111–SANO
1 Egamizga hamdu sanolar boʻlsin!
Baxtlidir Egamizdan qoʻrqadigan odam,
Uning amrlarini bajarib zavq oladigan odam!
2 Bunday odamning avlodi yurtda qudratli boʻladi,
Toʻgʻri odamning nasli baraka topadi.
3 Uning uyida moʻlchilik, boylik boʻladi,
Uning solihligi to abad davom etadi.
4 Hatto zulmatda ham toʻgʻri insonga nur yogʻiladi,
Rahmdil, mehribon, solih odamga yogʻdu sochiladi.
5 Yaxshi odam saxiy, qarz beradi,
Adolat bilan ish yuritadi.
6 Solih hech qachon tebranmaydi,
U to abad unutilmaydi.
7 U yomon xabardan qoʻrqmaydi,
Butun yurakdan Egamizga umid bogʻlaydi.
8 Yuragi barqarordir, qoʻrquv nimaligini bilmaydi,
Oxiri dushmanlarining magʻlubiyatini oʻz koʻzi bilan koʻradi.
9 Boyligini muhtojlarga saxiylik ila taqsimlaydi,
Uning solihligi to abad davom etadi.
U qudratli, hurmatli boʻladi.
10 Fosiqlar buni koʻrib, gʻazabga minadi,
Alam qilganidan tishlarini gʻichirlatadi–yu,
Ammo kuchdan qoladi.
Ha, fosiqlarning istagi puchga chiqadi.
111–САНО
1 Эгамизга ҳамду санолар бўлсин!
Бахтлидир Эгамиздан қўрқадиган одам,
Унинг амрларини бажариб завқ оладиган одам!
2 Бундай одамнинг авлоди юртда қудратли бўлади,
Тўғри одамнинг насли барака топади.
3 Унинг уйида мўлчилик, бойлик бўлади,
Унинг солиҳлиги то абад давом этади.
4 Ҳатто зулматда ҳам тўғри инсонга нур ёғилади,
Раҳмдил, меҳрибон, солиҳ одамга ёғду сочилади.
5 Яхши одам сахий, қарз беради,
Адолат билан иш юритади.
6 Солиҳ ҳеч қачон тебранмайди,
У то абад унутилмайди.
7 У ёмон хабардан қўрқмайди,
Бутун юракдан Эгамизга умид боғлайди.
8 Юраги барқарордир, қўрқув нималигини билмайди,
Охири душманларининг мағлубиятини ўз кўзи билан кўради.
9 Бойлигини муҳтожларга сахийлик ила тақсимлайди,
Унинг солиҳлиги то абад давом этади.
У қудратли, ҳурматли бўлади.
10 Фосиқлар буни кўриб, ғазабга минади,
Алам қилганидан тишларини ғичирлатади–ю,
Аммо кучдан қолади.
Ҳа, фосиқларнинг истаги пучга чиқади.
