146–САНО
1 Эгамизга ҳамду санолар бўлсин!
Нақадар яхшидир Худойимизни тараннум этмоқ!
Нақадар лаззатли, муносиб Унга ҳамду сано айтмоқ!
2 Эгамиз Қуддусни қайтадан қуради,
Сургундагиларни Исроилга йиғади.
3 Эзилган кўнгилларга У шифо беради,
Уларнинг яраларига малҳам қўяди.
4 Юлдузларнинг сонини У аниқлаб чиқади,
Уларнинг ҳаммасига ном беради.
5 Раббимиз буюкдир, қудрати азимдир,
Унинг донолиги чексиздир.
6 Эгамиз мазлумларни юксалтиради,
Фосиқларни эса ерга уриб эзади.
7 Эгамизга шукрона айтиб тараннум қилинг,
Худойимизга атаб лирада куй чалинг.
8 У самоларни булутлар ила қоплайди,
У ерни ёмғир билан таъминлайди,
Қир–адирларда ўт–ўлан ўстиради.
9 У ҳайвонларнинг ризқ–рўзини беради,
Қарға болалари қағиллаганда уларга озиқ беради.
10 У отларнинг кучидан завқ олмайди,
Сипоҳнинг кучли оёқларидан хушланмайди.
11 Эгамиз Ўзидан қўрққанлардан хушланади,
Унинг содиқ севгисига умид қилганлардан мамнун бўлади.
146–SANO
1 Egamizga hamdu sanolar boʻlsin!
Naqadar yaxshidir Xudoyimizni tarannum etmoq!
Naqadar lazzatli, munosib Unga hamdu sano aytmoq!
2 Egamiz Quddusni qaytadan quradi,
Surgundagilarni Isroilga yigʻadi.
3 Ezilgan koʻngillarga U shifo beradi,
Ularning yaralariga malham qoʻyadi.
4 Yulduzlarning sonini U aniqlab chiqadi,
Ularning hammasiga nom beradi.
5 Rabbimiz buyukdir, qudrati azimdir,
Uning donoligi cheksizdir.
6 Egamiz mazlumlarni yuksaltiradi,
Fosiqlarni esa yerga urib ezadi.
7 Egamizga shukrona aytib tarannum qiling,
Xudoyimizga atab lirada kuy chaling.
8 U samolarni bulutlar ila qoplaydi,
U yerni yomgʻir bilan taʼminlaydi,
Qir–adirlarda oʻt–oʻlan oʻstiradi.
9 U hayvonlarning rizq–roʻzini beradi,
Qargʻa bolalari qagʻillaganda ularga oziq beradi.
10 U otlarning kuchidan zavq olmaydi,
Sipohning kuchli oyoqlaridan xushlanmaydi.
11 Egamiz Oʻzidan qoʻrqqanlardan xushlanadi,
Uning sodiq sevgisiga umid qilganlardan mamnun boʻladi.
