26–BOB
Isroil xalqi ikkinchi marta roʻyxatga olinadi
1 Oʻlatdan soʻng Egamiz Muso bilan ruhoniy Horun oʻgʻli Elazarga dedi: 2 “Jamiki Isroil xalqining urushga yaroqli boʻlgan yigirma va undan yuqori yoshdagi hamma erkaklarini xonadoni boʻyicha sanab chiqinglar.”
3 Bu paytda Isroil xalqi Moʻab tekisligida, Yerixo shahri roʻparasidagi Iordan daryosi boʻyida qarorgoh qurgan edi. Muso bilan ruhoniy Elazar xalqqa: 4 “Egamiz bizga amr qilganday yigirma yoshdan yuqori boʻlgan erkaklarini sanab chiqinglar”, deb aytishdi. Misr yurtidan chiqqan jamiki Isroil xalqining roʻyxati quyidagicha edi:
5 Ruben Isroilning toʻngʻichidir. Ruben oʻgʻillaridan kelib chiqqan urugʻlar mana shulardir: Xanoʻxdan Xanoʻx urugʻi, Palluvdan Palluv urugʻi, 6 Xazrondan Xazron urugʻi, Karmidan Karmi urugʻi kelib chiqqan. 7 Ruben urugʻlari mana shulardan iboratdir. Ular sanalganda, 43.730 kishi chiqdi.
8 Palluvning Eliyob degan oʻgʻli bor edi, 9 Eliyobning esa Namuvol, Datan va Aburam degan oʻgʻillari bor edi. Datan va Aburam Isroil yoʻlboshchilari edi. Koʻraxning izdoshlari Egamizga qarshi isyon koʻtarishganda , Datan va Aburam ham ularga qoʻshilishib, Muso bilan Horunga qarshi bosh koʻtargan edilar. 10 Yer yorilib, Koʻrax bilan birga ularni ham yutib yuborgandi. Oʻsha kuni alanga Koʻraxning 250 nafar izdoshini kuydirib yoʻq qilgandi. Mana shu voqea xalqqa ogohlantirish edi. 11 Lekin Koʻraxning oʻgʻillari oʻsha kuni omon qoldi.
12 Shimoʻn oʻgʻillaridan kelib chiqqan urugʻlar shulardir: Namuvoldan Namuvol urugʻi, Yomindan Yomin urugʻi, Yoxindan Yoxin urugʻi, 13 Zeraxdan Zerax urugʻi, Shovuldan Shovul urugʻi kelib chiqqan. 14 Shimoʻn urugʻlari mana shulardan iboratdir. Ular sanalganda, 22.200 kishi chiqdi.
15 Gad oʻgʻillaridan kelib chiqqan urugʻlar shulardir: Zafoʻndan Zafoʻn urugʻi, Xagidan Xagi urugʻi, Shunodan Shuno urugʻi, 16 Oznaxdan Oznax urugʻi, Yeridan Yeri urugʻi, 17 Aroʻddan Aroʻd urugʻi, Eralidan Erali urugʻi kelib chiqqan. 18 Gad urugʻlari mana shulardan iboratdir. Ular sanalganda, 40.500 kishi chiqdi.
19-20 Yahudo oʻgʻillaridan kelib chiqqan urugʻlar shulardir: Shelodan Shelo urugʻi, Parazdan Paraz urugʻi, Zeraxdan Zerax urugʻi kelib chiqqan. Yahudoning ikki oʻgʻli Gʻur va Oʻnan Kanʼon yurtida olamdan oʻtgan edilar . 21 Parazdan kelib chiqqan urugʻlar shulardir: Xazrondan Xazron urugʻi, Xomuldan Xomul urugʻi kelib chiqqan. 22 Yahudo urugʻlari mana shulardan iboratdir. Ular sanalganda, 76.500 kishi chiqdi.
23 Issaxor oʻgʻillaridan kelib chiqqan urugʻlar shulardir: Toʻlodan Toʻlo urugʻi, Puvaxdan Puvax urugʻi, 24 Yoshuvdan Yoshuv urugʻi, Shimrondan Shimron urugʻi kelib chiqqan. 25 Issaxor urugʻlari mana shulardan iboratdir. Ular sanalganda, 64.300 kishi chiqdi.
26 Zabulun oʻgʻillaridan kelib chiqqan urugʻlar shulardir: Sareddan Sared urugʻi, Eloʻndan Eloʻn urugʻi, Yaxliyoldan Yaxliyol urugʻi kelib chiqqan. 27 Zabulun urugʻlari mana shulardan iboratdir. Ular sanalganda, 60.500 kishi chiqdi.
28 Yusufning oʻgʻillari Manashe va Efrayimdan kelib chiqqan urugʻlar quyidagilardir:
29 Manashedan kelib chiqqan urugʻlar shulardir: Moxirdan Moxir urugʻi kelib chiqdi. Gilad urugʻi Moxirning oʻgʻli Giladdan kelib chiqqan. 30 Giladdan kelib chiqqan urugʻlar quyidagichadir: Yazardan Yazar urugʻi, Xalekdan Xalek urugʻi, 31 Osriyoldan Osriyol urugʻi, Shakamdan Shakam urugʻi, 32 Shamidodan Shamido urugʻi, Xaferdan Xafer urugʻi kelib chiqqan. 33 Xafer oʻgʻli Zalofxodning oʻgʻli yoʻq, qizlari bor edi, xolos. Zalofxod qizlarining ismlari Maxlo, Nuvah, Xoʻglax, Milxo va Tirza edi. 34 Manashe urugʻlari mana shulardan iboratdir. Ular sanalganda, 52.700 kishi chiqdi.
35 Efrayim oʻgʻillaridan kelib chiqqan urugʻlar shulardir: Shutalaxdan Shutalax urugʻi, Boxirdan Boxir urugʻi, Taxandan Taxan urugʻi kelib chiqqan. 36 Shutalax oʻgʻli Irondan Iron urugʻi kelib chiqqan. 37 Efrayim urugʻlari mana shulardan iboratdir. Ular sanalganda, 32.500 kishi chiqdi.
Yusuf nasli ana shulardan iboratdir.
38 Benyamin oʻgʻillaridan kelib chiqqan urugʻlar shulardir: Belaxdan Belax urugʻi, Oshboldan Oshbol urugʻi, Oxiramdan Oxiram urugʻi, 39 Shafufamdan Shafufam urugʻi, Xufamdan Xufam urugʻi kelib chiqqan. 40 Belaxning oʻgʻillari Ard va Noʻmondan kelib chiqqan urugʻlar shulardir: Arddan Ard urugʻi, Noʻmondan Noʻmon urugʻi kelib chiqqan. 41 Benyamin urugʻlari mana shulardan iboratdir. Ular sanalganda, 45.600 kishi chiqdi.
42 Dan oʻgʻli Xushimdan Xushim urugʻi kelib chiqqan. Dan urugʻlari shulardan iboratdir: 43 butun Dan nasli Shuxom urugʻidan tashkil topgan edi. Ular sanalganda, 64.400 kishi chiqdi.
44 Osher oʻgʻillaridan kelib chiqqan urugʻlar shulardir: Yimnaxdan Yimnax urugʻi, Yishvidan Yishvi urugʻi, Bariyodan Bariyo urugʻi kelib chiqqan. 45 Bariyo oʻgʻillaridan kelib chiqqan urugʻlar shulardir: Xaberdan Xaber urugʻi, Malxiyoldan Malxiyol urugʻi kelib chiqqan. 46 Osherning Serax degan qizi ham bor edi. 47 Osher urugʻlari mana shulardan iboratdir. Ular sanalganda, 53.400 kishi chiqdi.
48 Naftali oʻgʻillaridan kelib chiqqan urugʻlar shulardir: Yaxziyoldan Yaxziyol urugʻi, Goʻnodan Goʻno urugʻi, 49 Izardan Izar urugʻi, Shillemdan Shillem urugʻi kelib chiqqan. 50 Naftali urugʻlari mana shulardan iboratdir. Ular sanalganda, 45.400 kishi chiqdi.
51 Shunday qilib, Isroil xalqining hamma erkaklari sanalganda, 601.730 kishi chiqdi.
52 Egamiz Musoga dedi: 53 “Yerni odamlarning soniga qarab qabilalarga mulk qilib boʻlib ber. 54 Katta qabilaga kattaroq ulush ber, kichik qabilaga kichikroq ulush ber. Har bir qabilaga roʻyxatga olingan odamlarning miqdoriga qarab ulush berilsin. 55 Yerni qabilalarga roʻyxatdagi odamlarning soniga qarab boʻlib berayotganingizda, qurʼa tashlanglar . 56 Har bir qabilaning ulushi qabilaning katta–kichikligiga qarab qurʼa boʻyicha taqsimlansin.”
57 Levi qabilasining roʻyxati esa, urugʻlari boʻyicha, quyidagichadir:
Gershondan Gershon urugʻi, Qohotdan Qohot urugʻi, Maroridan Marori urugʻi kelib chiqqan. 58 Bu urugʻlardan: Lubnax urugʻi, Xevron urugʻi, Maxli urugʻi, Mushi urugʻi, Koʻrax urugʻi kelib chiqqan.
Qohot Imromning otasi edi. 59 Imromning xotini esa Yoʻxavad degan ayol edi. Yoʻxavad Levining qizi boʻlib, u Misrda tugʻilgan edi. Yoʻxavad Imromga ikki oʻgʻil — Horun va Musoni hamda bir qiz — Maryamni tugʻib berdi. 60 Horunning Nadov, Abihu, Elazar, Itamar degan oʻgʻillari bor edi. 61 Nadov va Abihu Egamiz amr etmagan olovni Uning huzuriga olib kelganlari uchun nobud boʻlgan edilar .
62 Shunday qilib, Levi qabilasining bir oylik oʻgʻil bolalaridan tortib, katta yoshdagi erkaklarigacha sanalganda, 23.000 kishi chiqdi. Levilarga Isroil xalqi orasida ulush berilmagani uchun, ular Isroil xalqi qatorida roʻyxatga olinmagan edi.
63 Muso bilan ruhoniy Elazar Moʻab tekisligida, Yerixo shahri roʻparasidagi Iordan daryosi boʻyida roʻyxatga olgan Isroil xalqi ana shulardan iborat edi. 64 Muso bilan ruhoniy Horun Sinay sahrosida roʻyxatga olgan odamlarning birortasi bu roʻyxatga kirmadi, 65 chunki Egamiz Isroil xalqining oʻsha avlodiga: “Sizlar sahroda oʻlib ketasizlar”, deb aytgandi . Ulardan faqat Natan oʻgʻli Xolib va Nun oʻgʻli Yoshua tirik qolgan edi.
26–БОБ
Исроил халқи иккинчи марта рўйхатга олинади
1 Ўлатдан сўнг Эгамиз Мусо билан руҳоний Ҳорун ўғли Элазарга деди: 2 “Жамики Исроил халқининг урушга яроқли бўлган йигирма ва ундан юқори ёшдаги ҳамма эркакларини хонадони бўйича санаб чиқинглар.”
3 Бу пайтда Исроил халқи Мўаб текислигида, Ерихо шаҳри рўпарасидаги Иордан дарёси бўйида қароргоҳ қурган эди. Мусо билан руҳоний Элазар халққа: 4 “Эгамиз бизга амр қилгандай йигирма ёшдан юқори бўлган эркакларини санаб чиқинглар”, деб айтишди. Миср юртидан чиққан жамики Исроил халқининг рўйхати қуйидагича эди:
5 Рубен Исроилнинг тўнғичидир. Рубен ўғилларидан келиб чиққан уруғлар мана шулардир: Ханўхдан Ханўх уруғи, Паллувдан Паллув уруғи, 6 Хазрондан Хазрон уруғи, Кармидан Карми уруғи келиб чиққан. 7 Рубен уруғлари мана шулардан иборатдир. Улар саналганда, 43.730 киши чиқди.
8 Паллувнинг Элиёб деган ўғли бор эди, 9 Элиёбнинг эса Намувол, Датан ва Абурам деган ўғиллари бор эди. Датан ва Абурам Исроил йўлбошчилари эди. Кўрахнинг издошлари Эгамизга қарши исён кўтаришганда , Датан ва Абурам ҳам уларга қўшилишиб, Мусо билан Ҳорунга қарши бош кўтарган эдилар. 10 Ер ёрилиб, Кўрах билан бирга уларни ҳам ютиб юборганди. Ўша куни аланга Кўрахнинг 250 нафар издошини куйдириб йўқ қилганди. Мана шу воқеа халққа огоҳлантириш эди. 11 Лекин Кўрахнинг ўғиллари ўша куни омон қолди.
12 Шимўн ўғилларидан келиб чиққан уруғлар шулардир: Намуволдан Намувол уруғи, Ёминдан Ёмин уруғи, Ёхиндан Ёхин уруғи, 13 Зерахдан Зерах уруғи, Шовулдан Шовул уруғи келиб чиққан. 14 Шимўн уруғлари мана шулардан иборатдир. Улар саналганда, 22.200 киши чиқди.
15 Гад ўғилларидан келиб чиққан уруғлар шулардир: Зафўндан Зафўн уруғи, Хагидан Хаги уруғи, Шунодан Шуно уруғи, 16 Ознахдан Ознах уруғи, Еридан Ери уруғи, 17 Арўддан Арўд уруғи, Эралидан Эрали уруғи келиб чиққан. 18 Гад уруғлари мана шулардан иборатдир. Улар саналганда, 40.500 киши чиқди.
19-20 Яҳудо ўғилларидан келиб чиққан уруғлар шулардир: Шелодан Шело уруғи, Параздан Параз уруғи, Зерахдан Зерах уруғи келиб чиққан. Яҳудонинг икки ўғли Ғур ва Ўнан Канъон юртида оламдан ўтган эдилар . 21 Параздан келиб чиққан уруғлар шулардир: Хазрондан Хазрон уруғи, Хомулдан Хомул уруғи келиб чиққан. 22 Яҳудо уруғлари мана шулардан иборатдир. Улар саналганда, 76.500 киши чиқди.
23 Иссахор ўғилларидан келиб чиққан уруғлар шулардир: Тўлодан Тўло уруғи, Пувахдан Пувах уруғи, 24 Ёшувдан Ёшув уруғи, Шимрондан Шимрон уруғи келиб чиққан. 25 Иссахор уруғлари мана шулардан иборатдир. Улар саналганда, 64.300 киши чиқди.
26 Забулун ўғилларидан келиб чиққан уруғлар шулардир: Сареддан Саред уруғи, Элўндан Элўн уруғи, Яхлиёлдан Яхлиёл уруғи келиб чиққан. 27 Забулун уруғлари мана шулардан иборатдир. Улар саналганда, 60.500 киши чиқди.
28 Юсуфнинг ўғиллари Манаше ва Эфрайимдан келиб чиққан уруғлар қуйидагилардир:
29 Манашедан келиб чиққан уруғлар шулардир: Мохирдан Мохир уруғи келиб чиқди. Гилад уруғи Мохирнинг ўғли Гиладдан келиб чиққан. 30 Гиладдан келиб чиққан уруғлар қуйидагичадир: Язардан Язар уруғи, Халекдан Халек уруғи, 31 Осриёлдан Осриёл уруғи, Шакамдан Шакам уруғи, 32 Шамидодан Шамидо уруғи, Хафердан Хафер уруғи келиб чиққан. 33 Хафер ўғли Залофходнинг ўғли йўқ, қизлари бор эди, холос. Залофход қизларининг исмлари Махло, Нуваҳ, Хўглах, Милхо ва Тирза эди. 34 Манаше уруғлари мана шулардан иборатдир. Улар саналганда, 52.700 киши чиқди.
35 Эфрайим ўғилларидан келиб чиққан уруғлар шулардир: Шуталахдан Шуталах уруғи, Бохирдан Бохир уруғи, Тахандан Тахан уруғи келиб чиққан. 36 Шуталах ўғли Ирондан Ирон уруғи келиб чиққан. 37 Эфрайим уруғлари мана шулардан иборатдир. Улар саналганда, 32.500 киши чиқди.
Юсуф насли ана шулардан иборатдир.
38 Бенямин ўғилларидан келиб чиққан уруғлар шулардир: Белахдан Белах уруғи, Ошболдан Ошбол уруғи, Охирамдан Охирам уруғи, 39 Шафуфамдан Шафуфам уруғи, Хуфамдан Хуфам уруғи келиб чиққан. 40 Белахнинг ўғиллари Ард ва Нўъмондан келиб чиққан уруғлар шулардир: Арддан Ард уруғи, Нўъмондан Нўъмон уруғи келиб чиққан. 41 Бенямин уруғлари мана шулардан иборатдир. Улар саналганда, 45.600 киши чиқди.
42 Дан ўғли Хушимдан Хушим уруғи келиб чиққан. Дан уруғлари шулардан иборатдир: 43 бутун Дан насли Шухом уруғидан ташкил топган эди. Улар саналганда, 64.400 киши чиқди.
44 Ошер ўғилларидан келиб чиққан уруғлар шулардир: Йимнахдан Йимнах уруғи, Йишвидан Йишви уруғи, Бариёдан Бариё уруғи келиб чиққан. 45 Бариё ўғилларидан келиб чиққан уруғлар шулардир: Хабердан Хабер уруғи, Малхиёлдан Малхиёл уруғи келиб чиққан. 46 Ошернинг Серах деган қизи ҳам бор эди. 47 Ошер уруғлари мана шулардан иборатдир. Улар саналганда, 53.400 киши чиқди.
48 Нафтали ўғилларидан келиб чиққан уруғлар шулардир: Яхзиёлдан Яхзиёл уруғи, Гўнодан Гўно уруғи, 49 Изардан Изар уруғи, Шиллемдан Шиллем уруғи келиб чиққан. 50 Нафтали уруғлари мана шулардан иборатдир. Улар саналганда, 45.400 киши чиқди.
51 Шундай қилиб, Исроил халқининг ҳамма эркаклари саналганда, 601.730 киши чиқди.
52 Эгамиз Мусога деди: 53 “Ерни одамларнинг сонига қараб қабилаларга мулк қилиб бўлиб бер. 54 Катта қабилага каттароқ улуш бер, кичик қабилага кичикроқ улуш бер. Ҳар бир қабилага рўйхатга олинган одамларнинг миқдорига қараб улуш берилсин. 55 Ерни қабилаларга рўйхатдаги одамларнинг сонига қараб бўлиб бераётганингизда, қуръа ташланглар . 56 Ҳар бир қабиланинг улуши қабиланинг катта–кичиклигига қараб қуръа бўйича тақсимлансин.”
57 Леви қабиласининг рўйхати эса, уруғлари бўйича, қуйидагичадир:
Гершондан Гершон уруғи, Қоҳотдан Қоҳот уруғи, Мароридан Марори уруғи келиб чиққан. 58 Бу уруғлардан: Лубнах уруғи, Хеврон уруғи, Махли уруғи, Муши уруғи, Кўрах уруғи келиб чиққан.
Қоҳот Имромнинг отаси эди. 59 Имромнинг хотини эса Йўхавад деган аёл эди. Йўхавад Левининг қизи бўлиб, у Мисрда туғилган эди. Йўхавад Имромга икки ўғил — Ҳорун ва Мусони ҳамда бир қиз — Марямни туғиб берди. 60 Ҳоруннинг Надов, Абиҳу, Элазар, Итамар деган ўғиллари бор эди. 61 Надов ва Абиҳу Эгамиз амр этмаган оловни Унинг ҳузурига олиб келганлари учун нобуд бўлган эдилар .
62 Шундай қилиб, Леви қабиласининг бир ойлик ўғил болаларидан тортиб, катта ёшдаги эркакларигача саналганда, 23.000 киши чиқди. Левиларга Исроил халқи орасида улуш берилмагани учун, улар Исроил халқи қаторида рўйхатга олинмаган эди.
63 Мусо билан руҳоний Элазар Мўаб текислигида, Ерихо шаҳри рўпарасидаги Иордан дарёси бўйида рўйхатга олган Исроил халқи ана шулардан иборат эди. 64 Мусо билан руҳоний Ҳорун Синай саҳросида рўйхатга олган одамларнинг бирортаси бу рўйхатга кирмади, 65 чунки Эгамиз Исроил халқининг ўша авлодига: “Сизлар саҳрода ўлиб кетасизлар”, деб айтганди . Улардан фақат Натан ўғли Холиб ва Нун ўғли Ёшуа тирик қолган эди.
