12–САНО
1 Ижрочилар раҳбарига. Довуд саноси.
2 Эй Эгам, қачонгача мени унутасан?
Наҳотки мени то абад унутсанг?!
Қачонгача мендан юз ўгирасан?
3 Қачонгача жоним азобда қолади,
Кун бўйи юрагим ғамга тўлади?
Қачонгача душманим мендан устун келади?
4 Жавоб бер, эй Эгам Худо, боқ ҳолимга!
Кучимни қайтаргин, токи кетмайин ўлим уйқусига.
5 “Уни енгдим”, деб айтмасин душманим,
Йиқилганимда севинмасин ёвларим!
6 Мен умид боғлайман содиқ севгингга,
Нажотингдан қалбим тўлади қувончга.
Эй Эгам, қўшиқ айтаман Сенга,
Зеро, Сен иноят айладинг менга.
12–SANO
1 Ijrochilar rahbariga. Dovud sanosi.
2 Ey Egam, qachongacha meni unutasan?
Nahotki meni to abad unutsang?!
Qachongacha mendan yuz oʻgirasan?
3 Qachongacha jonim azobda qoladi,
Kun boʻyi yuragim gʻamga toʻladi?
Qachongacha dushmanim mendan ustun keladi?
4 Javob ber, ey Egam Xudo, boq holimga!
Kuchimni qaytargin, toki ketmayin oʻlim uyqusiga.
5 “Uni yengdim”, deb aytmasin dushmanim,
Yiqilganimda sevinmasin yovlarim!
6 Men umid bogʻlayman sodiq sevgingga,
Najotingdan qalbim toʻladi quvonchga.
Ey Egam, qoʻshiq aytaman Senga,
Zero, Sen inoyat aylading menga.
