141–САНО
Довуд ғорда бўлгандан кейин айтган қасидаси . Ибодат.
1 Эй Эгам, Сенга қаттиқ фарёд қиламан,
Эй Эгам, Сенга қаттиқ ёлвораман.
2 Дардларимни Сенга тўкиб соламан,
Қайғуларимни Сенинг олдингда айтаман.
3 Руҳим сўлғин бўлганда,
Йўлларимни Сен биласан.
Мен юрадиган сўқмоқларда
Ғанимларим менга тузоқ қўйишган.
4 Ўнг томонимга қараб кўр:
Менга эътибор берадиган бирон кимса йўқ.
Ҳеч қаерга қочиб кета олмайман,
Мен учун ҳеч ким қайғурмас.
5 Сенга ёлвориб айтаман, эй Эгам:
“Сен менинг паноҳимсан,
Бу дунёдаги хавфсизлигим Сенсан.”
6 Фарёдимга қулоқ солгин,
Ахир, оёқ ости бўлиб кетдим–ку.
Мени таъқиб қилувчилардан қутқар,
Улар мендан ғоят кучлидирлар.
7 Мени тутқунликдан чиқариб олгин,
Токи Сенга шукрона айтай.
Менга эзгулик қилганинг учун
Солиҳлар атрофимни ўраб олади.
141–SANO
Dovud gʻorda boʻlgandan keyin aytgan qasidasi . Ibodat.
1 Ey Egam, Senga qattiq faryod qilaman,
Ey Egam, Senga qattiq yolvoraman.
2 Dardlarimni Senga toʻkib solaman,
Qaygʻularimni Sening oldingda aytaman.
3 Ruhim soʻlgʻin boʻlganda,
Yoʻllarimni Sen bilasan.
Men yuradigan soʻqmoqlarda
Gʻanimlarim menga tuzoq qoʻyishgan.
4 Oʻng tomonimga qarab koʻr:
Menga eʼtibor beradigan biron kimsa yoʻq.
Hech qayerga qochib keta olmayman,
Men uchun hech kim qaygʻurmas.
5 Senga yolvorib aytaman, ey Egam:
“Sen mening panohimsan,
Bu dunyodagi xavfsizligim Sensan.”
6 Faryodimga quloq solgin,
Axir, oyoq osti boʻlib ketdim–ku.
Meni taʼqib qiluvchilardan qutqar,
Ular mendan gʻoyat kuchlidirlar.
7 Meni tutqunlikdan chiqarib olgin,
Toki Senga shukrona aytay.
Menga ezgulik qilganing uchun
Solihlar atrofimni oʻrab oladi.
