16–BOB
Farziylar va sadduqiylar Isodan alomat soʻrashadi
1 Farziy va sadduqiy mazhabidagilar Isoning oldiga kelib, Uni sinab koʻrish maqsadida:
— Bizga bir moʻjizali alomat koʻrsating. Shunda Sizni Xudo yuborganini tan olamiz, — dedilar. 2 Iso ularga shunday javob berdi:
— Quyosh botganda, sizlar, osmon qizgʻish, havo yaxshi boʻladi, deysizlar. 3 Ertalab esa, osmon qizil, havoning avzoyi buzuq, bugun boʻron boʻladi, deysizlar. Sizlar osmonning avzoyiga qarab, ob–havoni aniqlay olasizlar–ku! Nega zamon alomatlarini talqin qila olmaysizlar?! 4 Bu qabih va bevafo nasl alomat soʻrayapti, ammo ularga Yunusning alomatidan boshqa alomat berilmaydi.
Iso ularni qoldirib ketdi.
Farziylar va sadduqiylarning xamirturushi
5 Narigi qirgʻoqqa yetib kelgan shogirdlar oʻzlari bilan non olishni unutgan edilar. 6 Iso ularga dedi:
— Farziylar bilan sadduqiylarning xamirturushidan ehtiyot boʻlinglar!
7 Shogirdlar oʻzlaricha: “Biz non olib kelmaganimiz uchun U shunday deyapti”, deb muhokama qila boshladilar. 8 Shogirdlar nimani muhokama qilayotganlarini Iso bilib, ularga dedi:
— Ey imoni sustlar! Nega sizlar, nonimiz yoʻq, deb aytyapsizlar? 9 Hali ham tushunmadingizlarmi? Besh mingta odamga beshta nonni boʻlib berganim esingizdami? Oʻshanda qolgan–qutgan nonlarga nechta savatni toʻldirib olgan edingizlar? 10 Yoki yettita nonni toʻrt ming kishiga boʻlib berganim–chi? Oʻshanda, non burdalari bilan nechta savatni toʻldirib olgan edingizlar? 11 Men sizlarga non haqida gapirmaganimni hali ham anglamadingizlarmi? Men sizlarga: “Farziylar bilan sadduqiylarning xamirturushidan ehtiyot boʻlinglar!” deb aytyapman.
12 Shundan keyin shogirdlar tushundilarki, Iso ularni nonga ishlatiladigan xamirturushdan saqlanish toʻgʻrisida emas, balki farziylar bilan sadduqiylarning taʼlimotidan ehtiyot boʻlish toʻgʻrisida ogohlantirayotgan ekan.
Butrus Masihni tan oladi
13 Iso Filip Qaysariyasi atrofidagi hududga keldi. Oʻsha yerda U shogirdlaridan soʻradi:
— Odamlar Inson Oʻgʻlini kim deb biladi?
14 Shogirdlar Unga shunday javob berdilar:
— Baʼzilar Yahyo choʻmdiruvchi, baʼzilar Ilyos, baʼzilar Yeremiyo , boshqalar esa, qadimgi paygʻambarlardan biri, deb aytib yuribdilar.
15 Iso ulardan soʻradi:
— Sizlar–chi, Meni kim deb bilasiz?
16 Shimoʻn Butrus javob berib dedi:
— Siz Masihsiz , Barhayot Xudoning Oʻgʻlisiz!
17 Shimoʻn Butrusga Iso dedi:
— Sen baxtlisan, ey Yuhanno oʻgʻli Shimoʻn! Axir, bu sirni senga inson emas, balki osmondagi Otam ochib bergan. 18 Shimoʻn, senga shuni aytay: Butrus isming “qoya” degani–ku! Mana shu qoya ustiga Men Oʻzimning jamoatimni quraman. Hatto oʻlim shohligi ham jamoatimga bas kela olmaydi. 19 Osmon Shohligi kalitlarini Men senga beraman. Yer yuzida sen nimani taqiqlasang, samoda ham taqiqlanadi. Yer yuzida sen nimaga ijozat bersang, samoda ham ijozat beriladi.
20 Bundan soʻng Iso: “Masih ekanimni hech kimga aytmanglar”, deb shogirdlariga qatʼiy buyurdi.
Iso Oʻz oʻlimi haqida gapiradi
21 Shu vaqtdan boshlab, Iso shogirdlariga quyidagilarni ochiqchasiga tushuntira boshladi: “Men Quddusga borib, yoʻlboshchilar, bosh ruhoniylar va Tavrot tafsirchilari qoʻlida koʻp azob chekaman. Meni oʻldirishadi, lekin uchinchi kuni Men tirilaman.” 22 Shunda Butrus Isoni chetga tortib dedi:
— Bunday deb aytmang, Hazratim! Xudo saqlasin! Boshingizga aslo bunday kunlar kelmasin!
23 Iso esa Butrusga qarab:
— Yoʻqol koʻzimdan, shayton! — dedi. — Meni yoʻldan urma! Sen Xudoning ishlarini emas, inson ishlarini oʻylayapsan.
24 Keyin Iso Oʻz shogirdlariga dedi:
— Kimda–kim Menga ergashishni istasa, oʻzidan kechsin va xochini koʻtarib , orqamdan yursin. 25 Kim oʻz jonini asrab qolmoqchi boʻlsa, uni yoʻqotadi. Kim Men uchun jonini bersa, uni asrab qoladi. 26 Agar inson butun dunyoni egallab olsa–yu, oʻz jonidan mahrum boʻlsa, bundan unga nima foyda?! Inson oʻz joni evaziga qanday toʻlov bera oladi?! 27 Inson Oʻgʻli samoviy Otasining ulugʻvorligida, farishtalari bilan kelganda, har kimni oʻz ishiga yarasha taqdirlaydi. 28 Sizlarga chinini aytayin: bu yerda turganlardan baʼzilari, Inson Oʻgʻlining Shoh boʻlib kelganini koʻrmaguncha, oʻlmaydilar.
1 The Pharisees also with the Sadducees came, and tempting desired him that he would shew them a sign from heaven. 2 He answered and said unto them, When it is evening, ye say, It will be fair weather: for the sky is red. 3 And in the morning, It will be foul weather to day: for the sky is red and lowring. O ye hypocrites, ye can discern the face of the sky; but can ye not discern the signs of the times? 4 A wicked and adulterous generation seeketh after a sign; and there shall no sign be given unto it, but the sign of the prophet Jonas. And he left them, and departed. 5 And when his disciples were come to the other side, they had forgotten to take bread.
6 ¶ Then Jesus said unto them, Take heed and beware of the leaven of the Pharisees and of the Sadducees. 7 And they reasoned among themselves, saying, It is because we have taken no bread. 8 Which when Jesus perceived, he said unto them, O ye of little faith, why reason ye among yourselves, because ye have brought no bread? 9 Do ye not yet understand, neither remember the five loaves of the five thousand, and how many baskets ye took up? 10 Neither the seven loaves of the four thousand, and how many baskets ye took up? 11 How is it that ye do not understand that I spake it not to you concerning bread, that ye should beware of the leaven of the Pharisees and of the Sadducees? 12 Then understood they how that he bade them not beware of the leaven of bread, but of the doctrine of the Pharisees and of the Sadducees.
13 ¶ When Jesus came into the coasts of Caesarea Philippi, he asked his disciples, saying, Whom do men say that I the Son of man am? 14 And they said, Some say that thou art John the Baptist: some, Elias; and others, Jeremias, or one of the prophets. 15 He saith unto them, But whom say ye that I am? 16 And Simon Peter answered and said, Thou art the Christ, the Son of the living God. 17 And Jesus answered and said unto him, Blessed art thou, Simon Bar-jona: for flesh and blood hath not revealed it unto thee, but my Father which is in heaven. 18 And I say also unto thee, That thou art Peter, and upon this rock I will build my church; and the gates of hell shall not prevail against it. 19 And I will give unto thee the keys of the kingdom of heaven: and whatsoever thou shalt bind on earth shall be bound in heaven: and whatsoever thou shalt loose on earth shall be loosed in heaven. 20 Then charged he his disciples that they should tell no man that he was Jesus the Christ.
21 ¶ From that time forth began Jesus to shew unto his disciples, how that he must go unto Jerusalem, and suffer many things of the elders and chief priests and scribes, and be killed, and be raised again the third day. 22 Then Peter took him, and began to rebuke him, saying, Be it far from thee, Lord: this shall not be unto thee. 23 But he turned, and said unto Peter, Get thee behind me, Satan: thou art an offence unto me: for thou savourest not the things that be of God, but those that be of men.
24 ¶ Then said Jesus unto his disciples, If any man will come after me, let him deny himself, and take up his cross, and follow me. 25 For whosoever will save his life shall lose it: and whosoever will lose his life for my sake shall find it. 26 For what is a man profited, if he shall gain the whole world, and lose his own soul? or what shall a man give in exchange for his soul? 27 For the Son of man shall come in the glory of his Father with his angels; and then he shall reward every man according to his works. 28 Verily I say unto you, There be some standing here, which shall not taste of death, till they see the Son of man coming in his kingdom.
