115–САНО
1 Жуда кўп азоб чексам ҳам,
Худога бўлган ишончим йўқолмади.
2 Ўйламасдан : “Ҳамма одамлар ёлғончидир”, дедим.
3 Эгам менга қилган яхшиликларини
Унга қандай қилиб қайтарай?
4 Нажот топганимни нишонлайман,
Эгамга сажда қиламан.
5 Эгамиз халқининг кўзи олдида
Унга берган онтимни адо этаман.
6 Тақводорларнинг ўлими
Эгамизнинг назарида жуда аччиқдир.
7 Эй Эгам, мен Сенинг қулингман,
Чўрингнинг ўғлиман,
Ўзинг кишанлардан мени озод қилгансан.
8 Шукрона қурбонлигини Сенга назр қиламан,
Сенга сажда қиламан.
9-10 Қуддусда, Сенинг уйинг ҳовлиларида,
Жамики халқингнинг кўзи олдида
Эй Эгам, Сенга берган онтимни адо этаман.
Эгамизга ҳамду санолар бўлсин!
© © Муқаддас Китобни таржима қилиш институти, 2016, 2018, 2020
