27–BOB
Isroildagi harbiy tuzum
1 Quyida Isroil xalqining urugʻboshilari, mingboshilari va yuzboshilarining, shuningdek, ularning sardorlari roʻyxati berilgan. Bu sardorlar shohning xizmatida boʻlib, har yili bir oy davomida vazifasini oʻtayotgan harbiy qismlar uchun masʼul edilar. Har bir qism 24.000 odamdan tashkil topgan edi.
2 Birinchi oyda xizmat qiladigan qismning sardori Zabdiyol oʻgʻli Yoshuvam edi. 3 Yoshuvam Paraz naslidan edi.
4 Ikkinchi oyda xizmat qiladigan qismning sardori Oxoʻva urugʻidan boʻlgan Doʻdoʻ edi. Doʻdoʻning oʻng qoʻl yordamchisi Mixloʻt edi.
5 Uchinchi oyda xizmat qiladigan qismning sardori Binayo edi. U ruhoniy Yohayidoning oʻgʻli boʻlib, 6 “Oʻttiz qahramon” orasidagi bahodir jangchilardan biri edi. “Oʻttiz qahramon”ning sardori ham ana shu Binayo edi. Binayoning oʻgʻli Omizabod qismning bosh qoʻmondoni edi.
7 Toʻrtinchi oyda xizmat qiladigan qismning sardori Yoʻabning ukasi Osoyil edi. Osoyildan keyin oʻgʻli Zabadiyo otasining oʻrnini egalladi.
8 Beshinchi oyda xizmat qiladigan qismning sardori Shamhut edi. U Yizro urugʻidan edi.
9 Oltinchi oyda xizmat qiladigan qismning sardori Taxuvalik Ixesh oʻgʻli Ero edi.
10 Yettinchi oyda xizmat qiladigan qismning sardori Palonlik Xalez edi. U Efrayim qabilasidan edi.
11 Sakkizinchi oyda xizmat qiladigan qismning sardori Xushalik Sibaxay edi. Sibaxay Zerax urugʻidan edi.
12 Toʻqqizinchi oyda xizmat qiladigan qismning sardori Onotoʻtlik Abuazar edi. Abuazar Benyamin qabilasidan edi.
13 Oʻninchi oyda xizmat qiladigan qismning sardori Natufolik Maxray edi. Maxray Zerax urugʻidan edi.
14 Oʻn birinchi oyda xizmat qiladigan qismning sardori Piratonlik Binayo edi. Binayo Efrayim qabilasidan edi.
15 Oʻn ikkinchi oyda xizmat qiladigan qismning sardori Natufolik Xaled edi. Xaled Oʻtniyol urugʻidan edi.
Isroil qabilalarining yoʻlboshchilari
16 Isroil qabilalarining yoʻlboshchilari quyidagilar edi:
Ruben qabilasining yoʻlboshchisi — Zixri oʻgʻli Eliazar,
Shimoʻn qabilasining yoʻlboshchisi — Maxo oʻgʻli Shafatiyo,
17 Levi qabilasining yoʻlboshchisi — Kamuvol oʻgʻli Xashaviyo,
Horun naslining yoʻlboshchisi — Zodoʻx,
18 Yahudo qabilasining yoʻlboshchisi — Dovudning akasi Elixu,
Issaxor qabilasining yoʻlboshchisi — Mikoyil oʻgʻli Omri,
19 Zabulun qabilasining yoʻlboshchisi — Obodiyo oʻgʻli Yishmayo,
Naftali qabilasining yoʻlboshchisi — Ozriyol oʻgʻli Yarimoʻt,
20 Efrayim qabilasining yoʻlboshchisi — Ozaziyo oʻgʻli Xoʻsheya,
Gʻarbdagi Manashe qabilasining yarmiga yoʻlboshchi — Podiyo oʻgʻli Yoʻel,
21 Giladdagi Manashe qabilasining yarmiga yoʻlboshchi — Zakariyo oʻgʻli Eddo,
Benyamin qabilasining yoʻlboshchisi — Abnur oʻgʻli Yasiyol,
22 Dan qabilasining yoʻlboshchisi — Yeroxam oʻgʻli Ozariyol.
Isroil qabilalarining yoʻlboshchilari ana shulardan iborat edi.
23 Dovud Isroil xalqini sanab chiqqanda, yigirma yoshdan pastini roʻyxatga kiritmagan edi, chunki Egamiz: “Isroil xalqini osmondagi yulduzlar kabi koʻpaytiraman”, deb vaʼda bergan edi. 24 Zeruya oʻgʻli Yoʻab xalqni sanashni boshlagandi–yu, lekin oxiriga yetkazmagandi . Xalq sanalgani uchun Egamiz Isroilga gʻazabini sochgandi . Shu sababdan bu sanoqning natijasi shoh Dovudning yilnomasiga kiritilmadi.
Shoh mulkini boshqaruvchilar
25 Odil oʻgʻli Ozmobit saroy xazinaboni edi.
Uzziyo oʻgʻli Yoʻnatan esa qolgan hamma yerdagi — shaharlardagi, qishloqlardagi va qalʼalardagi xazinalar uchun masʼul edi.
26 Xalub oʻgʻli Ezri yerga ishlov beradigan dehqonlar uchun masʼul edi.
27 Ramalik Shimax uzumzorlar uchun masʼul edi.
Shafomlik Zabdi sharob omborlari uchun masʼul edi.
28 Gederlik Baalxanon Yahudo qir etaklaridagi zaytunzorlar va shikamora–anjirzorlar uchun masʼul edi.
Yoʻsh zaytun moyi omborlari uchun masʼul edi.
29 Sharonlik Shitray Sharon tekisligida boqiladigan podalar uchun masʼul edi.
Adlay oʻgʻli Shofot vodiylarda boqiladigan podalar uchun masʼul edi.
30 Ismoil urugʻidan Obil tuya podalari uchun masʼul edi.
Mironoʻtlik Yoxidayo eshak podalari uchun masʼul edi.
31 Hojar urugʻidan Yoziz qoʻy suruvlari uchun masʼul edi.
Ana shularning hammasi shoh Dovud mulkini nazorat qilar edilar.
Dovudning shaxsiy maslahatchilari
32 Dovudning amakisi Yoʻnatan donishmand odam boʻlib, maslahatchi va tafsirchi edi. Xaxmoʻn oʻgʻli Yoxiyol shoh oʻgʻillarining murabbiysi edi. 33 Oxitofel shohning maslahatchisi edi. Orux urugʻidan Xushay shohning doʻsti edi. 34 Oxitofeldan keyin uning oʻrniga Binayo oʻgʻli Yohayido va Abuatar maslahatchi boʻldi. Yoʻab shoh qoʻshinining lashkarboshisi edi.
27–БОБ
Исроилдаги ҳарбий тузум
1 Қуйида Исроил халқининг уруғбошилари, мингбошилари ва юзбошиларининг, шунингдек, уларнинг сардорлари рўйхати берилган. Бу сардорлар шоҳнинг хизматида бўлиб, ҳар йили бир ой давомида вазифасини ўтаётган ҳарбий қисмлар учун масъул эдилар. Ҳар бир қисм 24.000 одамдан ташкил топган эди.
2 Биринчи ойда хизмат қиладиган қисмнинг сардори Забдиёл ўғли Ёшувам эди. 3 Ёшувам Параз наслидан эди.
4 Иккинчи ойда хизмат қиладиган қисмнинг сардори Охўва уруғидан бўлган Дўдў эди. Дўдўнинг ўнг қўл ёрдамчиси Михлўт эди.
5 Учинчи ойда хизмат қиладиган қисмнинг сардори Бинаё эди. У руҳоний Ёҳайидонинг ўғли бўлиб, 6 “Ўттиз қаҳрамон” орасидаги баҳодир жангчилардан бири эди. “Ўттиз қаҳрамон”нинг сардори ҳам ана шу Бинаё эди. Бинаёнинг ўғли Омизабод қисмнинг бош қўмондони эди.
7 Тўртинчи ойда хизмат қиладиган қисмнинг сардори Йўабнинг укаси Осойил эди. Осойилдан кейин ўғли Забадиё отасининг ўрнини эгаллади.
8 Бешинчи ойда хизмат қиладиган қисмнинг сардори Шамҳут эди. У Йизро уруғидан эди.
9 Олтинчи ойда хизмат қиладиган қисмнинг сардори Тахувалик Ихеш ўғли Эро эди.
10 Еттинчи ойда хизмат қиладиган қисмнинг сардори Палонлик Халез эди. У Эфрайим қабиласидан эди.
11 Саккизинчи ойда хизмат қиладиган қисмнинг сардори Хушалик Сибахай эди. Сибахай Зерах уруғидан эди.
12 Тўққизинчи ойда хизмат қиладиган қисмнинг сардори Онотўтлик Абуазар эди. Абуазар Бенямин қабиласидан эди.
13 Ўнинчи ойда хизмат қиладиган қисмнинг сардори Натуфолик Махрай эди. Махрай Зерах уруғидан эди.
14 Ўн биринчи ойда хизмат қиладиган қисмнинг сардори Пиратонлик Бинаё эди. Бинаё Эфрайим қабиласидан эди.
15 Ўн иккинчи ойда хизмат қиладиган қисмнинг сардори Натуфолик Халед эди. Халед Ўтниёл уруғидан эди.
Исроил қабилаларининг йўлбошчилари
16 Исроил қабилаларининг йўлбошчилари қуйидагилар эди:
Рубен қабиласининг йўлбошчиси — Зихри ўғли Элиазар,
Шимўн қабиласининг йўлбошчиси — Махо ўғли Шафатиё,
17 Леви қабиласининг йўлбошчиси — Камувол ўғли Хашавиё,
Ҳорун наслининг йўлбошчиси — Зодўх,
18 Яҳудо қабиласининг йўлбошчиси — Довуднинг акаси Элиху,
Иссахор қабиласининг йўлбошчиси — Микойил ўғли Омри,
19 Забулун қабиласининг йўлбошчиси — Ободиё ўғли Йишмаё,
Нафтали қабиласининг йўлбошчиси — Озриёл ўғли Яримўт,
20 Эфрайим қабиласининг йўлбошчиси — Озазиё ўғли Хўшея,
Ғарбдаги Манаше қабиласининг ярмига йўлбошчи — Подиё ўғли Йўэл,
21 Гиладдаги Манаше қабиласининг ярмига йўлбошчи — Закариё ўғли Эддо,
Бенямин қабиласининг йўлбошчиси — Абнур ўғли Ясиёл,
22 Дан қабиласининг йўлбошчиси — Ерохам ўғли Озариёл.
Исроил қабилаларининг йўлбошчилари ана шулардан иборат эди.
23 Довуд Исроил халқини санаб чиққанда, йигирма ёшдан пастини рўйхатга киритмаган эди, чунки Эгамиз: “Исроил халқини осмондаги юлдузлар каби кўпайтираман”, деб ваъда берган эди. 24 Зеруя ўғли Йўаб халқни санашни бошлаганди–ю, лекин охирига етказмаганди . Халқ саналгани учун Эгамиз Исроилга ғазабини сочганди . Шу сабабдан бу саноқнинг натижаси шоҳ Довуднинг йилномасига киритилмади.
Шоҳ мулкини бошқарувчилар
25 Одил ўғли Озмобит сарой хазинабони эди.
Уззиё ўғли Йўнатан эса қолган ҳамма ердаги — шаҳарлардаги, қишлоқлардаги ва қалъалардаги хазиналар учун масъул эди.
26 Халуб ўғли Эзри ерга ишлов берадиган деҳқонлар учун масъул эди.
27 Рамалик Шимах узумзорлар учун масъул эди.
Шафомлик Забди шароб омборлари учун масъул эди.
28 Гедерлик Баалханон Яҳудо қир этакларидаги зайтунзорлар ва шикамора–анжирзорлар учун масъул эди.
Йўш зайтун мойи омборлари учун масъул эди.
29 Шаронлик Шитрай Шарон текислигида боқиладиган подалар учун масъул эди.
Адлай ўғли Шофот водийларда боқиладиган подалар учун масъул эди.
30 Исмоил уруғидан Обил туя подалари учун масъул эди.
Миронўтлик Ёхидаё эшак подалари учун масъул эди.
31 Ҳожар уруғидан Ёзиз қўй сурувлари учун масъул эди.
Ана шуларнинг ҳаммаси шоҳ Довуд мулкини назорат қилар эдилар.
Довуднинг шахсий маслаҳатчилари
32 Довуднинг амакиси Йўнатан донишманд одам бўлиб, маслаҳатчи ва тафсирчи эди. Хахмўн ўғли Ёхиёл шоҳ ўғилларининг мураббийси эди. 33 Охитофел шоҳнинг маслаҳатчиси эди. Орух уруғидан Хушай шоҳнинг дўсти эди. 34 Охитофелдан кейин унинг ўрнига Бинаё ўғли Ёҳайидо ва Абуатар маслаҳатчи бўлди. Йўаб шоҳ қўшинининг лашкарбошиси эди.
