53–SANO
1-2 Ijrochilar rahbariga. Zifliklar Shoulning oldiga borib: “Dovud xalqimiz orasida yashirinib yuribdi”, deb xabar berganlaridan keyin , Dovudning aytgan qasidasi . Torli asboblar joʻrligida aytiladi.
3 Ey Xudo! Buyuk qudrating ila meni qutqargin!
Kuch–quvvating ila menga adolatli hukm chiqargin!
4 Ey Xudo, eshitgin iltijoimni,
Tinglagin aytganlarimni!
5 Begonalar qarshi qoʻzgʻaldi menga,
Zoʻravonlar qasd qilmoqchi jonimga,
Ular Seni pisand qilmaydilar.
6 Ey Xudo, menga madad berasan,
Ey Rabbiy, mening jonimni asraysan.
7 Dushmanlarimning qabihliklari oʻz boshiga kelsin,
Sen sodiqsan, ularni qirib tashlagin!
8 Shod boʻlib, Senga qurbonlik keltiraman,
Oʻzing yaxshisan, ey Egam, Senga shukur aytaman!
9 Saqlading har qanday kulfatdan meni,
Koʻzlarim koʻrdi dushmanlarim magʻlubiyatini.
53–САНО
1-2 Ижрочилар раҳбарига. Зифликлар Шоулнинг олдига бориб: “Довуд халқимиз орасида яшириниб юрибди”, деб хабар берганларидан кейин , Довуднинг айтган қасидаси . Торли асбоблар жўрлигида айтилади.
3 Эй Худо! Буюк қудратинг ила мени қутқаргин!
Куч–қувватинг ила менга адолатли ҳукм чиқаргин!
4 Эй Худо, эшитгин илтижоимни,
Тинглагин айтганларимни!
5 Бегоналар қарши қўзғалди менга,
Зўравонлар қасд қилмоқчи жонимга,
Улар Сени писанд қилмайдилар.
6 Эй Худо, менга мадад берасан,
Эй Раббий, менинг жонимни асрайсан.
7 Душманларимнинг қабиҳликлари ўз бошига келсин,
Сен содиқсан, уларни қириб ташлагин!
8 Шод бўлиб, Сенга қурбонлик келтираман,
Ўзинг яхшисан, эй Эгам, Сенга шукур айтаман!
9 Сақладинг ҳар қандай кулфатдан мени,
Кўзларим кўрди душманларим мағлубиятини.
