4–САНО
1 Ижрочилар раҳбарига. Торли асбоблар жўрлигида айтиладиган Довуд саноси.
2 Эй менинг одил Худойим!
Илтижо қилганимда жавоб бер!
Кулфатда қолганимда мени озод қилдинг.
Менга шафқат қилиб, ибодатимни эшит.
3 Эй инсонлар, қачонгача шаънимни ерга урасиз?!
Қачонгача пуч сўзларга кўнгил боғлайсиз?!
Қачонгача ёлғонларни излаб юрасиз?!
4 Унутмангки, Эгамиз Ўзи учун танлайди тақводорни,
Илтижо қилганимда, Эгамиз эшитади мени.
5 Ҳатто ғазабланганингизда ҳам гуноҳ қилманг ,
Тунда ётганингизда ўйланг, сукут сақланг.
6 Муносиб қурбонликлар келтиринг,
Умидингизни Эгамизга боғланг.
7 Кўп одамлар айтади:
“Яхши замонларни ким бизга кўрсатади?!” деб.
Эй Эгам, жамолинг бизга нурларини сочсин!
8 Дон ва шароби мўл бўлганлар қувонади,
Сен юрагимга ундан ҳам кўпроқ шодлик бердинг.
9 Ётганимда хотиржам ухлайман,
Эй Эгам, ёлғиз Сен мени омон сақлайсан.
4–SANO
1 Ijrochilar rahbariga. Torli asboblar joʻrligida aytiladigan Dovud sanosi.
2 Ey mening odil Xudoyim!
Iltijo qilganimda javob ber!
Kulfatda qolganimda meni ozod qilding.
Menga shafqat qilib, ibodatimni eshit.
3 Ey insonlar, qachongacha shaʼnimni yerga urasiz?!
Qachongacha puch soʻzlarga koʻngil bogʻlaysiz?!
Qachongacha yolgʻonlarni izlab yurasiz?!
4 Unutmangki, Egamiz Oʻzi uchun tanlaydi taqvodorni,
Iltijo qilganimda, Egamiz eshitadi meni.
5 Hatto gʻazablanganingizda ham gunoh qilmang ,
Tunda yotganingizda oʻylang, sukut saqlang.
6 Munosib qurbonliklar keltiring,
Umidingizni Egamizga bogʻlang.
7 Koʻp odamlar aytadi:
“Yaxshi zamonlarni kim bizga koʻrsatadi?!” deb.
Ey Egam, jamoling bizga nurlarini sochsin!
8 Don va sharobi moʻl boʻlganlar quvonadi,
Sen yuragimga undan ham koʻproq shodlik berding.
9 Yotganimda xotirjam uxlayman,
Ey Egam, yolgʻiz Sen meni omon saqlaysan.
