3–BOB
Quddus devori taʼmirlanadi
Qoʻy darvozasi
1 Oliy ruhoniy Eliashab qoʻli ostidagi ruhoniylar bilan ishga kirishib, Qoʻy darvozasini qaytadan qurdilar. Soʻngra darvozani Xudoga bagʻishlab, darvozaning qanotlarini oʻrnatdilar. Miyo minorasidan Xanonil minorasigacha boʻlgan devorni ham Xudoga bagʻishladilar.
2 Yerixo shahridan boʻlgan erkaklar devorning keyingi qismini qurdilar. Ulardan keyingi qismini esa Imri oʻgʻli Zakkur qurdi.
Baliq darvozasi
3 Xassano urugʻi Baliq darvozasini qurdi. Ular darvozaning yondorlarini tiklab, darvoza qanotlarini, zulfinlarini, tambalarini oʻrnatdilar.
4 Devorning undan keyingi qismida Xakkoʻzning nabirasi, Uriyoning oʻgʻli Miromoʻt taʼmirlash ishlarini olib bordi.
Keyingi qismida Mashazavilning nabirasi, Barxiyoning oʻgʻli Mashullom, undan keyingi qismida Bano oʻgʻli Zodoʻx taʼmirlash ishlarini olib bordilar.
5 Keyingi qismida Taxuva shahridan boʻlgan erkaklar taʼmirlash ishlarini olib bordilar. Lekin shahar zodagonlari qurilish nazoratchilari buyurgan ishlardan bosh tortdilar.
Yashono darvozasi
6 Posiyox oʻgʻli Yoʻxadax va Besodayax oʻgʻli Mashullom Yashono darvozasini taʼmirladilar. Ular darvozaning yondorlarini tiklab, darvoza qanotlarini, zulfinlarini, tambalarini oʻrnatdilar.
7 Devorning navbatdagi qismida Givonlik Malatiyo, Mironoʻtlik Yodoʻn, shuningdek, Givon va Mispax aholisining erkaklari taʼmirlash ishlarini olib bordilar. Mispax shahri Furot daryosining gʻarbidagi viloyatning maʼmuriy markazi edi.
8 Devorning keyingi qismida zargarlardan biri Xarhiyo oʻgʻli Uziyol taʼmirlash ishlarini olib bordi. Uning yonida attorlardan biri Xanoniyo taʼmirlash ishlarini olib bordi. Ular Quddus devorining Keng devorgacha boʻlgan qismini taʼmirladilar.
9 Devorning keyingi qismida Xur oʻgʻli Rafiyo taʼmirlash ishlarini olib bordi. Rafiyo Quddus hududining yarmini boshqaruvchi hokim edi.
10 Undan keyin Xarumaf oʻgʻli Yodiyo oʻz uyining roʻparasidagi devorni taʼmirladi.
Devorning keyingi qismida Xashavniyo oʻgʻli Xattush taʼmirlash ishlarini olib bordi.
11 Xarim oʻgʻli Malkiyo va Paxatmoʻab oʻgʻli Xashshub devorning keyingi qismini va Tandir minorasini taʼmirladilar.
12 Devorning keyingi qismida Xalloxesh oʻgʻli Shallum oʻz qizlari bilan taʼmirlash ishlarini olib bordi. Shallum Quddus hududining ikkinchi yarmini boshqaruvchi hokim edi.
Soylik darvozasi
13 Xanun boshchiligida Zonoʻvax aholisi Soylik darvozasini taʼmirladi. Ular darvozani qurib, darvozaning qanotlarini, zulfinlarini, tambalarini oʻrnatishdi, devorning ming tirsak uzunligidagi Goʻng darvozasigacha boʻlgan qismini ham taʼmirlashdi.
Goʻng darvozasi
14 Bayt–Xakerem hududining hokimi Raxav oʻgʻli Malkiyo Goʻng darvozasini taʼmirladi. U darvozani qurib, darvozaning qanotlarini, zulfinlarini, tambalarini oʻrnatdi.
Buloq darvozasi
15 Mispax hududining hokimi Xolxozi oʻgʻli Shallum Buloq darvozasini taʼmirladi. U darvozani qurib, ustini yopdi va darvozaning qanotlarini, zulfinlarini, tambalarini oʻrnatdi. Shuningdek, Siloam hovuzi yonidagi devorni ham qaytadan qurdi. Devorning bu qismi shohning bogʻidan to Dovud qalʼasidan pastga ketgan zinapoyagacha choʻzilgan edi.
16 Undan keyin Ozbuk oʻgʻli Naximiyo taʼmirlash ishlarini olib bordi. Naximiyo Bayt–Zur hududining yarmini boshqaruvchi hokim edi. U devorni Dovud qabristonining roʻparasigacha — sunʼiy hovuz va Jangchilar uyigacha boʻlgan qismini taʼmirladi.
17 Quyidagi levilar devorning keyingi bir necha qismlarini qaytadan qurdilar: Banix oʻgʻli Raxum devorning keyingi qismini qurdi.
Keylax hududining yarmini boshqaruvchi hokim Xashaviyo oʻz hududi nomidan devorning navbatdagi qismini qurdi.
18 Devorning undan keyingi qismini ularning birodarlari Xanadod oʻgʻli Binnuy boshchiligida qurishdi. Binnuy Keylax hududining ikkinchi yarmini boshqaruvchi hokim edi.
19 Keyingi qismida Mispax shahri hokimi Yeshuva oʻgʻli Eyzar taʼmirlash ishlarini olib bordi. U aslahaxonaga chiqadigan yoʻlning roʻparasidagi devorni gʻisht tirgovuchigacha boʻlgan qismini taʼmirladi.
20 Zabbay oʻgʻli Borux devorning keyingi qismini — gʻisht tirgovuchidan oliy ruhoniy Eliashabning uyi eshigigacha boʻlgan qismini taʼmirladi.
21 Xakkoʻzning nabirasi, Uriyo oʻgʻli Miromoʻt devorning keyingi qismini — Eliashab uyining eshigi roʻparasidan to uyning oxirigacha boʻlgan qismini taʼmirladi.
22 Quddus atrofida istiqomat qiladigan ruhoniylar devorning navbatdagi qismini taʼmirladilar.
23 Ulardan keyin Benyamin va Xashshub devorning oʻz uylari roʻparasidagi qismini taʼmir qildilar.
Ulardan keyin Ononiyohning nabirasi, Masiyoning oʻgʻli Ozariyo oʻz uyining roʻparasidagi qismini taʼmirladi.
24 Xanadod oʻgʻli Binnuy devorning keyingi qismini — Ozariyoning uyidan to devorning burchagidagi gʻisht tirgovuchigacha boʻlgan qismini taʼmirladi.
25 Uzay oʻgʻli Polol devorning gʻisht tirgovuchidan boshlangan qismini taʼmirladi. Devorning bu qismi soqchilar hovlisi yonidagi shohning yuqori saroy minorasi roʻparasida joylashgan edi.
Paroʻsh oʻgʻli Podiyo 26 va Ofel tepaligida istiqomat qiluvchi Maʼbad xizmatkorlari devorning keyingi qismini taʼmirladilar. Ular devorning sharq tomonidagi Suv darvozasigacha va baland minoragacha boʻlgan qismini taʼmirladilar.
27 Taxuvalik erkaklar devorning keyingi qismini taʼmirladilar. Ular baland minoraning roʻparasini to Ofel devorigacha taʼmir qildilar.
Ot darvozasi
28 Ruhoniylar guruhi devorning Ot darvozasidan tepalikka tomon ketgan qismini taʼmirladilar. Har biri oʻz uyining roʻparasini taʼmir qildi.
29 Immar oʻgʻli Zodoʻx oʻz uyining roʻparasini taʼmirladi.
Shaxaniyo oʻgʻli Shamayo devorning keyingi qismini taʼmirladi. Shaxaniyo Maʼbadning Sharqiy darvozasi darvozaboni edi.
30 Shalamiyo oʻgʻli Xanoniyo va Zalafning oltinchi oʻgʻli Xanun devorning keyingi qismini taʼmirladi.
Barxiyo oʻgʻli Mashullom oʻzining uyi roʻparasini taʼmirladi.
31 Zargarlardan biri Malkiyo devorning burchagidagi yuqori xonagacha boʻlgan qismini taʼmirladi. Maʼbad xizmatkorlarining va savdogarlarning uyi shu yerda — Nazorat darvozasi yonida joylashgan edi.
32 Devorning burchakdagi yuqori xonadan Qoʻy darvozasigacha boʻlgan qismini zargarlar va savdogarlar taʼmirladilar.
3–БОБ
Қуддус девори таъмирланади
Қўй дарвозаси
1 Олий руҳоний Элиашаб қўли остидаги руҳонийлар билан ишга киришиб, Қўй дарвозасини қайтадан қурдилар. Сўнгра дарвозани Худога бағишлаб, дарвозанинг қанотларини ўрнатдилар. Миё минорасидан Ханонил минорасигача бўлган деворни ҳам Худога бағишладилар.
2 Ерихо шаҳридан бўлган эркаклар деворнинг кейинги қисмини қурдилар. Улардан кейинги қисмини эса Имри ўғли Заккур қурди.
Балиқ дарвозаси
3 Хассано уруғи Балиқ дарвозасини қурди. Улар дарвозанинг ёндорларини тиклаб, дарвоза қанотларини, зулфинларини, тамбаларини ўрнатдилар.
4 Деворнинг ундан кейинги қисмида Хаккўзнинг набираси, Уриёнинг ўғли Миромўт таъмирлаш ишларини олиб борди.
Кейинги қисмида Машазавилнинг набираси, Бархиёнинг ўғли Машуллом, ундан кейинги қисмида Бано ўғли Зодўх таъмирлаш ишларини олиб бордилар.
5 Кейинги қисмида Тахува шаҳридан бўлган эркаклар таъмирлаш ишларини олиб бордилар. Лекин шаҳар зодагонлари қурилиш назоратчилари буюрган ишлардан бош тортдилар.
Яшоно дарвозаси
6 Посиёх ўғли Йўхадах ва Бесодаях ўғли Машуллом Яшоно дарвозасини таъмирладилар. Улар дарвозанинг ёндорларини тиклаб, дарвоза қанотларини, зулфинларини, тамбаларини ўрнатдилар.
7 Деворнинг навбатдаги қисмида Гивонлик Малатиё, Миронўтлик Ёдўн, шунингдек, Гивон ва Миспах аҳолисининг эркаклари таъмирлаш ишларини олиб бордилар. Миспах шаҳри Фурот дарёсининг ғарбидаги вилоятнинг маъмурий маркази эди.
8 Деворнинг кейинги қисмида заргарлардан бири Харҳиё ўғли Узиёл таъмирлаш ишларини олиб борди. Унинг ёнида атторлардан бири Ханониё таъмирлаш ишларини олиб борди. Улар Қуддус деворининг Кенг деворгача бўлган қисмини таъмирладилар.
9 Деворнинг кейинги қисмида Хур ўғли Рафиё таъмирлаш ишларини олиб борди. Рафиё Қуддус ҳудудининг ярмини бошқарувчи ҳоким эди.
10 Ундан кейин Харумаф ўғли Ёдиё ўз уйининг рўпарасидаги деворни таъмирлади.
Деворнинг кейинги қисмида Хашавниё ўғли Хаттуш таъмирлаш ишларини олиб борди.
11 Харим ўғли Малкиё ва Пахатмўаб ўғли Хашшуб деворнинг кейинги қисмини ва Тандир минорасини таъмирладилар.
12 Деворнинг кейинги қисмида Халлохеш ўғли Шаллум ўз қизлари билан таъмирлаш ишларини олиб борди. Шаллум Қуддус ҳудудининг иккинчи ярмини бошқарувчи ҳоким эди.
Сойлик дарвозаси
13 Ханун бошчилигида Зонўвах аҳолиси Сойлик дарвозасини таъмирлади. Улар дарвозани қуриб, дарвозанинг қанотларини, зулфинларини, тамбаларини ўрнатишди, деворнинг минг тирсак узунлигидаги Гўнг дарвозасигача бўлган қисмини ҳам таъмирлашди.
Гўнг дарвозаси
14 Байт–Хакерем ҳудудининг ҳокими Рахав ўғли Малкиё Гўнг дарвозасини таъмирлади. У дарвозани қуриб, дарвозанинг қанотларини, зулфинларини, тамбаларини ўрнатди.
Булоқ дарвозаси
15 Миспах ҳудудининг ҳокими Холхози ўғли Шаллум Булоқ дарвозасини таъмирлади. У дарвозани қуриб, устини ёпди ва дарвозанинг қанотларини, зулфинларини, тамбаларини ўрнатди. Шунингдек, Силоам ҳовузи ёнидаги деворни ҳам қайтадан қурди. Деворнинг бу қисми шоҳнинг боғидан то Довуд қалъасидан пастга кетган зинапоягача чўзилган эди.
16 Ундан кейин Озбук ўғли Нахимиё таъмирлаш ишларини олиб борди. Нахимиё Байт–Зур ҳудудининг ярмини бошқарувчи ҳоким эди. У деворни Довуд қабристонининг рўпарасигача — сунъий ҳовуз ва Жангчилар уйигача бўлган қисмини таъмирлади.
17 Қуйидаги левилар деворнинг кейинги бир неча қисмларини қайтадан қурдилар: Баних ўғли Рахум деворнинг кейинги қисмини қурди.
Кейлах ҳудудининг ярмини бошқарувчи ҳоким Хашавиё ўз ҳудуди номидан деворнинг навбатдаги қисмини қурди.
18 Деворнинг ундан кейинги қисмини уларнинг биродарлари Ханадод ўғли Биннуй бошчилигида қуришди. Биннуй Кейлах ҳудудининг иккинчи ярмини бошқарувчи ҳоким эди.
19 Кейинги қисмида Миспах шаҳри ҳокими Ешува ўғли Эйзар таъмирлаш ишларини олиб борди. У аслаҳахонага чиқадиган йўлнинг рўпарасидаги деворни ғишт тирговучигача бўлган қисмини таъмирлади.
20 Заббай ўғли Борух деворнинг кейинги қисмини — ғишт тирговучидан олий руҳоний Элиашабнинг уйи эшигигача бўлган қисмини таъмирлади.
21 Хаккўзнинг набираси, Уриё ўғли Миромўт деворнинг кейинги қисмини — Элиашаб уйининг эшиги рўпарасидан то уйнинг охиригача бўлган қисмини таъмирлади.
22 Қуддус атрофида истиқомат қиладиган руҳонийлар деворнинг навбатдаги қисмини таъмирладилар.
23 Улардан кейин Бенямин ва Хашшуб деворнинг ўз уйлари рўпарасидаги қисмини таъмир қилдилар.
Улардан кейин Онониёҳнинг набираси, Масиёнинг ўғли Озариё ўз уйининг рўпарасидаги қисмини таъмирлади.
24 Ханадод ўғли Биннуй деворнинг кейинги қисмини — Озариёнинг уйидан то деворнинг бурчагидаги ғишт тирговучигача бўлган қисмини таъмирлади.
25 Узай ўғли Полол деворнинг ғишт тирговучидан бошланган қисмини таъмирлади. Деворнинг бу қисми соқчилар ҳовлиси ёнидаги шоҳнинг юқори сарой минораси рўпарасида жойлашган эди.
Парўш ўғли Подиё 26 ва Офел тепалигида истиқомат қилувчи Маъбад хизматкорлари деворнинг кейинги қисмини таъмирладилар. Улар деворнинг шарқ томонидаги Сув дарвозасигача ва баланд минорагача бўлган қисмини таъмирладилар.
27 Тахувалик эркаклар деворнинг кейинги қисмини таъмирладилар. Улар баланд миноранинг рўпарасини то Офел деворигача таъмир қилдилар.
От дарвозаси
28 Руҳонийлар гуруҳи деворнинг От дарвозасидан тепаликка томон кетган қисмини таъмирладилар. Ҳар бири ўз уйининг рўпарасини таъмир қилди.
29 Иммар ўғли Зодўх ўз уйининг рўпарасини таъмирлади.
Шаханиё ўғли Шамаё деворнинг кейинги қисмини таъмирлади. Шаханиё Маъбаднинг Шарқий дарвозаси дарвозабони эди.
30 Шаламиё ўғли Ханониё ва Залафнинг олтинчи ўғли Ханун деворнинг кейинги қисмини таъмирлади.
Бархиё ўғли Машуллом ўзининг уйи рўпарасини таъмирлади.
31 Заргарлардан бири Малкиё деворнинг бурчагидаги юқори хонагача бўлган қисмини таъмирлади. Маъбад хизматкорларининг ва савдогарларнинг уйи шу ерда — Назорат дарвозаси ёнида жойлашган эди.
32 Деворнинг бурчакдаги юқори хонадан Қўй дарвозасигача бўлган қисмини заргарлар ва савдогарлар таъмирладилар.
