6–BOB
Xoʻjayinlar va qullar
1 Qullik boʻyinturugʻi ostida boʻlganlar oʻz xoʻjayinlarini kamoli ehtiromga loyiq hisoblasinlar. Toki, hech kim Xudoning nomini va taʼlimotini haqoratlamasin. 2 Xoʻjayinlari imonli boʻlgan qullar, “bir–birimizga birodarmiz”, deb xoʻjayinlariga hurmatsizlik qilmasinlar. Aksincha, yanada koʻproq tirishib, ularga xizmat etsinlar. Chunki aziz birodarlari boʻlmish xoʻjayinlari oʻz qullarining farovonligini koʻzlab, nonini but qilyaptilar.
Ana shu barcha koʻrsatmalarim haqida taʼlim berib, nasihat qil.
Soxta ustozlarning asl qiyofasi
3 Agar kim begona taʼlimotni yoysa va Rabbimiz Iso Masihning haqiqiy kalomiga qarshi chiqib, xudojoʻylikka chorlovchi taʼlimotimizni rad etsa, 4 u bosar–tusarini bilmay qolgan nodondir. Bunday odam biror masala borasida talashish va ikir–chikir gaplar haqida bahslashish kasaliga yoʻliqqan, uning gʻalamisona gaplari hasad, janjal, tuhmat, tuban gumonlar 5 va toʻpolonlarga sabab boʻladi. Fikri buzuq bunday odamlar haqiqatdan mahrumdirlar. Ular soxta xudojoʻyligini foyda manbai deb biladilar . 6 Toʻgʻri, xudojoʻylikdan foyda katta, qachonki biz bori bilan qanoatlansak. 7 Axir, biz bu dunyoga hech narsa olib kelmadik va undan hech narsa olib keta olmaymiz. 8 Qornimiz toʻq, ustimiz but boʻlsa, shular bilan qanoat qilaylik. 9 Boylikka oʻch boʻlganlar esa vasvasa tuzogʻiga tushadilar, ular koʻp bemaʼni va zararli havaslarga berilib, halokat girdobiga gʻarq boʻladilar. 10 Pulparastlik har qanday yomonlikning negizidir. Mana, baʼzilar boylik ketidan quvib, imondan qaytib ketdilar va oʻzlarini koʻpgina azoblarga duchor qildilar.
Timoʻtiyga soʻnggi buyruqlar
11 Ey Xudoning quli Timoʻtiy, sen esa oʻzingni bu illatlardan olib qoch. Solihlik, xudojoʻylik, imon, sevgi, sabr–toqat va muloyimlikning payida boʻl. 12 Abadiy hayotga erishish maqsadida, imon uchun boʻladigan ulugʻ kurashda jang qil. Axir, Xudo seni abadiy hayotga daʼvat etgan. Sen bu hayotga ega boʻlish uchun koʻp guvohlar oldida Iso Masihga boʻlgan imoningni mardlarcha tan olgansan. 13 Poʻntiy Pilat qoshida haqiqatni mardlarcha tan olgan Iso Masih huzurida va butun borliqqa hayot bagʻishlagan Xudo huzurida senga buyuraman: 14 zimmangdagi xizmatingni halollik bilan bajar. Rabbimiz Iso Masih keladigan kungacha oʻzingni gap tegmaydigan qilib tut. 15 Yagona muborak Hokim boʻlgan Xudo Oʻzi belgilagan paytda Iso Masihni yuboradi. Xudo shohlarning Shohi, hukmdorlarning Hukmdoridir. 16 U yagona mangu Xudodir. U yaqinlashib boʻlmaydigan nurda yashaydi, Uni hech bir inson koʻrmagan hamda koʻrishi mumkin emas. Abadiy saltanat Sohibi boʻlgan Xudoga shon–sharaflar boʻlsin! Omin.
Boy birodarlar uchun nasihatlar
17 Bu dunyoda boylik topgan birodarlarga ayt, magʻrurlanmasinlar, bevafo boylikka umid qilmasinlar. Aksincha, umidini Xudoga bogʻlasinlar. Xudo bizga hamma narsani xursand boʻlishimiz uchun saxovat bilan beradi. 18 Ularga buyur, yaxshilik qilsinlar, xayrli ishlarga boy, saxiy, ochiq qoʻl boʻlsinlar. 19 Shunda ular asl xazina toʻplab, kelgusi dunyo uchun oʻzlariga mustahkam zamin yaratgan boʻladilar, haqiqiy hayotga erishadilar.
Timoʻtiyga soʻnggi pand–nasihatlar
20 Ey Timoʻtiy, senga ishonib topshirilgan Xushxabarni asragin. Xudodan uzoqlashtiradigan quruq gaplaru haqiqatga zid boʻlgan taʼlimotlardan qochgin. Baʼzi odamlar adashib, bularni “bilim” deb ataydilar. 21 Bunday “bilim”ga tayangan baʼzilar haq yoʻldan ozdilar.
Xudoning inoyati sizlarga yor boʻlsin .
1 Let as many servants as are under the yoke count their own masters worthy of all honour, that the name of God and his doctrine be not blasphemed. 2 And they that have believing masters, let them not despise them , because they are brethren; but rather do them service, because they are faithful and beloved, partakers of the benefit. These things teach and exhort.
3 If any man teach otherwise, and consent not to wholesome words, even the words of our Lord Jesus Christ, and to the doctrine which is according to godliness; 4 He is proud, knowing nothing, but doting about questions and strifes of words, whereof cometh envy, strife, railings, evil surmisings, 5 Perverse disputings of men of corrupt minds, and destitute of the truth, supposing that gain is godliness: from such withdraw thyself. 6 But godliness with contentment is great gain. 7 For we brought nothing into this world, and it is certain we can carry nothing out. 8 And having food and raiment let us be therewith content. 9 But they that will be rich fall into temptation and a snare, and into many foolish and hurtful lusts, which drown men in destruction and perdition. 10 For the love of money is the root of all evil: which while some coveted after, they have erred from the faith, and pierced themselves through with many sorrows. 11 But thou, O man of God, flee these things; and follow after righteousness, godliness, faith, love, patience, meekness. 12 Fight the good fight of faith, lay hold on eternal life, whereunto thou art also called, and hast professed a good profession before many witnesses. 13 I give thee charge in the sight of God, who quickeneth all things, and before Christ Jesus, who before Pontius Pilate witnessed a good confession; 14 That thou keep this commandment without spot, unrebukeable, until the appearing of our Lord Jesus Christ: 15 Which in his times he shall shew, who is the blessed and only Potentate, the King of kings, and Lord of lords; 16 Who only hath immortality, dwelling in the light which no man can approach unto; whom no man hath seen, nor can see: to whom be honour and power everlasting. Amen. 17 Charge them that are rich in this world, that they be not highminded, nor trust in uncertain riches, but in the living God, who giveth us richly all things to enjoy; 18 That they do good, that they be rich in good works, ready to distribute, willing to communicate; 19 Laying up in store for themselves a good foundation against the time to come, that they may lay hold on eternal life. 20 O Timothy, keep that which is committed to thy trust, avoiding profane and vain babblings, and oppositions of science falsely so called: 21 Which some professing have erred concerning the faith. Grace be with thee. Amen.
