145–SANO
1 Egamizga hamdu sanolar boʻlsin!
Egamni madh qil, ey jonim!
2 Tirik ekanman, Egamga hamdu sano aytaman,
Umrim boricha Xudoyimga hamdu sano kuylayman.
3 Umid bogʻlamang shahzodalarga,
Najot berolmaydigan inson zotiga.
4 Ular jon bergach, tuproqqa qaytar,
Oʻsha ondayoq ularning rejasi yoʻqqa chiqar.
5 Yoqubning Xudosini madadkorim, deb aytganlar baxtlidir,
Oʻzlarining Egasi Xudodan umid qilganlar baxtlidir.
6 Ha, Yoqubning Xudosi
Osmonni, yerni hamda dengizni yaratgan.
Dengizu undagi hamma jonzotni U yaratgan,
U to abad sodiq boʻlib qoladi,
7 Mazlumlarga adolat qiladi,
Ochlarga U non beradi.
Asirlarni ozod qiluvchi Egamizdir.
8 Egamiz koʻrning koʻzlarini ochadi,
Ikki bukilganlarning qaddini rostlaydi,
Egamiz solihlarni sevadi.
9 Egamiz musofirlarni asraydi,
Yetim va bevalarni qoʻllaydi,
Fosiqning yoʻllariga xalaqit beradi.
10 Egamiz to abad hukmdordir,
Ey Quddus , sening Xudoying nasllar osha hukmdordir!
Egamizga hamdu sanolar boʻlsin!
145–САНО
1 Эгамизга ҳамду санолар бўлсин!
Эгамни мадҳ қил, эй жоним!
2 Тирик эканман, Эгамга ҳамду сано айтаман,
Умрим борича Худойимга ҳамду сано куйлайман.
3 Умид боғламанг шаҳзодаларга,
Нажот беролмайдиган инсон зотига.
4 Улар жон бергач, тупроққа қайтар,
Ўша ондаёқ уларнинг режаси йўққа чиқар.
5 Ёқубнинг Худосини мададкорим, деб айтганлар бахтлидир,
Ўзларининг Эгаси Худодан умид қилганлар бахтлидир.
6 Ҳа, Ёқубнинг Худоси
Осмонни, ерни ҳамда денгизни яратган.
Денгизу ундаги ҳамма жонзотни У яратган,
У то абад содиқ бўлиб қолади,
7 Мазлумларга адолат қилади,
Очларга У нон беради.
Асирларни озод қилувчи Эгамиздир.
8 Эгамиз кўрнинг кўзларини очади,
Икки букилганларнинг қаддини ростлайди,
Эгамиз солиҳларни севади.
9 Эгамиз мусофирларни асрайди,
Етим ва беваларни қўллайди,
Фосиқнинг йўлларига халақит беради.
10 Эгамиз то абад ҳукмдордир,
Эй Қуддус , сенинг Худойинг насллар оша ҳукмдордир!
Эгамизга ҳамду санолар бўлсин!
