112–SANO
1 Egamizga hamdu sanolar boʻlsin!
Hamdu sano ayting, ey Egamizning qullari,
Hamdu sanolar boʻlsin Egamizning nomiga!
2 Egamiz nomiga hozir ham,
Abadulabad olqishlar boʻlsin.
3 Sharqdan to gʻarbga qadar
Egamizning nomiga olqishlar boʻlsin!
4 Egamiz barcha xalqlar ustidan yuksalgan,
Uning shuhrati samolardan ham buyukdir.
5 Egamiz Xudoga kim oʻxshaydi?!
U yuksakda taxt qurgan.
6 U samoga, yer yuziga egilib qaraydi.
7 Tuproqqa qorilgan bechorahollarni U koʻtaradi,
Faqirlarni axlat uyumidan olib, yuksaltiradi.
8 Ularga shahzodalar yonidan joy beradi,
Oʻz xalqining shahzodalari bilan birga oʻtqazadi.
9 Befarzand ayolni oʻz uyida U sharaflaydi,
Unga farzand ato etib, baxtiyor qiladi.
Egamizga hamdu sanolar boʻlsin!
112–САНО
1 Эгамизга ҳамду санолар бўлсин!
Ҳамду сано айтинг, эй Эгамизнинг қуллари,
Ҳамду санолар бўлсин Эгамизнинг номига!
2 Эгамиз номига ҳозир ҳам,
Абадулабад олқишлар бўлсин.
3 Шарқдан то ғарбга қадар
Эгамизнинг номига олқишлар бўлсин!
4 Эгамиз барча халқлар устидан юксалган,
Унинг шуҳрати самолардан ҳам буюкдир.
5 Эгамиз Худога ким ўхшайди?!
У юксакда тахт қурган.
6 У самога, ер юзига эгилиб қарайди.
7 Тупроққа қорилган бечораҳолларни У кўтаради,
Фақирларни ахлат уюмидан олиб, юксалтиради.
8 Уларга шаҳзодалар ёнидан жой беради,
Ўз халқининг шаҳзодалари билан бирга ўтқазади.
9 Бефарзанд аёлни ўз уйида У шарафлайди,
Унга фарзанд ато этиб, бахтиёр қилади.
Эгамизга ҳамду санолар бўлсин!
