.
Ularning urugʻlari nihoyatda koʻpaygani uchun, 39 ular qoʻy–echkilariga yaylov axtarib, vodiyning sharqiy chetida joylashgan Gadoʻr shahrigacha bordilar. 40 U yerdagi keng, tinch va osoyishta joylar koʻm–koʻk yaylovlarga boy ekanini koʻrdilar. Bu yerlar azaldan Xom nasliga qarashli edi.
41 Yahudo shohi Hizqiyo hukmronlik qilgan davrda yuqorida nomlari roʻyxat qilingan Shimoʻn nasli Xom nasliga va ular orasida oʻrnashib olgan Munim urugʻiga hujum qildilar. Ularning hammasini bitta qoldirmay qirib tashladilar. U yerda qoʻylar uchun yaylovlar koʻp boʻlgani uchun ularning joyiga oʻzlari oʻrnashib oldilar. 42 Soʻng Shimoʻn naslidan besh yuz kishi Yishining Pilatiyo, Nariyo, Rafiyo va Uziyol ismli toʻrt oʻgʻli boshchiligida Seir togʻlariga borib, 43 Omolek naslining omon qolganlarini qirib tashladilar. Shimoʻn nasli bugunga qadar oʻsha joylarda yashab kelyapti.
4–БОБ
Яҳудонинг насли
1 Яҳудонинг Параз, Хазрон, Карми, Хур ва Шўвал деган ўғиллари бор эди.
2 Шўвал ўғли Раёдан Яхат туғилди. Яхатдан Охимай ва Лўҳад туғилдилар. Булар Зорох шаҳри аҳолисининг аждодлари эдилар.
3-4 Холиб ўғли Хурнинг авлодлари Байтлаҳм шаҳрига асос солдилар . Хур онаси Эфратанинг тўнғич ўғли эди. Хурнинг Этом, Панувал ва Эйзар деган ўғиллари бор эди. Этомнинг Йизрил, Йишмо ва Йидбош исмли уч ўғли ва Хазалейпўн исмли бир қизи бор эди. Панувал Гадўр шаҳрига, Эйзар эса Хуша шаҳрига асос солди.
5 Тахува шаҳрига асос солган Ашхурнинг Хела ва Наро исмли иккита хотини бор эди. 6 Наро Ашхурга тўртта ўғил туғиб берди. Уларнинг исмлари Охизам, Хафер, Таманах ва Ахаштори эди. 7 Хотини Хела эса Зарет, Изхор ва Этнан исмли уч ўғилни туғиб берди.
8 Кознинг Ониб ва Зобеба деган ўғиллари бор эди. Коз Харум ўғли Охархел уруғларининг бобокалони эди.
9 Ябиз исмли бир одам бор эди. У биродарларига қараганда, баланд обрўга эга эди. Онаси: “Уни дард чекиб туққанман”, деб исмини Ябиз қўйган эди. 10 Ябиз Исроил халқининг Худосига шундай деб ёлворди: “Кошкийди, Сен мени муборак қилиб, ҳудудимни кенгайтирсанг. Ёнимда бўлсанг, мени дардга йўлиқтирмай, кулфатдан сақласанг.” Худо унинг илтижоларини бажо қилди.
11 Шухонинг акаси Халубдан Махир туғилди. Махирдан Эштун туғилди. 12 Эштундан Байтрафа, Посиёх ва Тахинно туғилдилар. Тахинно Нахош шаҳрига асос солди . Буларнинг авлодлари Рахада истиқомат қилардилар.
13 Ханазнинг Ўтниёл билан Сараё деган икки ўғли бор эди. Ўтниёлнинг ҳам Хатат билан Миёнўтай деган икки ўғли бор эди. 14 Миёнўтайдан Ўфрах туғилди. Сараёдан Йўаб туғилди. Йўаб Гай–Харошим шаҳрига асос солди. У ерда яшаган одамларнинг ҳаммаси ҳунарманд эди.
15 Яфунах ўғли Холиб уч ўғил кўрди. Уларнинг исмлари Иру, Элох ва Наям эди. Элохдан Ханаз туғилди.
16 Ёхалилнинг Зиф, Зифо, Тираё ва Осориёл деган ўғиллари бор эди.
17-18 Эзрахнинг Этер, Мирод, Ифар ва Ёлун деган ўғиллари бор эди. Мирод фиръавннинг қизи Битиёга уйланди, улар Марям исмли бир қиз ҳамда Шаммай ва Йишбох исмли икки ўғил кўришди. Йишбох Эштамўва шаҳрига асос солди. Мирод Яҳудо қабиласидан ўзига яна бир хотин олди. Бу хотини унга Ёред, Хабер ва Ёҳутал исмли уч ўғил туғиб берди. Ёред Гадўр шаҳрига, Хабер Сўху шаҳрига ва Ёҳутал Зонўвах шаҳрига асос солдилар.
19 Хўдиё Нахамнинг синглисига уйланди. Улардан Кейлахда истиқомат қилган Харм уруғи ва Эштамўвада истиқомат қилган Махо уруғлари келиб чиқди .
20 Шимоннинг Омнўн, Рина, Банханон ва Тилўн деган ўғиллари бор эди.
Йишининг Зўхит ва Банзўхит деган ўғиллари бор эди.
Шелонинг насли
21 Яҳудонинг Шело исмли ўғли ҳам бор эди. Шелонинг насли қуйидагилардан ташкил топган эди: Леха шаҳрини қурган Ғур, Моришо шаҳрини қурган Ладо, Байт–Ашбия шаҳрида яшаган зиғир тўқувчиларнинг уруғи, 22 Йўхим ва Хозеба шаҳрининг аҳолиси. Йўш ва Сораф ҳам Шелонинг наслидан келиб чиққан эдилар. Улар Мўаблик аёлларга уйланиб, Байтлаҳм шаҳрига ўрнашиб олган эдилар . Бу маълумотлар қадимги ёзувлардан олинган. 23 Шу наслга тегишли одамлар шоҳ саройида кулоллар сифатида хизмат қилиб, Натайим ва Гадера шаҳарларида яшашарди.
Шимўннинг насли
24 Шимўннинг Ямувол , Ёмин, Ёрив, Зўхар ва Шовул исмли ўғиллари бор эди.
25 Шовулнинг Шаллум деган ўғли, Мивсом деган набираси ва Мишмо деган чевараси бор эди.
26 Мишмонинг Хаммувол деган ўғли, Заккур исмли набираси ва Шимах деган чевараси бор эди.
27 Шимах ўн олти ўғил ва олти қиз кўрди. Лекин ака–укаларининг фарзандлари кам бўлгани учун Шимўн қабиласи, Яҳудо қабиласи каби, кўпаймади.
28 Шимўн насли Бершеба, Мўлодах, Хазор–Шувол, 29 Билхах, Эзам, Тўлад, 30 Батувал, Хўрмах, Зихлах, 31 Байт–Маркобот, Хазор–Сусум, Байт–Бирий ва Шарайим шаҳарларида истиқомат қилардилар. Довуд шоҳ бўлгунга қадар, мана шу шаҳарлар Шимўн наслига қарашли эди. 32 Улар яна Этом, Ойин, Риммон, Тўхан ва Ошон номли бешта шаҳарда ҳам истиқомат қилардилар. 33 Жануби–ғарбдаги Баалат шаҳригача чўзилган бу шаҳарлар ва уларнинг атрофидаги ҳамма қишлоқлар Шимўн наслига қарашли эди. Улар шу жойларда яшаб, ўз насабномалари ҳақидаги маълумотларни ёзиб қўйган эдилар.
34-38 Қуйидагилар Шимўн наслининг уруғбошилари эди: Машував, Ямлах, Эмозиё ўғли Йўша, Йўэл ва Йўшйивиё ўғли Ёҳу. Ёҳу Сараёнинг невараси, Осиёлнинг эвараси эди. Элийўнай, Яқўво, Ёшухаё, Осоёҳ, Одил, Есимил, Бинаё ва Шифи ўғли Зизо ҳам Шимўн наслининг уруғбошилари эди. Зизо Элоннинг невараси, Ёдиёнинг эвараси, Шамаё ўғли Шимрининг чевараси эди.
Уларнинг уруғлари ниҳоятда кўпайгани учун, 39 улар қўй–эчкиларига яйлов ахтариб, водийнинг шарқий четида жойлашган Гадўр шаҳригача бордилар. 40 У ердаги кенг, тинч ва осойишта жойлар кўм–кўк яйловларга бой эканини кўрдилар. Бу ерлар азалдан Хом наслига қарашли эди.
41 Яҳудо шоҳи Ҳизқиё ҳукмронлик қилган даврда юқорида номлари рўйхат қилинган Шимўн насли Хом наслига ва улар орасида ўрнашиб олган Муним уруғига ҳужум қилдилар. Уларнинг ҳаммасини битта қолдирмай қириб ташладилар. У ерда қўйлар учун яйловлар кўп бўлгани учун уларнинг жойига ўзлари ўрнашиб олдилар. 42 Сўнг Шимўн наслидан беш юз киши Йишининг Пилатиё, Нариё, Рафиё ва Узиёл исмли тўрт ўғли бошчилигида Сеир тоғларига бориб, 43 Омолек наслининг омон қолганларини қириб ташладилар. Шимўн насли бугунга қадар ўша жойларда яшаб келяпти.
