4–БОБ
1 Ўша куни етти аёл бир эркакни тутиб олиб, шундай дейди:
“Ўз нонимизни еймиз,
Ўз кийимимизни киямиз.
Шармандалигимиздан бизни қутқаринг,
Бизни сизники деб билишса бўлди.”
2 Ўша куни Исроилдаги омон қолганларга
Юртнинг ҳосили ифтихор, улуғворлик бўлади.
Ҳа, Эгамнинг новдаси кўркам, улуғвор бўлади.
3 Қуддусда омон қолганлар,
Ўша Сион шаҳрида қолганлар
“Муқаддас” деб аталади.
Улар Қуддусда ҳаёт китобига ёзилган.
4 Адолат руҳи, оташ руҳи ила
Раббий ювиб ташлайди
Қуддус халқининг ҳаром–харишини,
Поклайди Сионнинг қон доғларини.
5 Жамоа узра кундузи булутни,
Тунлари тутунни, ёруғ алангани
Эгам барпо қилади бутун Сион тоғида .
Ҳа, ўша ҳашаматли шаҳар узра
Эгам Ўзи соябон бўлади.
6 У соя, кўланка бўлади кундузи иссиқдан,
Паноҳ, бошпана бўлади бўрону ёмғирдан.
4–BOB
1 Oʻsha kuni yetti ayol bir erkakni tutib olib, shunday deydi:
“Oʻz nonimizni yeymiz,
Oʻz kiyimimizni kiyamiz.
Sharmandaligimizdan bizni qutqaring,
Bizni sizniki deb bilishsa boʻldi.”
2 Oʻsha kuni Isroildagi omon qolganlarga
Yurtning hosili iftixor, ulugʻvorlik boʻladi.
Ha, Egamning novdasi koʻrkam, ulugʻvor boʻladi.
3 Quddusda omon qolganlar,
Oʻsha Sion shahrida qolganlar
“Muqaddas” deb ataladi.
Ular Quddusda hayot kitobiga yozilgan.
4 Adolat ruhi, otash ruhi ila
Rabbiy yuvib tashlaydi
Quddus xalqining harom–xarishini,
Poklaydi Sionning qon dogʻlarini.
5 Jamoa uzra kunduzi bulutni,
Tunlari tutunni, yorugʻ alangani
Egam barpo qiladi butun Sion togʻida .
Ha, oʻsha hashamatli shahar uzra
Egam Oʻzi soyabon boʻladi.
6 U soya, koʻlanka boʻladi kunduzi issiqdan,
Panoh, boshpana boʻladi boʻronu yomgʻirdan.
