132–SANO
Dovudning ziyorat qoʻshigʻi.
1 Naqadar yaxshidir,
Yoqimlidir birodarlar birga ahil yashasalar.
2 Ahillik Horunning boshiga surtilgan,
Soqoligacha oqib tushgan qimmatbaho moydaydir ,
Kiyimlari yoqasidan oqib tushgan moy kabidir.
3 Sion togʻlariga keladigan baraka
Xermon togʻidagi moʻl shabnamga oʻxshaydi.
Siondan Egamiz Oʻz barakasini va abadiy hayotni beradi.
132–САНО
Довуднинг зиёрат қўшиғи.
1 Нақадар яхшидир,
Ёқимлидир биродарлар бирга аҳил яшасалар.
2 Аҳиллик Ҳоруннинг бошига суртилган,
Соқолигача оқиб тушган қимматбаҳо мойдайдир ,
Кийимлари ёқасидан оқиб тушган мой кабидир.
3 Сион тоғларига келадиган барака
Хермон тоғидаги мўл шабнамга ўхшайди.
Сиондан Эгамиз Ўз баракасини ва абадий ҳаётни беради.
