36–BOB
Esovning nasl–nasabi
1 Esovning nasl–nasabi tarixi quyidagichadir (u Edom ismi bilan taniqli):
2 Esov Kanʼonlik qizlarga uylangan edi. Birinchi xotinining ismi Oida boʻlib, Xet xalqidan Eloʻn deganning qizi edi. Ikkinchisiniki Oxolibom boʻlib, Xiv xalqidan Anah deganning qizi edi. Bobosining ismi Ziboʻn edi. 3 Uchinchi xotinining ismi Bosimat boʻlib, Ismoilning qizi edi. Qizning Navayot degan akasi bor edi. 4 Oida Esovga Elifazni, Bosimat Ruvelni, 5 Oxolibom esa Yoush, Yalom va Koʻraxni tugʻib berdi. Esovning Kanʼon yurtida tugʻilgan oʻgʻillari ana shulardir.
6 Soʻngra Esov xotinlarini, bolalarini, xonadonidagi hamma odamlarini, podasiyu suruvlarini, Kanʼon yurtida topgan jamiki boyliklarini olib, ukasi Yoqubdan uzoqroq yerga koʻchib ketdi. 7 Ikkovining podalari va suruvlari benihoya koʻp boʻlganidan, yer torlik qilib qolgan edi. 8 Shuning uchun Esov, yaʼni Edom, Seir togʻlariga borib oʻrnashdi.
9 Seir togʻlaridagi Edom xalqining ota–bobosi Esovning nasl–nasabi mana bulardir:
10 Esovning xotinlari Oida va Bosimat tuqqan oʻgʻillari quyidagilardir: Oida Elifazni tugʻdi, Bosimat Ruvelni tugʻdi.
11 Elifaz besh oʻgʻil koʻrdi: Temon, Oʻmar, Zafoʻ, Gatam va Xanaz. 12 Elifazning choʻrisi Timna ham unga oʻgʻil tugʻib, ismini Omolek qoʻydi. Esovning xotini Oidaning nabiralari ana shular edi.
13 Ruvel toʻrt oʻgʻil koʻrdi: Naxat, Zerax, Shammox va Mizzo. Bular Esovning xotini Bosimatning nabiralari edi.
14 Esovning uchinchi xotini Anahning qizi Oxolibom unga uch oʻgʻil tugʻib berdi. Oʻgʻillarining ismi Yoush, Yalom va Koʻrax edi.
15 Esovning oʻgʻillari va nabiralari quyidagi urugʻlarning yoʻlboshchilari boʻldilar:
Esovning toʻngʻich oʻgʻli Elifazning oʻgʻillari quyidagi urugʻlarning yoʻlboshchilari boʻldilar: Temon, Oʻmar, Zafoʻ, Xanaz, 16 Koʻrax, Gatam va Omolek urugʻlari. Edom yurtidagi bu urugʻlar Esovning xotini Oidadan kelib chiqqan edi.
17 Esov oʻgʻli Ruvelning oʻgʻillari quyidagi urugʻlarning yoʻlboshchilari boʻldilar: Naxat, Zerax, Shammox va Mizzo urugʻlari. Edom yurtidagi bu urugʻlar Esovning xotini Bosimatdan paydo boʻlgan edi.
18 Esovning xotini Oxolibomning oʻgʻillari quyidagi urugʻlarning yoʻlboshchilari boʻldilar: Yoush, Yalom va Koʻrax urugʻlari. Oxolibomning otasi Anah edi.
19 Esov, yaʼni Edomdan kelib chiqqan urugʻlarning hammasi ana shulardir.
Edomning tub aholisi
20-21 Edom yurtining tub aholisi qabilalarga boʻlingan edi. Bu qabilalarning ota–bobosi Seir degan odam boʻlib, u Xorim xalqidan edi. Seirning quyidagi nasllari urugʻlarga asos soldi:
Loʻton, Shoʻval, Ziboʻn, Anah, Dishon, Ezer va Dishan.
22 Loʻtonning oʻgʻillari ismi Xoʻri va Xoʻmam edi. Loʻtonning Timna degan singlisi ham bor edi.
23 Shoʻvalning oʻgʻillari ismi Eliyon , Monaxat, Ebal, Shafo va Oʻnam edi.
24 Ziboʻnning oʻgʻillari ismi Oyo va Anah edi. Anah otasi Ziboʻnning eshaklarini boqib yurganda, sahroda issiq buloqlar topgan edi.
25 Anahning Dishon degan oʻgʻli va Oxolibom degan qizi bor edi.
26 Dishonning oʻgʻillari ismi Xamdon, Eshbon, Yitron va Xeron edi.
27 Ezerning oʻgʻillari ismi Bilxan, Zavon va Oqon edi.
28 Dishanning oʻgʻillari ismi Uz va Oron edi.
29 Shunday qilib, quyidagilar Xorim xalqi urugʻlarining yoʻlboshchilari boʻldi: Loʻton, Shoʻval, Ziboʻn, Anah, 30 Dishon, Ezer va Dishan. Xorim xalqining urugʻlari Seir yurtida yashagan urugʻ yoʻlboshchilari nomi bilan yuritilgan.
Edom shohlari
31 Hali Isroilda shohlar boʻlmasdan oldin ham, Edomda shohlar hukmronlik qilgan edi. Bu shohlar quyidagilardir:
32 Bavoʻr oʻgʻli Belax, u Dinxaba shahridan edi.
33 Belax vafot etgach, uning oʻrniga Zerax oʻgʻli Yoʻvov shoh boʻldi. U Bozrax shahridan edi.
34 Yoʻvov vafot etgandan keyin, uning oʻrniga Xushom shoh boʻldi. U Temon yurtidan edi.
35 Xushom vafot etgach, uning oʻrniga Badad oʻgʻli Hadad shoh boʻldi. U Obit shahridan edi. Hadad Moʻab yurtida Midiyon lashkarini qirib tashlagan edi.
36 Hadad vafot etgandan keyin, uning oʻrniga Samlo shoh boʻldi. U Masrixo shahridan edi.
37 Samlo vafot etgandan keyin, uning oʻrniga Shovul shoh boʻldi. U Furot daryosi boʻyidagi Rexoboʻt shahridan edi.
38 Shovul vafot etgandan keyin, uning oʻrniga Axbor oʻgʻli Baalxanon shoh boʻldi.
39 Baalxanon vafot etgandan keyin, uning oʻrniga Hadad shoh boʻldi. U Pogʻu shahridan edi. Hadadning xotini Maxitaval edi, Maxitavalning otasi — Matrid, bobosi Mezaxab edi.
40 Esov urugʻlarining yoʻlboshchilari nomlari quyidagichadir: Timno, Elvo, Yetet, 41 Oxolibom, Elox, Pinon, 42 Xanaz, Temon, Mivzar, 43 Maxdiyol va Irom. Edom xalqining ota–bobosi Esov urugʻlarining nomlari ana shulardir. Har bir urugʻ oʻzi egallagan hududga oʻzining nomini bergan.
36–БОБ
Эсовнинг насл–насаби
1 Эсовнинг насл–насаби тарихи қуйидагичадир (у Эдом исми билан таниқли):
2 Эсов Канъонлик қизларга уйланган эди. Биринчи хотинининг исми Оида бўлиб, Хет халқидан Элўн деганнинг қизи эди. Иккинчисиники Охолибом бўлиб, Хив халқидан Анаҳ деганнинг қизи эди. Бобосининг исми Зибўн эди. 3 Учинчи хотинининг исми Босимат бўлиб, Исмоилнинг қизи эди. Қизнинг Наваёт деган акаси бор эди. 4 Оида Эсовга Элифазни, Босимат Рувелни, 5 Охолибом эса Ёуш, Ялом ва Кўрахни туғиб берди. Эсовнинг Канъон юртида туғилган ўғиллари ана шулардир.
6 Сўнгра Эсов хотинларини, болаларини, хонадонидаги ҳамма одамларини, подасию сурувларини, Канъон юртида топган жамики бойликларини олиб, укаси Ёқубдан узоқроқ ерга кўчиб кетди. 7 Икковининг подалари ва сурувлари бениҳоя кўп бўлганидан, ер торлик қилиб қолган эди. 8 Шунинг учун Эсов, яъни Эдом, Сеир тоғларига бориб ўрнашди.
9 Сеир тоғларидаги Эдом халқининг ота–бобоси Эсовнинг насл–насаби мана булардир:
10 Эсовнинг хотинлари Оида ва Босимат туққан ўғиллари қуйидагилардир: Оида Элифазни туғди, Босимат Рувелни туғди.
11 Элифаз беш ўғил кўрди: Темон, Ўмар, Зафў, Гатам ва Ханаз. 12 Элифазнинг чўриси Тимна ҳам унга ўғил туғиб, исмини Омолек қўйди. Эсовнинг хотини Оиданинг набиралари ана шулар эди.
13 Рувел тўрт ўғил кўрди: Нахат, Зерах, Шаммох ва Миззо. Булар Эсовнинг хотини Босиматнинг набиралари эди.
14 Эсовнинг учинчи хотини Анаҳнинг қизи Охолибом унга уч ўғил туғиб берди. Ўғилларининг исми Ёуш, Ялом ва Кўрах эди.
15 Эсовнинг ўғиллари ва набиралари қуйидаги уруғларнинг йўлбошчилари бўлдилар:
Эсовнинг тўнғич ўғли Элифазнинг ўғиллари қуйидаги уруғларнинг йўлбошчилари бўлдилар: Темон, Ўмар, Зафў, Ханаз, 16 Кўрах, Гатам ва Омолек уруғлари. Эдом юртидаги бу уруғлар Эсовнинг хотини Оидадан келиб чиққан эди.
17 Эсов ўғли Рувелнинг ўғиллари қуйидаги уруғларнинг йўлбошчилари бўлдилар: Нахат, Зерах, Шаммох ва Миззо уруғлари. Эдом юртидаги бу уруғлар Эсовнинг хотини Босиматдан пайдо бўлган эди.
18 Эсовнинг хотини Охолибомнинг ўғиллари қуйидаги уруғларнинг йўлбошчилари бўлдилар: Ёуш, Ялом ва Кўрах уруғлари. Охолибомнинг отаси Анаҳ эди.
19 Эсов, яъни Эдомдан келиб чиққан уруғларнинг ҳаммаси ана шулардир.
Эдомнинг туб аҳолиси
20-21 Эдом юртининг туб аҳолиси қабилаларга бўлинган эди. Бу қабилаларнинг ота–бобоси Сеир деган одам бўлиб, у Хорим халқидан эди. Сеирнинг қуйидаги насллари уруғларга асос солди:
Лўтон, Шўвал, Зибўн, Анаҳ, Дишон, Эзер ва Дишан.
22 Лўтоннинг ўғиллари исми Хўри ва Хўмам эди. Лўтоннинг Тимна деган синглиси ҳам бор эди.
23 Шўвалнинг ўғиллари исми Элиён , Монахат, Эбал, Шафо ва Ўнам эди.
24 Зибўннинг ўғиллари исми Оё ва Анаҳ эди. Анаҳ отаси Зибўннинг эшакларини боқиб юрганда, саҳрода иссиқ булоқлар топган эди.
25 Анаҳнинг Дишон деган ўғли ва Охолибом деган қизи бор эди.
26 Дишоннинг ўғиллари исми Хамдон, Эшбон, Йитрон ва Херон эди.
27 Эзернинг ўғиллари исми Билхан, Завон ва Оқон эди.
28 Дишаннинг ўғиллари исми Уз ва Орон эди.
29 Шундай қилиб, қуйидагилар Хорим халқи уруғларининг йўлбошчилари бўлди: Лўтон, Шўвал, Зибўн, Анаҳ, 30 Дишон, Эзер ва Дишан. Хорим халқининг уруғлари Сеир юртида яшаган уруғ йўлбошчилари номи билан юритилган.
Эдом шоҳлари
31 Ҳали Исроилда шоҳлар бўлмасдан олдин ҳам, Эдомда шоҳлар ҳукмронлик қилган эди. Бу шоҳлар қуйидагилардир:
32 Бавўр ўғли Белах, у Динхаба шаҳридан эди.
33 Белах вафот этгач, унинг ўрнига Зерах ўғли Йўвов шоҳ бўлди. У Бозрах шаҳридан эди.
34 Йўвов вафот этгандан кейин, унинг ўрнига Хушом шоҳ бўлди. У Темон юртидан эди.
35 Хушом вафот этгач, унинг ўрнига Бадад ўғли Ҳадад шоҳ бўлди. У Обит шаҳридан эди. Ҳадад Мўаб юртида Мидиён лашкарини қириб ташлаган эди.
36 Ҳадад вафот этгандан кейин, унинг ўрнига Самло шоҳ бўлди. У Масрихо шаҳридан эди.
37 Самло вафот этгандан кейин, унинг ўрнига Шовул шоҳ бўлди. У Фурот дарёси бўйидаги Рехобўт шаҳридан эди.
38 Шовул вафот этгандан кейин, унинг ўрнига Ахбор ўғли Баалханон шоҳ бўлди.
39 Баалханон вафот этгандан кейин, унинг ўрнига Ҳадад шоҳ бўлди. У Поғу шаҳридан эди. Ҳададнинг хотини Махитавал эди, Махитавалнинг отаси — Матрид, бобоси Мезахаб эди.
40 Эсов уруғларининг йўлбошчилари номлари қуйидагичадир: Тимно, Элво, Етет, 41 Охолибом, Элох, Пинон, 42 Ханаз, Темон, Мивзар, 43 Махдиёл ва Иром. Эдом халқининг ота–бобоси Эсов уруғларининг номлари ана шулардир. Ҳар бир уруғ ўзи эгаллаган ҳудудга ўзининг номини берган.
