2–BOB
Xannaning ibodati
1 Xanna shunday ibodat qildi:
“Egam tufayli koʻnglim togʻday koʻtarildi,
Quvvatimni oshirgan Oʻshadir.
Dushmanlarim oldida maqtanarman,
Najot berganing uchun sevinarman.
2 Egam — tanho va Muqaddas Xudo,
Ha, Sendan boshqasi yoʻq, ey Egam.
Xudoyimizday qoya yoʻqdir.
3 Ortiq manmanlikka berilmang ogʻiz koʻpirtirib,
Ogʻzingizdan kibrli soʻzlar chiqmasin.
U hammasini biladigan Xudodir,
U odamlarning xatti–harakatini hukm qiladi.
4 Kuchlilarning yoylari sinib ketadi,
Ojizlar quvvat kamarini bogʻlaydi.
5 Toʻq boʻlganlar luqma non uchun mardikordirlar,
Och boʻlganlar esa endi toʻqdirlar.
Befarzand ayol yetti bola tugʻar,
Serfarzand ayol esa kimsasiz qolar.
6 Jonni oladigan ham Egamizdir,
Jonni ato qiladigan ham Egamizdir.
Oʻliklar diyoriga U tushirar va
Yana qayta olib ham chiqar.
7 U kimnidir yoʻqsil, kimnidir boy qilar,
Kimnidir yerga urar, kimnidir yuksaltirar.
8 Bechorahollarni U tuproqdan koʻtarar,
Faqirlarni axlatdan olib chiqib yuksaltirar.
Ularga shahzodalar yonidan joy berar,
Shuhrat taxtini meros qilib berar.
Chunki Egamnikidir zamin ustunlari ,
Ustunlarning ustiga qoʻygandir U olamni.
9 Sodiq bandalarini U himoya qilar,
Fosiqlar esa zulmatda soʻnib qolar.
Zero, kuch ila zafarga yetishmas inson.
10 Egamizga qarshi turganlar parcha–parcha boʻlajak,
Xudoyi Taolo ularga qarshi osmonni gumburlatajak.
Butun olamni Egamiz hukm qilajak,
Oʻzi moy surtib tanlagan shohiga kuch ato etib,
Uning quvvatini oshirajak.”
11 Shundan keyin Elqana oilasi bilan Ramaga — uyiga joʻnadi. Kichkina Shomuil esa ruhoniy Elaxning huzurida qoldi va Egamizga xizmat qila boshladi.
Elaxning yaramas oʻgʻillari
12 Elaxning oʻgʻillari yaramas yigitlar edi. Ular Egamizni hurmat qilmas, 13 xalq oldidagi oʻz ruhoniylik burchlarini mensimasdilar. Birortasi kelib qurbonlik soʻyib, goʻshtini qaynatayotganda, Elax oʻgʻillarining xizmatkori uch tishli sanchqi bilan kelardi. 14 Xizmatkor sanchqini qozonga yoki tovaga tiqardi. Sanchqiga ilinganini Elaxning oʻgʻillariga olib borardi. Ular Shiloʻga kelgan Isroil xalqining hammasiga shunday munosabatda boʻlishardi. 15 Hatto qurbonlikning yogʻini kuydirmasdan oldin , ruhoniyning xizmatkori kelib, qurbonlik qilayotgan odamga shunday derdi:
— Ruhoniyga qovurish uchun goʻsht ber! U sendan qaynatilganidan emas, xomidan qabul qiladi.
16 Qurbonlik qilayotgan odam:
— Oldin Egamizga atab qurbonlikning yogʻini kuydirib olay, keyin xohlaganingcha olaver, — deydigan boʻlsa, xizmatkor:
— Yoʻq, hozir berasan, yoʻqsa zoʻrlik bilan tortib olaman, — deb javob berardi.
17 Elax oʻgʻillarining bu gunohi Egamiz oldida juda ogʻir edi, chunki ular Egamizga atalgan nazr–niyozlarga shunday hurmatsizlik qilishardi.
Yosh Shomuil Shiloʻda
18 Yosh Shomuil esa shu paytda ruhoniylarning muqaddas libosini kiyib, Egamiz huzurida xizmat qilib yurardi. 19 Har yilgi qurbonlikni ado etish uchun onasi bilan otasi bu yerga kelishar, onasi oʻzi tikkan kiyimni oʻgʻliga olib kelardi. 20 Ruhoniy Elax esa Elqana bilan uning xotinini duo qilib, Elqanaga: “Xudodan tilab olib, Unga bagʻishlagan farzandingning oʻrniga Egamiz senga shu xotindan yana farzandlar bersin”, deb aytardi. Shundan keyin ular uylariga ketishardi.
21 Egamiz Xannaga gʻamxoʻrlik qildi. U homilador boʻlib, yana uch oʻgʻil, ikki qiz tugʻdi. Yosh Shomuil esa Egamizning huzurida oʻsib–ulgʻaydi.
Elax va uning oʻgʻillari
22 Elax juda keksayib qolgan edi. U oʻgʻillarining jamiki Isroil xalqiga yomon munosabatda boʻlishayotganini, Uchrashuv chodiriga kiraverishda xizmat qiladigan ayollar bilan zino qilishayotganini eshitib turardi. 23 Elax oʻgʻillariga derdi:
— Nimaga bunday qilyapsizlar? Qilayotgan qabih ishlaringiz hammaning ogʻzida. 24 Bunday qilmanglar, oʻgʻillarim! Egamizning xalqi orasida yoyilgan gap–soʻzlar yaxshi emas. 25 Odam odamga qarshi gunoh qilsa, Xudo vositachilik qiladi. Ammo odam Egamizga qarshi gunoh qilsa, oʻrtada kim vositachilik qila oladi?!
Biroq oʻgʻillari otalarining gapini quloqlariga olmasdilar. Shuning uchun Egamiz ularni oʻldirishga qaror qilib qoʻygan edi.
26 Yosh Shomuil esa ulgʻayib, Egamizning va xalqning olqishiga sazovor boʻlayotgan edi.
Elax xonadoni haqida bashorat
27 Bir kuni Elaxning oldiga bir paygʻambar kelib, shunday dedi:
— Egamiz senga aytmoqda: “Isroil xalqi Misr yurtida firʼavnga qul boʻlib yurganda, Oʻzimni ota–bobolaringga zohir qildim–ku! 28 Bobong Horun Mening qurbongohimga chiqsin, qurbonlik kuydirib, oldimda efodni kiyib yursin deb, jamiki Isroil qabilalari orasidan Men uni Oʻzimga ruhoniy qilib tanlab olgan edim. Buning ustiga, Horun avlodining ulushi boʻlsin deb, hamma kuydiriladigan qurbonliklardan ham berdim. 29 Shunday boʻlgach, Men buyurgan qurbonlik va nazrlarni nimaga pisand qilmayapsizlar?! Nimaga xalqim Isroil bergan hamma nazrlardan eng yaxshi ulushlarni olib oʻzingiz yeb semiryapsizlar?! Nimaga oʻgʻillaringni Mendan ortiq koʻryapsan?!
30 Shuning uchun Men, Isroil xalqining Xudosi — Egangiz, aytamanki, avloding va otangning avlodi Menga abadiy xizmat qiladilar, deb aytgan boʻlsam ham, endi bunday boʻlmaydi! Meni izzat qilganni Men ham izzat qilaman, Meni xor qilgan esa sharmanda boʻlar. 31 Shunday kunlar yaqinlashmoqda: Men sening va otangning xonadonini yoʻqotaman. Natijada xonadoningdagi hamma kimsa ajalidan besh kun burun oʻladi. 32 Men Isroil xalqi ustiga yogʻdiradigan rohat–farogʻatni sen koʻrib, kulfat ichra ularga hasad qilasan. Sening xonadoningdan hech kim uzoq umr koʻrmaydi. 33 Xonadoningdan faqat bittasini yoʻq qilmasdan asrab qolaman. Lekin uning koʻzlari yoshga, yuragi gʻam–gʻussaga toʻladi. Butun xonadoning ahli juvonmarg ketadi. 34 Ikkala oʻgʻling — Xoʻfnax bilan Finxazning boshiga tushadigan koʻrgilik senga bir alomat boʻlsin: ikkovi ham bir kunda nobud boʻladi.
35 Mening xohish–irodamni amalga oshiradigan sadoqatli bir ruhoniyni Oʻzim uchun tayin etaman, u koʻnglimdagiday xizmat qiladi. Uning avlodini boqiy qilaman, Men moy surtib tanlagan shoh oldida u umr boʻyi xizmat qiladi. 36 Xonadoningda tirik qolgan har bir odam qora chaqaga va bir burda nonga zor boʻlib uning oldiga keladi, oʻtinaman, menga biror ruhoniylik vazifasini ber, tirikchiligimni oʻtkazib turay, deb yolvorib taʼzim qiladi.”
1 And Hannah prayed, and said, My heart rejoiceth in the LORD, mine horn is exalted in the LORD: my mouth is enlarged over mine enemies; because I rejoice in thy salvation. 2 There is none holy as the LORD: for there is none beside thee: neither is there any rock like our God. 3 Talk no more so exceeding proudly; let not arrogancy come out of your mouth: for the LORD is a God of knowledge, and by him actions are weighed. 4 The bows of the mighty men are broken, and they that stumbled are girded with strength. 5 They that were full have hired out themselves for bread; and they that were hungry ceased: so that the barren hath born seven; and she that hath many children is waxed feeble. 6 The LORD killeth, and maketh alive: he bringeth down to the grave, and bringeth up. 7 The LORD maketh poor, and maketh rich: he bringeth low, and lifteth up. 8 He raiseth up the poor out of the dust, and lifteth up the beggar from the dunghill, to set them among princes, and to make them inherit the throne of glory: for the pillars of the earth are the LORD’s, and he hath set the world upon them. 9 He will keep the feet of his saints, and the wicked shall be silent in darkness; for by strength shall no man prevail. 10 The adversaries of the LORD shall be broken to pieces; out of heaven shall he thunder upon them: the LORD shall judge the ends of the earth; and he shall give strength unto his king, and exalt the horn of his anointed.
11 And Elkanah went to Ramah to his house. And the child did minister unto the LORD before Eli the priest.
12 ¶ Now the sons of Eli were sons of Belial; they knew not the LORD. 13 And the priests’ custom with the people was, that , when any man offered sacrifice, the priest’s servant came, while the flesh was in seething, with a fleshhook of three teeth in his hand; 14 And he struck it into the pan, or kettle, or caldron, or pot; all that the fleshhook brought up the priest took for himself. So they did in Shiloh unto all the Israelites that came thither. 15 Also before they burnt the fat, the priest’s servant came, and said to the man that sacrificed, Give flesh to roast for the priest; for he will not have sodden flesh of thee, but raw. 16 And if any man said unto him, Let them not fail to burn the fat presently, and then take as much as thy soul desireth; then he would answer him, Nay; but thou shalt give it me now: and if not, I will take it by force. 17 Wherefore the sin of the young men was very great before the LORD: for men abhorred the offering of the LORD.
18 ¶ But Samuel ministered before the LORD, being a child, girded with a linen ephod. 19 Moreover his mother made him a little coat, and brought it to him from year to year, when she came up with her husband to offer the yearly sacrifice.
20 ¶ And Eli blessed Elkanah and his wife, and said, The LORD give thee seed of this woman for the loan which is lent to the LORD. And they went unto their own home. 21 And the LORD visited Hannah, so that she conceived, and bare three sons and two daughters. And the child Samuel grew before the LORD.
22 ¶ Now Eli was very old, and heard all that his sons did unto all Israel; and how they lay with the women that assembled at the door of the tabernacle of the congregation. 23 And he said unto them, Why do ye such things? for I hear of your evil dealings by all this people. 24 Nay, my sons; for it is no good report that I hear: ye make the LORD’s people to transgress. 25 If one man sin against another, the judge shall judge him: but if a man sin against the LORD, who shall intreat for him? Notwithstanding they hearkened not unto the voice of their father, because the LORD would slay them. 26 And the child Samuel grew on, and was in favour both with the LORD, and also with men.
27 ¶ And there came a man of God unto Eli, and said unto him, Thus saith the LORD, Did I plainly appear unto the house of thy father, when they were in Egypt in Pharaoh’s house? 28 And did I choose him out of all the tribes of Israel to be my priest, to offer upon mine altar, to burn incense, to wear an ephod before me? and did I give unto the house of thy father all the offerings made by fire of the children of Israel? 29 Wherefore kick ye at my sacrifice and at mine offering, which I have commanded in my habitation; and honourest thy sons above me, to make yourselves fat with the chiefest of all the offerings of Israel my people? 30 Wherefore the LORD God of Israel saith, I said indeed that thy house, and the house of thy father, should walk before me for ever: but now the LORD saith, Be it far from me; for them that honour me I will honour, and they that despise me shall be lightly esteemed. 31 Behold, the days come, that I will cut off thine arm, and the arm of thy father’s house, that there shall not be an old man in thine house. 32 And thou shalt see an enemy in my habitation, in all the wealth which God shall give Israel: and there shall not be an old man in thine house for ever. 33 And the man of thine, whom I shall not cut off from mine altar, shall be to consume thine eyes, and to grieve thine heart: and all the increase of thine house shall die in the flower of their age. 34 And this shall be a sign unto thee, that shall come upon thy two sons, on Hophni and Phinehas; in one day they shall die both of them. 35 And I will raise me up a faithful priest, that shall do according to that which is in mine heart and in my mind: and I will build him a sure house; and he shall walk before mine anointed for ever. 36 And it shall come to pass, that every one that is left in thine house shall come and crouch to him for a piece of silver and a morsel of bread, and shall say, Put me, I pray thee, into one of the priests’ offices, that I may eat a piece of bread.
