26–BOB
Ayubning toʻqqizinchi nutqi: Xudoning beqiyos buyukligi haqida
1 Ayub shunday deb javob berdi:
2 “Ojizga bergan yordaming shumi?
Kuchsizga shunday madad kerakmi?!
3 Aqlsizga biram oʻrgatib qoʻyding–a!
Bergan maslahatlaring biram maʼnoliki!
4 Kim oʻrgatdi oʻzi senga bu dono gaplarni?!
Sen orqali kimning ruhi gapirgan oʻzi?!
5 Suvlar ostidagi oʻliklar diyorida
Marhumlarning ruhi qaltiraydi.
6 Xudoning oldida oʻliklar diyori ochiqdir,
Halokat diyorining ham yopinchigʻi yoʻq.
7 Xudo boʻshliq ustiga samoni yoydi,
Yerni esa boʻshliqqa osib qoʻydi.
8 Xudo bulutlarni yomgʻir suviga toʻldiradi,
Bulutlar esa suvning ogʻirligidan yirtilib ketmaydi.
9 Xudo toʻlin oyning yuzini yashirib,
Bulutlar bilan oʻrab qoʻyadi.
10 Xudo ufqni bepoyon ummon uzra yoyib,
Yorugʻlik va qorongʻilik orasiga chegara qoʻydi.
11 Xudo osmonning ustunlariga doʻq qilsa,
Ular qoʻrquvdan qaltirab tebranadi.
12 Xudo Oʻz qudrati bilan dengizni magʻlub qildi ,
Oʻz zakovati bilan maxluq Rahobni halok qildi.
13 Oʻz nafasi bilan bulutlarni haydab,
Moviy osmonni ochdi.
Uning qudrati qochayotgan ilonni ezib tashladi.
14 Bular Xudo qilgan ishlarning kichik bir parchasidir,
Xuddi pichirlab aytilgan gapga oʻxshaydi!
Shunday ekan, agar Uning qudrati
Momoqaldiroqday gumburlasa, kim tushuna oladi?”
1 But Job answered and said, 2 How hast thou helped him that is without power? how savest thou the arm that hath no strength? 3 How hast thou counselled him that hath no wisdom? and how hast thou plentifully declared the thing as it is? 4 To whom hast thou uttered words? and whose spirit came from thee?
5 Dead things are formed from under the waters, and the inhabitants thereof. 6 Hell is naked before him, and destruction hath no covering. 7 He stretcheth out the north over the empty place, and hangeth the earth upon nothing. 8 He bindeth up the waters in his thick clouds; and the cloud is not rent under them. 9 He holdeth back the face of his throne, and spreadeth his cloud upon it. 10 He hath compassed the waters with bounds, until the day and night come to an end. 11 The pillars of heaven tremble and are astonished at his reproof. 12 He divideth the sea with his power, and by his understanding he smiteth through the proud. 13 By his spirit he hath garnished the heavens; his hand hath formed the crooked serpent. 14 Lo, these are parts of his ways: but how little a portion is heard of him? but the thunder of his power who can understand?
