137–САНО
Довуд саноси.
1 Эй Эгам, чин дилдан Сенга шукрона айтаман,
Фаришталар олдида Сенинг мадҳингни куйлайман.
2 Муқаддас Маъбадинг олдида сажда қиламан,
Содиқ севгинг, садоқатинг учун Ўзингга шукрона айтаман,
Номингни ҳам, сўзингни ҳам ҳар нарсадан юқори қўйгансан.
3 Чақирганимда, менга жавоб бергансан,
Қудратинг билан мени жасур қилгансан.
4 Эй Эгам, замин шоҳлари Сенга шукур айтади,
Оғзингдан чиққан сўзларни улар эшитганлар.
5 Эй Эгам, ишларингни улар куйласинлар!
Зеро, Сенинг шуҳратинг буюкдир!
6 Гарчи Сен юксак бўлсанг–да, хор бўлганларга боқасан,
Киборларни Сен узоқдан ҳам биласан.
7 Кулфатда юрсам ҳам, душманларим ғазабидан сақлайсан,
Ўнг қўлингни узатиб, мени қутқарасан.
8 Эй Эгам, мен учун қасос оласан .
Содиқ севгинг то абад давом этар,
Ўзинг яратганларни тарк этмагин.
137–SANO
Dovud sanosi.
1 Ey Egam, chin dildan Senga shukrona aytaman,
Farishtalar oldida Sening madhingni kuylayman.
2 Muqaddas Maʼbading oldida sajda qilaman,
Sodiq sevging, sadoqating uchun Oʻzingga shukrona aytaman,
Nomingni ham, soʻzingni ham har narsadan yuqori qoʻygansan.
3 Chaqirganimda, menga javob bergansan,
Qudrating bilan meni jasur qilgansan.
4 Ey Egam, zamin shohlari Senga shukur aytadi,
Ogʻzingdan chiqqan soʻzlarni ular eshitganlar.
5 Ey Egam, ishlaringni ular kuylasinlar!
Zero, Sening shuhrating buyukdir!
6 Garchi Sen yuksak boʻlsang–da, xor boʻlganlarga boqasan,
Kiborlarni Sen uzoqdan ham bilasan.
7 Kulfatda yursam ham, dushmanlarim gʻazabidan saqlaysan,
Oʻng qoʻlingni uzatib, meni qutqarasan.
8 Ey Egam, men uchun qasos olasan .
Sodiq sevging to abad davom etar,
Oʻzing yaratganlarni tark etmagin.
