149–SANO
1 Egamizga hamdu sanolar boʻlsin!
Egamizga yangi bir qoʻshiq ayting,
Taqvodorlar jamoasiga hamdu sano ayting.
2 Isroil oʻz Yaratuvchisi tufayli quvonsin,
Quddus xalqi oʻz Shohidan shod boʻlsin.
3 Egamizga ular raqs ila hamdu sano aytsin,
Doira, lira Unga atab kuy chalsin.
4 Egamiz Oʻz xalqidan xushnuddir,
Mazlumlarga najotni toj qilib kiydiradi.
5 Erishgan sharafi tufayli taqvodorlar shod boʻlsin,
Toʻshaklarida yotganlarida shodlanib qoʻshiq aytsin.
6 Xudoga hamdu sano tillaridan tushmasin,
Qoʻllarida dudama qilichlar boʻlsin,
7 Toki yot xalqlardan qasos olsin,
Elatlarga jazosini bersin,
8 Ularning shohlarini zanjirband qilsin,
Aslzodalariga temir kishanlar solsin.
9 Ular ustidan Xudoning hukmini ijro etsin,
Taqvodorlari uchun sharaf shudir.
Egamizga hamdu sanolar boʻlsin!
149–САНО
1 Эгамизга ҳамду санолар бўлсин!
Эгамизга янги бир қўшиқ айтинг,
Тақводорлар жамоасига ҳамду сано айтинг.
2 Исроил ўз Яратувчиси туфайли қувонсин,
Қуддус халқи ўз Шоҳидан шод бўлсин.
3 Эгамизга улар рақс ила ҳамду сано айтсин,
Доира, лира Унга атаб куй чалсин.
4 Эгамиз Ўз халқидан хушнуддир,
Мазлумларга нажотни тож қилиб кийдиради.
5 Эришган шарафи туфайли тақводорлар шод бўлсин,
Тўшакларида ётганларида шодланиб қўшиқ айтсин.
6 Худога ҳамду сано тилларидан тушмасин,
Қўлларида дудама қиличлар бўлсин,
7 Токи ёт халқлардан қасос олсин,
Элатларга жазосини берсин,
8 Уларнинг шоҳларини занжирбанд қилсин,
Аслзодаларига темир кишанлар солсин.
9 Улар устидан Худонинг ҳукмини ижро этсин,
Тақводорлари учун шараф шудир.
Эгамизга ҳамду санолар бўлсин!
