22–SANO
Dovud sanosi.
1 Egam mening choʻponimdir,
Men muhtojlik koʻrmasman aslo.
2 Yam–yashil yaylovlarda U menga orom beradi,
Sokin irmoqlar boʻyida U meni yetaklaydi.
3 U menga qayta kuch baxsh etadi.
Oʻzining nomi haqi–hurmati
Meni toʻgʻri yoʻlga boshlaydi.
4 Ey Egam!
Hatto zulmat vodiysida yursam ham,
Xavf–xatardan qoʻrqmayman,
Axir, Sen men bilan birgasan.
Sening choʻpon tayogʻing ,
Xiviching meni himoya qiladi.
5 Dushmanlarimning koʻz oʻngida
Men uchun dasturxon tuzaysan.
Boshimga moy surtib,
Sen meni hurmat bilan kutib olasan.
Kosamni lazzatli neʼmatlarga lim–lim toʻldirasan.
6 Umrim boʻyi Sening mehr–shafqating izimdan yuradi,
Ey Egam, Sening uying to abad mening maskanim boʻladi.
22–САНО
Довуд саноси.
1 Эгам менинг чўпонимдир,
Мен муҳтожлик кўрмасман асло.
2 Ям–яшил яйловларда У менга ором беради,
Сокин ирмоқлар бўйида У мени етаклайди.
3 У менга қайта куч бахш этади.
Ўзининг номи ҳақи–ҳурмати
Мени тўғри йўлга бошлайди.
4 Эй Эгам!
Ҳатто зулмат водийсида юрсам ҳам,
Хавф–хатардан қўрқмайман,
Ахир, Сен мен билан биргасан.
Сенинг чўпон таёғинг ,
Хивичинг мени ҳимоя қилади.
5 Душманларимнинг кўз ўнгида
Мен учун дастурхон тузайсан.
Бошимга мой суртиб,
Сен мени ҳурмат билан кутиб оласан.
Косамни лаззатли неъматларга лим–лим тўлдирасан.
6 Умрим бўйи Сенинг меҳр–шафқатинг изимдан юради,
Эй Эгам, Сенинг уйинг то абад менинг масканим бўлади.
