150–САНО
1 Эгамизга ҳамду санолар бўлсин!
Худога ҳамду санолар бўлсин муқаддас масканида,
Унга ҳамду санолар бўлсин
Самода — мустаҳкам қалъасида.
2 Қудратли ишлари учун Унга ҳамду санолар бўлсин,
Тенгсиз буюклиги учун мадҳиялар бўлсин.
3 Унга ҳамду сано айтинг бурғу чалиб,
Унга ҳамду сано айтинг арфа, лира чалиб.
4 Доира чалиб, рақс ила Унга ҳамду сано айтинг,
Торли асбоб, най чалиб, Унга мадҳиялар айтинг.
5 Жарангдор зиллар чалиб, Унга ҳамду сано айтинг,
Оҳангдор зилларни қаттиқ чалиб, Унга мадҳиялар айтинг.
6 Эгамизга ҳамду сано айтинг,
Эй жамики тирик жонзотлар!
Эгамизга ҳамду санолар бўлсин!
150–SANO
1 Egamizga hamdu sanolar boʻlsin!
Xudoga hamdu sanolar boʻlsin muqaddas maskanida,
Unga hamdu sanolar boʻlsin
Samoda — mustahkam qalʼasida.
2 Qudratli ishlari uchun Unga hamdu sanolar boʻlsin,
Tengsiz buyukligi uchun madhiyalar boʻlsin.
3 Unga hamdu sano ayting burgʻu chalib,
Unga hamdu sano ayting arfa, lira chalib.
4 Doira chalib, raqs ila Unga hamdu sano ayting,
Torli asbob, nay chalib, Unga madhiyalar ayting.
5 Jarangdor zillar chalib, Unga hamdu sano ayting,
Ohangdor zillarni qattiq chalib, Unga madhiyalar ayting.
6 Egamizga hamdu sano ayting,
Ey jamiki tirik jonzotlar!
Egamizga hamdu sanolar boʻlsin!
