4–BOB
Donolikdan keladigan foydalar
1 Oʻgʻillarim, otangizning pand–nasihatlariga quloq solinglar,
eʼtibor berib farosatli boʻlinglar.
2 Sizlarga yaxshi saboq beraman,
soʻzlarimdan yuz oʻgirmanglar.
3 Men ota–onamning yolgʻiz, yosh oʻgʻli edim.
4 Bolaligimda otam menga shunday derdi:
“Soʻzlarimni yuragingga jo qilib,
amrlarimni bajargin, shunda yashaysan.
5 Dono boʻl, idrokli boʻl,
ularni unutma, soʻzlarimdan chiqma.
6 Donolikdan yuz oʻgirma, seni himoya qiladi,
uni sevgin, seni asraydi.
7 Donolikning boshi shudir, dono boʻl,
bor–yoʻgʻingni berib boʻlsa ham, idrok ol .
8 Uni hurmat qil, seni koʻkka koʻtaradi.
Uni quchgin, seni shon–shuhratga erishtiradi.
9 Boshingga iltifot gulchambari,
shuhrat tojini kiydiradi.”
10 Oʻgʻlim , aytganlarimga quloq solib qabul qil,
shunda umring uzoq boʻladi.
11 Senga donolik yoʻllarini oʻrgatdim,
toʻgʻri yoʻldan olib yurdim.
12 Yurganingda toʻsiqqa uchramaysan,
yugurganingda qoqilmaysan.
13 Yoʻl–yoʻriqlarimni qattiq ushla, qoʻyib yuborma,
ularni qoʻriqla, chunki ular hayotingdir.
14 Fosiqning soʻqmoqlariga oyoq bosma,
yovuzlar yoʻlidan yurma.
15 Hatto nazar solma,
yonidan ham oʻtma,
qayrilib uzoqdan yurgin.
16 Chunki ular yomonlik qilmasdan uxlay olmaydi,
birortasiga zarar keltirmaguncha uyqulari kelmaydi.
17 Ular fosiqlik nonini yeydi,
zoʻravonlik sharobini ichadi.
18 Solihning yoʻli tongga oʻxshaydi,
kun chiqquncha tong yorishaveradi.
19 Fosiqning yoʻli esa zulmat kabidir,
nimaga qoqilib ketishini bilmaydi.
20 Oʻgʻlim, soʻzlarimni eshit,
aytganlarimga quloq sol.
21 Ularni koʻz oldingdan qochirma,
yuragingning qaʼrida saqlagin.
22 Chunki ularni topganlarga hayot,
butun tan–joniga malham boʻladi.
23 Bor kuching bilan qalbingni asra,
chunki u hayot bulogʻidir.
24 Ogʻzingdan egrilikni,
tilingdan ayyorlikni olib tashla.
25 Koʻzlaring toʻgʻriga qarasin,
nigohing oldingga qaratilgan boʻlsin.
26 Toʻgʻri yoʻlni tanlab yur ,
qadamingni oʻylab bos.
27 Oʻngga ham, chapga ham ogʻma,
yovuzlikdan uzoqlash.
1 Hear, ye children, the instruction of a father, and attend to know understanding. 2 For I give you good doctrine, forsake ye not my law. 3 For I was my father’s son, tender and only beloved in the sight of my mother. 4 He taught me also, and said unto me, Let thine heart retain my words: keep my commandments, and live. 5 Get wisdom, get understanding: forget it not; neither decline from the words of my mouth. 6 Forsake her not, and she shall preserve thee: love her, and she shall keep thee. 7 Wisdom is the principal thing; therefore get wisdom: and with all thy getting get understanding. 8 Exalt her, and she shall promote thee: she shall bring thee to honour, when thou dost embrace her. 9 She shall give to thine head an ornament of grace: a crown of glory shall she deliver to thee. 10 Hear, O my son, and receive my sayings; and the years of thy life shall be many. 11 I have taught thee in the way of wisdom; I have led thee in right paths. 12 When thou goest, thy steps shall not be straitened; and when thou runnest, thou shalt not stumble. 13 Take fast hold of instruction; let her not go: keep her; for she is thy life.
14 ¶ Enter not into the path of the wicked, and go not in the way of evil men . 15 Avoid it, pass not by it, turn from it, and pass away. 16 For they sleep not, except they have done mischief; and their sleep is taken away, unless they cause some to fall. 17 For they eat the bread of wickedness, and drink the wine of violence. 18 But the path of the just is as the shining light, that shineth more and more unto the perfect day. 19 The way of the wicked is as darkness: they know not at what they stumble.
20 ¶ My son, attend to my words; incline thine ear unto my sayings. 21 Let them not depart from thine eyes; keep them in the midst of thine heart. 22 For they are life unto those that find them, and health to all their flesh.
23 ¶ Keep thy heart with all diligence; for out of it are the issues of life. 24 Put away from thee a froward mouth, and perverse lips put far from thee. 25 Let thine eyes look right on, and let thine eyelids look straight before thee. 26 Ponder the path of thy feet, and let all thy ways be established. 27 Turn not to the right hand nor to the left: remove thy foot from evil.
