115–САНО
1 Жуда кўп азоб чексам ҳам,
Худога бўлган ишончим йўқолмади.
2 Ўйламасдан : “Ҳамма одамлар ёлғончидир”, дедим.
3 Эгам менга қилган яхшиликларини
Унга қандай қилиб қайтарай?
4 Нажот топганимни нишонлайман,
Эгамга сажда қиламан.
5 Эгамиз халқининг кўзи олдида
Унга берган онтимни адо этаман.
6 Тақводорларнинг ўлими
Эгамизнинг назарида жуда аччиқдир.
7 Эй Эгам, мен Сенинг қулингман,
Чўрингнинг ўғлиман,
Ўзинг кишанлардан мени озод қилгансан.
8 Шукрона қурбонлигини Сенга назр қиламан,
Сенга сажда қиламан.
9-10 Қуддусда, Сенинг уйинг ҳовлиларида,
Жамики халқингнинг кўзи олдида
Эй Эгам, Сенга берган онтимни адо этаман.
Эгамизга ҳамду санолар бўлсин!
115–SANO
1 Juda koʻp azob cheksam ham,
Xudoga boʻlgan ishonchim yoʻqolmadi.
2 Oʻylamasdan : “Hamma odamlar yolgʻonchidir”, dedim.
3 Egam menga qilgan yaxshiliklarini
Unga qanday qilib qaytaray?
4 Najot topganimni nishonlayman,
Egamga sajda qilaman.
5 Egamiz xalqining koʻzi oldida
Unga bergan ontimni ado etaman.
6 Taqvodorlarning oʻlimi
Egamizning nazarida juda achchiqdir.
7 Ey Egam, men Sening qulingman,
Choʻringning oʻgʻliman,
Oʻzing kishanlardan meni ozod qilgansan.
8 Shukrona qurbonligini Senga nazr qilaman,
Senga sajda qilaman.
9-10 Quddusda, Sening uying hovlilarida,
Jamiki xalqingning koʻzi oldida
Ey Egam, Senga bergan ontimni ado etaman.
Egamizga hamdu sanolar boʻlsin!
