2–BOB
Xudoning inoyati tufayli hayotga erishish
1 Sizlar bir vaqtlar gunohlaru ayblaringiz tufayli ruhan oʻlik edingizlar. 2 Sizlar bu dunyoning odatlari boʻyicha, yovuz ruhiy kuchlarning hokimi boʻlgan shaytonga boʻysunib, gunohga botib yashardingiz. Xudoga itoat qilmay yashayotganlarning yuraklarida amal qilayotgan shaytondir. 3 Biz ham bir vaqtlar xudbin istaklarimizni qondirib yashar edik. Tana ehtiroslariga va bemaʼni oʻy–xayollarga berilib yashaydigan, barcha odamzod kabi, tabiatan Xudoning qahr–gʻazabiga loyiq boʻlgan itoatsiz insonlar edik. 4 Ammo mehr–shafqatga boy Xudo Oʻzining bizga boʻlgan buyuk muhabbatini quyidagicha koʻrsatdi: 5 garchi biz gunohlarimiz tufayli ruhan oʻlik boʻlsak ham, Xudo bizni Masih bilan birga tiriltirdi. Biz Xudoning inoyati tufayli qutqarilganmiz. 6 Xudo bizni Masih bilan birga tiriltirdi va bizga samoda U bilan birga joy berdi. Bular Iso Masih tufayli amalga oshdi. 7 Xudoning inoyati behad moʻl ekanligi to abad namoyon boʻlishi uchun, U bizga Iso Masih orqali mehr–shafqat koʻrsatdi. 8 Axir, sizlar Xudodan inoyat topib, imon orqali najot topgansiz. Bu Xudoning inʼomidir, sizning yutugʻingiz emas. 9 Yana hech kim: “Men savob ishlarim tufayli qutulganman”, deb maqtanmasin. 10 Axir, biz Xudoning ijodimiz. Xudo bizni xayrli ishlar qilishimiz uchun Iso Masih orqali yaratdi, bu ishlarni biz uchun azaldanoq tayyorlab qoʻygan edi.
Iso Masih orqali xalqlar birlashadi
11 Esingizda boʻlsin, sunnat qilingan yahudiylar bir vaqtlar siz — gʻayriyahudiy boʻlganlarni “sunnatsiz” deb atardilar. Vaholanki, yahudiylarning sunnati faqatgina jismoniy sunnat edi. 12 Oʻsha paytda sizlar Masihni bilmas edingizlar, Isroil xalqiga tegishli emasdingiz. Xudoning Isroil xalqi bilan tuzgan ahdlariga va bergan vaʼdalariga begona boʻlib, bu dunyoda umidsiz va Xudosiz yashar edingiz. 13 Sizlar oldin Xudodan uzoq edingiz, endi esa Iso Masih orqali, Uning toʻkilgan qoni tufayli Xudoga yaqinlashdingiz.
14-15 Masihning Oʻzi bizning tinchlik manbaimizdir. U Oʻz tanasini fido qilib, yahudiylar va gʻayriyahudiylarni birlashtirdi, ularning orasidagi adovat devorini qulatdi. Iso Masih yahudiylarga berilgan qonunni va uning amrlariyu qoidalarini bekor qildi. Masih tufayli gʻayriyahudiylar bilan yahudiylar birlashib, yangi bir xalq boʻldilar, shunday qilib Masih tinchlik oʻrnatdi. 16 Xochdagi oʻlimi orqali Masih gʻayriyahudiylarni ham, yahudiylarni ham Xudo bilan yarashtirdi–da, ularning orasidagi adovatni yoʻq qildi. 17 Masih kelib, sizlarga — oldin Xudodan uzoq boʻlganlarga ham, Xudoga yaqin boʻlganlarga ham tinchlik Xushxabarini eʼlon qildi. 18 Masih tufayli endi hammamiz bir Ruh orqali Otamiz Xudoning huzuriga kira olamiz.
19 Demak, sizlar endi begona ham, kelgindi ham emassizlar, balki Xudoning aziz xalqi qatoridasiz, Uning xonadoni aʼzosi boʻldingizlar. 20 Sizlar xuddi bir binodaysizlar. Bu binoning asosi havoriylaru paygʻambarlardir . Binoning tamal toshi esa Iso Masihning Oʻzidir. 21 Bu imorat Rabbimiz Iso Masih orqali bir boʻlib, yuksalib boradi va Unga bagʻishlangan muqaddas maʼbad boʻladi. 22 Iso Masihga tegishli boʻlganingiz uchun sizlar ham bu imoratning bir qismisiz. Bu imoratni Xudoning Ruhi Oʻziga maskan qilib oladi.
1 And you hath he quickened , who were dead in trespasses and sins; 2 Wherein in time past ye walked according to the course of this world, according to the prince of the power of the air, the spirit that now worketh in the children of disobedience: 3 Among whom also we all had our conversation in times past in the lusts of our flesh, fulfilling the desires of the flesh and of the mind; and were by nature the children of wrath, even as others. 4 But God, who is rich in mercy, for his great love wherewith he loved us, 5 Even when we were dead in sins, hath quickened us together with Christ, (by grace ye are saved;) 6 And hath raised us up together, and made us sit together in heavenly places in Christ Jesus: 7 That in the ages to come he might shew the exceeding riches of his grace in his kindness toward us through Christ Jesus. 8 For by grace are ye saved through faith; and that not of yourselves: it is the gift of God: 9 Not of works, lest any man should boast. 10 For we are his workmanship, created in Christ Jesus unto good works, which God hath before ordained that we should walk in them.
11 Wherefore remember, that ye being in time past Gentiles in the flesh, who are called Uncircumcision by that which is called the Circumcision in the flesh made by hands; 12 That at that time ye were without Christ, being aliens from the commonwealth of Israel, and strangers from the covenants of promise, having no hope, and without God in the world: 13 But now in Christ Jesus ye who sometimes were far off are made nigh by the blood of Christ. 14 For he is our peace, who hath made both one, and hath broken down the middle wall of partition between us ; 15 Having abolished in his flesh the enmity, even the law of commandments contained in ordinances; for to make in himself of twain one new man, so making peace; 16 And that he might reconcile both unto God in one body by the cross, having slain the enmity thereby: 17 And came and preached peace to you which were afar off, and to them that were nigh. 18 For through him we both have access by one Spirit unto the Father. 19 Now therefore ye are no more strangers and foreigners, but fellowcitizens with the saints, and of the household of God; 20 And are built upon the foundation of the apostles and prophets, Jesus Christ himself being the chief corner stone ; 21 In whom all the building fitly framed together groweth unto an holy temple in the Lord: 22 In whom ye also are builded together for an habitation of God through the Spirit.
