6–BOB
Oliy ruhoniylar xonadonining shajarasi
1 Levining oʻgʻillari Gershon, Qohot va Marori edi.
2 Qohotning oʻgʻillari Imrom, Izxor, Xevron va Uziyol edi.
3 Imromning Horun va Muso ismli ikki oʻgʻli va Maryam ismli bir qizi bor edi.
Horunning oʻgʻillari Nadov, Abihu, Elazar va Itamar edi.
4 Elazardan Finxaz tugʻildi, Finxazdan Abushuva tugʻildi, 5 Abushuvadan Bukki tugʻildi, Bukkidan Uzzi tugʻildi, 6 Uzzidan Zaraxiyo tugʻildi, Zaraxiyodan Maroyoʻt tugʻildi, 7 Maroyoʻtdan Emoriyo tugʻildi, Emoriyodan Oxitob tugʻildi, 8 Oxitobdan Zodoʻx tugʻildi, Zodoʻxdan Oximas tugʻildi, 9 Oximasdan Ozariyo tugʻildi, Ozariyodan Yoʻxanon tugʻildi, 10 Yoʻxanondan Ozariyo tugʻildi. Shoh Sulaymon Quddusda qurgan Maʼbadda Ozariyo ruhoniy boʻlib xizmat qilgan edi. 11 Ozariyodan Emoriyo tugʻildi, Emoriyodan Oxitob tugʻildi, 12 Oxitobdan Zodoʻx tugʻildi, Zodoʻxdan Shallum tugʻildi, 13 Shallumdan Xilqiyo tugʻildi, Xilqiyodan Ozariyo tugʻildi, 14 Ozariyodan Sarayo tugʻildi, Sarayodan Yohuzadax tugʻildi.
15 Egamiz shoh Navuxadnazar orqali Yahudo va Quddus xalqini surgun qilganda , Yohuzadax ham badargʻa boʻlgan edi.
Levining boshqa nasli
16 Levining oʻgʻillari Gershon, Qohot va Marori edi.
17 Gershonning oʻgʻillari ismi Lubnax va Shimax edi.
18 Qohotning oʻgʻillari Imrom, Izxor, Xevron va Uziyol edi.
19 Marorining oʻgʻillari Maxli va Mushi edi.
Ota xonadoniga koʻra, roʻyxatga olingan Levi urugʻlari quyidagilardan iborat edi:
20 Gershon nasli quyidagilar edi: Gershondan Lubnax tugʻildi, Lubnaxdan Yaxat tugʻildi, Yaxatdan Zimmo tugʻildi, 21 Zimmodan Yoʻx tugʻildi, Yoʻxdan Yiddo tugʻildi, Yiddodan Zerax tugʻildi, Zeraxdan Yotaray tugʻildi.
22 Qohotning nasli quyidagilar edi: Qohotdan Ominadav tugʻildi, Ominadavdan Koʻrax tugʻildi, Koʻraxdan Asir tugʻildi, 23 Asirdan Elqana tugʻildi, Elqanadan Abuasaf tugʻildi, Abuasafdan Asir tugʻildi, 24 Asirdan Taxat tugʻildi, Taxatdan Uriyol tugʻildi, Uriyoldan Uzziyo tugʻildi, Uzziyodan Shovul tugʻildi.
25 Elqananing Emosay va Oximoʻt degan ikki oʻgʻli bor edi. 26 Oximoʻtdan Elqana tugʻildi, Elqanadan Zoʻfay tugʻildi, Zoʻfaydan Naxat tugʻildi, 27 Naxatdan Eliyob tugʻildi, Eliyobdan Yeroxam tugʻildi, Yeroxamdan Elqana tugʻildi, Elqanadan Shomuil tugʻildi .
28 Shomuilning ikki oʻgʻli bor edi, toʻngʻichining ismi Yoʻel, kenjasining ismi Abiyo edi.
29 Marorining nasli quyidagilar edi: Maroridan Maxli tugʻildi, Maxlidan Lubnax tugʻildi, Lubnaxdan Shimax tugʻildi, Shimaxdan Uzzox tugʻildi, 30 Uzzoxdan Shimo tugʻildi, Shimodan Xaggiyo tugʻildi, Xaggiyodan Osoyoh tugʻildi.
Maʼbad sozandalari
31 Ahd sandigʻi Egamizning uyiga kelgandan keyin, Dovud u yerdagi xizmatga sozandalar tayinlagandi. 32 Sulaymon Quddusda Egamizning uyini qurgunga qadar, ular Muqaddas chodirning oldida qoʻshiq aytib xizmat qilishardi. Oʻz xizmatlarini berilgan koʻrsatmalar asosida ado etishardi. 33 U yerda xizmat qilgan odamlar quyidagi urugʻlardan edi:
Qoʻshiqchi Xaman Qohot urugʻidan boʻlib, uning nasabnomasi quyidagicha edi: Xaman — Yoʻelning oʻgʻli, Yoʻel — Shomuilning oʻgʻli, 34 Shomuil — Elqananing oʻgʻli, Elqana — Yeroxamning oʻgʻli, Yeroxam — Eliyolning oʻgʻli, Eliyol — Toʻvaxning oʻgʻli, 35 Toʻvax — Zufning oʻgʻli, Zuf — Elqananing oʻgʻli, Elqana — Maxatning oʻgʻli, Maxat — Emosayning oʻgʻli, 36 Emosay — Elqananing oʻgʻli, Elqana — Yoʻelning oʻgʻli, Yoʻel — Ozariyoning oʻgʻli, Ozariyo — Zafaniyoning oʻgʻli, 37 Zafaniyo — Taxatning oʻgʻli, Taxat — Asirning oʻgʻli, Asir — Abuasafning oʻgʻli, Abuasaf — Koʻraxning oʻgʻli, 38 Koʻrax — Izxorning oʻgʻli, Izxor — Qohotning oʻgʻli, Qohot — Levining oʻgʻli, Levi — Yoqubning oʻgʻli.
39 Xamanning oʻng qoʻl yordamchisi Osif ismli qarindoshi edi. Osifning nasabnomasi quyidagicha edi: Osif — Barxiyoning oʻgʻli, Barxiyo — Shimoning oʻgʻli, 40 Shimo — Mikoyilning oʻgʻli, Mikoyil — Bosiyoning oʻgʻli, Bosiyo — Malkiyoning oʻgʻli, 41 Malkiyo — Itnoning oʻgʻli, Itno — Zeraxning oʻgʻli, Zerax — Odayoning oʻgʻli, 42 Odayo — Etxanning oʻgʻli, Etxan — Zimmoning oʻgʻli, Zimmo — Shimaxning oʻgʻli, 43 Shimax — Yaxatning oʻgʻli, Yaxat — Gershonning oʻgʻli, Gershon — Levining oʻgʻli.
44 Xamanning chap qoʻl yordamchisi Etxan ismli qarindoshi edi. U Marori urugʻidan edi. Etxanning nasabnomasi quyidagicha edi: Etxan — Xishining oʻgʻli, Xishi — Abdining oʻgʻli, Abdi — Malluxning oʻgʻli, 45 Mallux — Xashaviyoning oʻgʻli, Xashaviyo — Emoziyoning oʻgʻli, Emoziyo — Xilqiyoning oʻgʻli, 46 Xilqiyo — Omzining oʻgʻli, Omzi — Banixning oʻgʻli, Banix — Shamerning oʻgʻli, 47 Shamer — Maxlining oʻgʻli, Maxli — Mushining oʻgʻli, Mushi — Marorining oʻgʻli, Marori — Levining oʻgʻli.
48 Xudoning uyidagi boshqa hamma xizmatga Levi qabilasining qolgan aʼzolari tayinlangan edilar.
Horunning nasli
49 Faqat Horun va uning nasli qurbongohda qurbonlik kuydirib, tutatqi qurbongohida xushboʻy tutatqi tutatishlari mumkin edi. Ular Eng muqaddas xonadagi barcha xizmatni ado etib, Xudoning quli Muso bergan hamma buyruqlarga koʻra, Isroil xalqini gunohdan poklar edilar.
50 Horunning nasli quyidagilar edi: Horunning oʻgʻli — Elazar, Elazarning oʻgʻli — Finxaz, Finxazning oʻgʻli — Abushuva, 51 Abushuvaning oʻgʻli — Bukki, Bukkining oʻgʻli — Uzzi, Uzzining oʻgʻli — Zaraxiyo, 52 Zaraxiyoning oʻgʻli — Maroyoʻt, Maroyoʻtning oʻgʻli — Emoriyo, Emoriyoning oʻgʻli — Oxitob, 53 Oxitobning oʻgʻli — Zodoʻx, Zodoʻxning oʻgʻli — Oximas.
Levilar yashagan shaharlar
54 Levilarga ajratilgan shaharlardan Qohot urugʻining Horun nasli birinchi boʻlib ulush olgan edi. Ularga qurʼa boʻyicha berilgan hududga 55 Yahudo yurtidagi Xevron shahri va uning atrofidagi yaylovlar kirgan edi. 56 Ammo oʻsha shaharning atrofidagi dalalaru qishloqlar Yafunax oʻgʻli Xolibga berildi. 57 Horun nasliga quyidagi shaharlar va ularning atrofidagi yaylovlar berildi: panoh shahar Xevron, bundan tashqari, Libna, Yatir, Eshtamoʻva, 58 Xoʻlun , Davir, 59 Oyin , Yutto va Bayt–Shamash. 60 Benyamin qabilasining hududidan quyidagi shaharlar va ularning atrofidagi yaylovlar ham berildi: Givon , Gebo, Elimat va Onotoʻt. Qohot urugʻining Horun nasliga hammasi boʻlib oʻn uchta shahar berildi. 61 Qohot naslining qolganlariga esa Iordanning gʻarb tomonidagi Manashe qabilasiga qarashli hududdan oʻnta shahar qurʼa boʻyicha taqsimlab berildi.
62 Gershon urugʻiga, xonadonlariga koʻra, Issaxor, Osher, Naftali va Bashandagi Manashe qabilalarining hududlaridan oʻn uchta shahar qurʼa boʻyicha berildi.
63 Marori urugʻiga, xonadonlariga koʻra, Ruben, Gad va Zabulun qabilalarining hududlaridan oʻn ikkita shahar qurʼa boʻyicha berildi.
64 Shunday qilib, Isroil xalqi levilarga yashash uchun shaharlarni va oʻsha shaharlar atrofidagi yaylovlarni ajratib berdi. 65 Yuqorida nomlari aytib oʻtilgan Yahudo, Shimoʻn va Benyamin qabilalari hududlaridan ajratilgan shaharlar ham qurʼa boʻyicha taqsimlangan edi.
66 Qohot urugʻining baʼzi xonadonlariga Efrayim qabilasining hududidan quyidagi shaharlar va ularning atrofidagi yaylovlar berildi: 67 Efrayim qirlaridagi panoh shahar Shakam, Gezer, 68 Yoxmayom, Bayt–Xoʻron, 69 Oyjavlon va Gat–Rimmon. 70 Qohot urugʻining qolgan xonadonlariga esa Iordanning gʻarb tomonidagi Manashe qabilasining yarmiga qarashli ikki shahar berildi: Onar va Bilom. Bu shaharlarning atrofidagi yaylovlar ham ularga berildi.
71 Gershon urugʻiga quyidagi shaharlar va ularning atrofidagi yaylovlar berildi:
Iordanning sharq tomonidagi Manashe qabilasining hududidan — Ashtaroʻt va Bashandagi Goʻlon,
72 Issaxor qabilasining hududidan — Kedesh, Dovarat, 73 Ramoʻt va Onem,
74 Osher qabilasining hududidan — Moshol, Abdoʻn, 75 Huqqoq va Rexob,
76 Naftali qabilasi hududidan — Xammon, Xiratayim va Jaliladagi Kedesh.
77 Marori urugʻining qolgan xonadonlariga quyidagi shaharlar va ularning atrofidagi yaylovlar berildi:
Zabulun qabilasining hududidan — Yoxnayom, Kartax , Rimmono va Tovur,
78-79 Yerixo roʻparasidagi Iordan daryosining sharq tomonida joylashgan Ruben qabilasining hududidan — Yaxaz , Kadamoʻt, Mifat va choʻldagi Bazer,
80 Gad qabilasining hududidan — Giladdagi Ramoʻt, Moxanayim, 81 Xashbon va Yazir.
6–БОБ
Олий руҳонийлар хонадонининг шажараси
1 Левининг ўғиллари Гершон, Қоҳот ва Марори эди.
2 Қоҳотнинг ўғиллари Имром, Изхор, Хеврон ва Узиёл эди.
3 Имромнинг Ҳорун ва Мусо исмли икки ўғли ва Марям исмли бир қизи бор эди.
Ҳоруннинг ўғиллари Надов, Абиҳу, Элазар ва Итамар эди.
4 Элазардан Финхаз туғилди, Финхаздан Абушува туғилди, 5 Абушувадан Букки туғилди, Буккидан Уззи туғилди, 6 Уззидан Зарахиё туғилди, Зарахиёдан Маройўт туғилди, 7 Маройўтдан Эмориё туғилди, Эмориёдан Охитоб туғилди, 8 Охитобдан Зодўх туғилди, Зодўхдан Охимас туғилди, 9 Охимасдан Озариё туғилди, Озариёдан Йўханон туғилди, 10 Йўханондан Озариё туғилди. Шоҳ Сулаймон Қуддусда қурган Маъбадда Озариё руҳоний бўлиб хизмат қилган эди. 11 Озариёдан Эмориё туғилди, Эмориёдан Охитоб туғилди, 12 Охитобдан Зодўх туғилди, Зодўхдан Шаллум туғилди, 13 Шаллумдан Хилқиё туғилди, Хилқиёдан Озариё туғилди, 14 Озариёдан Сараё туғилди, Сараёдан Ёҳузадах туғилди.
15 Эгамиз шоҳ Навухадназар орқали Яҳудо ва Қуддус халқини сургун қилганда , Ёҳузадах ҳам бадарға бўлган эди.
Левининг бошқа насли
16 Левининг ўғиллари Гершон, Қоҳот ва Марори эди.
17 Гершоннинг ўғиллари исми Лубнах ва Шимах эди.
18 Қоҳотнинг ўғиллари Имром, Изхор, Хеврон ва Узиёл эди.
19 Марорининг ўғиллари Махли ва Муши эди.
Ота хонадонига кўра, рўйхатга олинган Леви уруғлари қуйидагилардан иборат эди:
20 Гершон насли қуйидагилар эди: Гершондан Лубнах туғилди, Лубнахдан Яхат туғилди, Яхатдан Зиммо туғилди, 21 Зиммодан Йўх туғилди, Йўхдан Йиддо туғилди, Йиддодан Зерах туғилди, Зерахдан Ётарай туғилди.
22 Қоҳотнинг насли қуйидагилар эди: Қоҳотдан Оминадав туғилди, Оминадавдан Кўрах туғилди, Кўрахдан Асир туғилди, 23 Асирдан Элқана туғилди, Элқанадан Абуасаф туғилди, Абуасафдан Асир туғилди, 24 Асирдан Тахат туғилди, Тахатдан Уриёл туғилди, Уриёлдан Уззиё туғилди, Уззиёдан Шовул туғилди.
25 Элқананинг Эмосай ва Охимўт деган икки ўғли бор эди. 26 Охимўтдан Элқана туғилди, Элқанадан Зўфай туғилди, Зўфайдан Нахат туғилди, 27 Нахатдан Элиёб туғилди, Элиёбдан Ерохам туғилди, Ерохамдан Элқана туғилди, Элқанадан Шомуил туғилди .
28 Шомуилнинг икки ўғли бор эди, тўнғичининг исми Йўэл, кенжасининг исми Абиё эди.
29 Марорининг насли қуйидагилар эди: Мароридан Махли туғилди, Махлидан Лубнах туғилди, Лубнахдан Шимах туғилди, Шимахдан Уззох туғилди, 30 Уззохдан Шимо туғилди, Шимодан Хаггиё туғилди, Хаггиёдан Осоёҳ туғилди.
Маъбад созандалари
31 Аҳд сандиғи Эгамизнинг уйига келгандан кейин, Довуд у ердаги хизматга созандалар тайинлаганди. 32 Сулаймон Қуддусда Эгамизнинг уйини қургунга қадар, улар Муқаддас чодирнинг олдида қўшиқ айтиб хизмат қилишарди. Ўз хизматларини берилган кўрсатмалар асосида адо этишарди. 33 У ерда хизмат қилган одамлар қуйидаги уруғлардан эди:
Қўшиқчи Хаман Қоҳот уруғидан бўлиб, унинг насабномаси қуйидагича эди: Хаман — Йўэлнинг ўғли, Йўэл — Шомуилнинг ўғли, 34 Шомуил — Элқананинг ўғли, Элқана — Ерохамнинг ўғли, Ерохам — Элиёлнинг ўғли, Элиёл — Тўвахнинг ўғли, 35 Тўвах — Зуфнинг ўғли, Зуф — Элқананинг ўғли, Элқана — Махатнинг ўғли, Махат — Эмосайнинг ўғли, 36 Эмосай — Элқананинг ўғли, Элқана — Йўэлнинг ўғли, Йўэл — Озариёнинг ўғли, Озариё — Зафаниёнинг ўғли, 37 Зафаниё — Тахатнинг ўғли, Тахат — Асирнинг ўғли, Асир — Абуасафнинг ўғли, Абуасаф — Кўрахнинг ўғли, 38 Кўрах — Изхорнинг ўғли, Изхор — Қоҳотнинг ўғли, Қоҳот — Левининг ўғли, Леви — Ёқубнинг ўғли.
39 Хаманнинг ўнг қўл ёрдамчиси Осиф исмли қариндоши эди. Осифнинг насабномаси қуйидагича эди: Осиф — Бархиёнинг ўғли, Бархиё — Шимонинг ўғли, 40 Шимо — Микойилнинг ўғли, Микойил — Босиёнинг ўғли, Босиё — Малкиёнинг ўғли, 41 Малкиё — Итнонинг ўғли, Итно — Зерахнинг ўғли, Зерах — Одаёнинг ўғли, 42 Одаё — Этханнинг ўғли, Этхан — Зиммонинг ўғли, Зиммо — Шимахнинг ўғли, 43 Шимах — Яхатнинг ўғли, Яхат — Гершоннинг ўғли, Гершон — Левининг ўғли.
44 Хаманнинг чап қўл ёрдамчиси Этхан исмли қариндоши эди. У Марори уруғидан эди. Этханнинг насабномаси қуйидагича эди: Этхан — Хишининг ўғли, Хиши — Абдининг ўғли, Абди — Маллухнинг ўғли, 45 Маллух — Хашавиёнинг ўғли, Хашавиё — Эмозиёнинг ўғли, Эмозиё — Хилқиёнинг ўғли, 46 Хилқиё — Омзининг ўғли, Омзи — Банихнинг ўғли, Баних — Шамернинг ўғли, 47 Шамер — Махлининг ўғли, Махли — Мушининг ўғли, Муши — Марорининг ўғли, Марори — Левининг ўғли.
48 Худонинг уйидаги бошқа ҳамма хизматга Леви қабиласининг қолган аъзолари тайинланган эдилар.
Ҳоруннинг насли
49 Фақат Ҳорун ва унинг насли қурбонгоҳда қурбонлик куйдириб, тутатқи қурбонгоҳида хушбўй тутатқи тутатишлари мумкин эди. Улар Энг муқаддас хонадаги барча хизматни адо этиб, Худонинг қули Мусо берган ҳамма буйруқларга кўра, Исроил халқини гуноҳдан поклар эдилар.
50 Ҳоруннинг насли қуйидагилар эди: Ҳоруннинг ўғли — Элазар, Элазарнинг ўғли — Финхаз, Финхазнинг ўғли — Абушува, 51 Абушуванинг ўғли — Букки, Буккининг ўғли — Уззи, Уззининг ўғли — Зарахиё, 52 Зарахиёнинг ўғли — Маройўт, Маройўтнинг ўғли — Эмориё, Эмориёнинг ўғли — Охитоб, 53 Охитобнинг ўғли — Зодўх, Зодўхнинг ўғли — Охимас.
Левилар яшаган шаҳарлар
54 Левиларга ажратилган шаҳарлардан Қоҳот уруғининг Ҳорун насли биринчи бўлиб улуш олган эди. Уларга қуръа бўйича берилган ҳудудга 55 Яҳудо юртидаги Хеврон шаҳри ва унинг атрофидаги яйловлар кирган эди. 56 Аммо ўша шаҳарнинг атрофидаги далалару қишлоқлар Яфунах ўғли Холибга берилди. 57 Ҳорун наслига қуйидаги шаҳарлар ва уларнинг атрофидаги яйловлар берилди: паноҳ шаҳар Хеврон, бундан ташқари, Либна, Ятир, Эштамўва, 58 Хўлун , Давир, 59 Ойин , Ютто ва Байт–Шамаш. 60 Бенямин қабиласининг ҳудудидан қуйидаги шаҳарлар ва уларнинг атрофидаги яйловлар ҳам берилди: Гивон , Гебо, Элимат ва Онотўт. Қоҳот уруғининг Ҳорун наслига ҳаммаси бўлиб ўн учта шаҳар берилди. 61 Қоҳот наслининг қолганларига эса Иорданнинг ғарб томонидаги Манаше қабиласига қарашли ҳудуддан ўнта шаҳар қуръа бўйича тақсимлаб берилди.
62 Гершон уруғига, хонадонларига кўра, Иссахор, Ошер, Нафтали ва Башандаги Манаше қабилаларининг ҳудудларидан ўн учта шаҳар қуръа бўйича берилди.
63 Марори уруғига, хонадонларига кўра, Рубен, Гад ва Забулун қабилаларининг ҳудудларидан ўн иккита шаҳар қуръа бўйича берилди.
64 Шундай қилиб, Исроил халқи левиларга яшаш учун шаҳарларни ва ўша шаҳарлар атрофидаги яйловларни ажратиб берди. 65 Юқорида номлари айтиб ўтилган Яҳудо, Шимўн ва Бенямин қабилалари ҳудудларидан ажратилган шаҳарлар ҳам қуръа бўйича тақсимланган эди.
66 Қоҳот уруғининг баъзи хонадонларига Эфрайим қабиласининг ҳудудидан қуйидаги шаҳарлар ва уларнинг атрофидаги яйловлар берилди: 67 Эфрайим қирларидаги паноҳ шаҳар Шакам, Гезер, 68 Ёхмаём, Байт–Хўрон, 69 Ойжавлон ва Гат–Риммон. 70 Қоҳот уруғининг қолган хонадонларига эса Иорданнинг ғарб томонидаги Манаше қабиласининг ярмига қарашли икки шаҳар берилди: Онар ва Билом. Бу шаҳарларнинг атрофидаги яйловлар ҳам уларга берилди.
71 Гершон уруғига қуйидаги шаҳарлар ва уларнинг атрофидаги яйловлар берилди:
Иорданнинг шарқ томонидаги Манаше қабиласининг ҳудудидан — Аштарўт ва Башандаги Гўлон,
72 Иссахор қабиласининг ҳудудидан — Кедеш, Доварат, 73 Рамўт ва Онем,
74 Ошер қабиласининг ҳудудидан — Мошол, Абдўн, 75 Ҳуққоқ ва Рехоб,
76 Нафтали қабиласи ҳудудидан — Хаммон, Хиратайим ва Жалиладаги Кедеш.
77 Марори уруғининг қолган хонадонларига қуйидаги шаҳарлар ва уларнинг атрофидаги яйловлар берилди:
Забулун қабиласининг ҳудудидан — Ёхнаём, Картах , Риммоно ва Товур,
78-79 Ерихо рўпарасидаги Иордан дарёсининг шарқ томонида жойлашган Рубен қабиласининг ҳудудидан — Яхаз , Кадамўт, Мифат ва чўлдаги Базер,
80 Гад қабиласининг ҳудудидан — Гиладдаги Рамўт, Моханайим, 81 Хашбон ва Язир.
