100–САНО
Довуд саноси.
1 Садоқатингни, адолатингни куйлайман,
Сени, эй Эгам, тараннум этаман.
2 Бенуқсон ҳаёт кечиришни ўрганаман,
Қачон бунга эришаман?
Пок юрак ила ўз уйимда умр кечираман.
3 Ҳеч қандай ёвузликка йўл қўймайман.
Қинғир ишлардан нафратланаман,
Мен уларга ҳеч қўшилмайман.
4 Терс ишларни рад қиламан,
Ёмонлик мендан узоқ бўлади.
5 Дўсти ортидан ғийбат қиладиганни йўқ қиламан,
Такаббурлик билан қарайдиган кўзларга,
Мағрур юракка асло тоқат қилмайман.
6 Ёнимда истиқомат қилсинлар дея,
Юртимнинг содиқ одамларига хайрихоҳ бўламан.
Тўғри йўлдан юрадиган инсон
Менга хизмат қилади.
7 Ҳийлагарлар менинг саройимда қолмайди,
Ёлғончилар қаршимда турмайди.
8 Ҳар саҳарда юртдаги фосиқларни қираман,
Эй Эгам, Сенинг шаҳрингдан бадкирдорларни йўқ қиламан.
100–SANO
Dovud sanosi.
1 Sadoqatingni, adolatingni kuylayman,
Seni, ey Egam, tarannum etaman.
2 Benuqson hayot kechirishni oʻrganaman,
Qachon bunga erishaman?
Pok yurak ila oʻz uyimda umr kechiraman.
3 Hech qanday yovuzlikka yoʻl qoʻymayman.
Qingʻir ishlardan nafratlanaman,
Men ularga hech qoʻshilmayman.
4 Ters ishlarni rad qilaman,
Yomonlik mendan uzoq boʻladi.
5 Doʻsti ortidan gʻiybat qiladiganni yoʻq qilaman,
Takabburlik bilan qaraydigan koʻzlarga,
Magʻrur yurakka aslo toqat qilmayman.
6 Yonimda istiqomat qilsinlar deya,
Yurtimning sodiq odamlariga xayrixoh boʻlaman.
Toʻgʻri yoʻldan yuradigan inson
Menga xizmat qiladi.
7 Hiylagarlar mening saroyimda qolmaydi,
Yolgʻonchilar qarshimda turmaydi.
8 Har saharda yurtdagi fosiqlarni qiraman,
Ey Egam, Sening shahringdan badkirdorlarni yoʻq qilaman.
